وزیراعظم کا دفتر

وزیراعظم کی قطر کے امیر سے ملاقات

Posted On: 15 FEB 2024 5:59PM by PIB Delhi

وزیر اعظم جناب نریندر مودی نے آج دوحہ کے امیری محل  (دیوانِ ملکی) میں قطر کے امیر عزت مآب شیخ تمیم بن حمد الثانی سے ملاقات کی۔

امیری پیلس پہنچنے پر وزیراعظم کا شاندار استقبال کیا گیا۔ اس کے بعد دونوں فریقوں نے وفود کی سطح پر اور محدود مذاکرات کئے۔ بات چیت میں اقتصادی تعاون ، سرمایہ کاری ، توانائی شراکت داری ، خلائی تعاون ، شہری انفرا اسٹرکچر ، ثقافتی بندھن اور عوام کے درمیان روابط سمیت متعدد موضوعات کا احاطہ کیا گیا۔ دونوں رہنماؤں نے علاقائی اور عالمی امور پر بھی تبادلہ خیال کیا۔

وزیر اعظم نے قطر میں 8 لاکھ سے زیادہ ہندوستانی کمیونٹی کا خیال رکھنے کے لئے امیر کا شکریہ ادا کیا اور قطر کے ساتھ دوطرفہ تعاون کو مزید وسعت دینے اور گہرا کرنے کے ہندوستان کے عزم سے آگاہ کیا۔ انہوں نے امیر کو ہندوستان کا جلد دورہ کرنے کی دعوت دی۔

امیر نے    بھی ، ایسے ہی جذبات کا اظہار کرتے ہوئے  خلیجی خطے میں ایک قابل قدر شراکت دار کے طور پر ہندوستان کے کردار کی تعریف کی۔ امیر نے قطر کی ترقی میں متحرک ہندوستانی برادری کے تعاون اور قطر میں منعقدہ مختلف بین الاقوامی تقاریب میں ان کی پرجوش شرکت کی بھی تعریف کی۔

ملاقات کے بعد امیری پیلس میں وزیراعظم کے اعزاز میں عشائیہ دیا گیا۔  

*************

 

ش ح      ۔   م م     ۔     ت ح

U. No.  5014



(Release ID: 2006366) Visitor Counter : 78


Read this release in: English , Marathi , Hindi , Assamese , Manipuri , Bengali , Punjabi , Gujarati , Odia , Tamil , Telugu , Kannada , Malayalam