প্রধানমন্ত্রীগী লোইশঙ
প্রধান মন্ত্রীনা কাতরগী অমির উনখ্রে
Posted On:
15 FEB 2024 5:59PM by PIB Imphal
ঙসি প্রধান মন্ত্রী শ্রী নরেন্দ্র মোদীনা দোহাদা লৈবা অমিরি কোনুংদা কাতরগী অমির, সৈখ তামিম বিন হমাদ অল থানি উনখ্রে।
প্রধান মন্ত্রীনা অমিরি কোনুংদা থুংলবদা চৎনবগী থৌরমগা লোয়ননা তরাম্না ওকখি। তুংদা, নাকল অনিমক্না মীহুৎ কাংবুগী থাক্তা ৱারি শানখি। ৱারি শানখিবা হিরমশিংগী মনুংদা শেন-থুমগী মতেং পীনবা, শেন থাদবা, ইনর্জিগী মতেং পীনবা, স্পেসকী মতেং পীনবা, সহরগী ইনফ্রাস্ত্রকচর, নাৎকী মরীশিং অমসুং মীগা মীগা লৈনবা মরীশিং য়াওখি। লমদম লমদমগী অমসুং মালেমগী ওইবা ৱাফমশিং লুচিংবা অনিনা খন্নখি।
কাতরদা লৈরিবা ভারতমচা লাখ ৮ হেনবা অসি চেকশিন্না শেনবগীদমক প্রধান মন্ত্রীনা অমির থাগৎপা ফোঙদোকখি অমসুং কাতরগা লৈনবা মরী মখা তানা পাকথোক-চাউথোক্নবা ভারতকী মাইকৈদগী থাজবা পীখি। অথুবা মতমদা ভারত্তা লাক্নবা মহাক্না অমিরদা চেবাউ পীখি।
গল্ফ লমদমদা মরুওইবা মরুপ অমা ওইনা ভারতনা লৌরিবা থৌদাং অমিরনা থাগৎপা ফোঙদোকখি। কাতর চাউখৎনবা ভারতমচাশিংনা লৌরিবা থৌদাং অমিরনা থাগৎপা ফোঙদোকখি অমসুং কাতরদা পাংথোকপা তোঙান-তোঙানবা মালেমগী থৌরমশিংদা মখোয়না থৱায় য়াওনা শরুক য়াবগীদমক থাগৎখি।
মীফম অদুগী তুংদা প্রধান মন্ত্রী ইকায়খুম্নবা উৎপা ওইনা অমিরি কোনুংদা চাক্লেন অমা শীনখি।
***
(Release ID: 2006465)
Visitor Counter : 45
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam