খুরুমজরি !

গুজরাতকী ঐগী ইনাওশিং অমসুং ইচলশি, কেম ছো…মাজা মা। ঙসি বিকসিত ভারত বিকসিত গুজরাতকী অচৌবা থৌরম অমা হৌদোক্লে। তেক্নোলোজিগী মতেংনা গুজরাতকী এশেমব্লি সিত ১৮২ শীনবা থুংনা, গুরাতকী মফম কয়াগী মীওই লাখ কয়া থৌরম অসিদা শরুক য়ারি হায়বা ঐ খঙলে। গুজরাত চাউখৎপগী খোঙচত্তা থৱায় য়াওনা শরুক য়ারিবা মীয়াম পুম্নমক ঐনা হরাওবা ফোঙদোকচরি।

হৌখিবা থাদা, ঐনা ভাইব্রেন্ত গুজরাত সম্মিৎ শরুক য়াখ্রে। ভাইব্রেন্ত গুজরাত চহি ২০ মপুংফারে। অদোম্না থৌরম অসি অঙকপা মওং অমদা শীল্লি। মসি গুজরাতকীদমক অমসুং লৈবাক অসিগী ওইনা শেন থাদবগী লমদা য়াম্না ফরবা থৌরম অমনি। ঐনা গুজরাতকী চীফ মিনিস্তর ওইরিঙৈদা, ঐনা অসিগুম্বা থৌরম অমা থৌরাং তৌবা ঙমখিদবা থৌরম অমা হন্দক অদোম্না পাংথোক্লে অমসুং অদোম্না ঐঙোন্দগী হেন্না থবক ফজনা তৌরে, মসিদা ঐ হরাওবা হেনগৎলে। মসিগী থৌরম অসিগীদমক ঐনা গুজরাতকী মীয়াম, গুজরাত সরকার অমসুং চীফ মিনিস্তরগী অপুনবা কাংবু ঐনা থম্মোয় শেংনা থাগৎপা ফোঙদোকচরি।

মরুপশিং,

লায়রবা মীওই অমনা য়ুম অমা ফংবা হায়বসি মখোয়গী তুংগী য়াইফনবা গরেন্তি অমনি। মতম হৌখিবগী মতুংইন্না ইমুংশিং মশিং হেনগৎলক্কনি অমসুং অনৌবা য়ুমশিং দরকার ওইবা হেনগৎলক্কনি। মীওই খুদিংমক, মখোয়না মঙ মঙজবা পাক্কাগী য়ুম অমা ফংহনবা হায়বসি ঐখোয়গী সরকারগী থবকনি। মসিগী ৱাখল্লোন অসিগা লোয়ননা, গুজরাত খক্তদা য়ুম লাখ ১.২৫ হেন্না শারে। মসিগী মশিং অসি কনাগুম্বা মীওই অমনা মমাঙদা অমুক্তা খনখিদ্রিবা মশিংনি। ঙসিদি য়ুম লাখ ১.২৫ হেনবদা দিৱালি পাংথোক্লে। লায়রবা মীওই খুদিংমক্কী য়ুম শানবা সরকারনা হোৎনরি অমসুং ঙসি য়ুম লাখ ১.৫ রোমগী ভুমি পুজন পাংথোক্লে। ঙসি অনৌবা য়ুম ফংলবা ইমুংশিংদা ঐনা হরাওবা ফোঙদোকচরি অমসুং মখোয়গী তুংদা অফবা ওইনবা য়াইফ-পাউজেল পীজরি। অসিগুম্বা অচৌবা থবকশিং লোইশিল্লকপা মতমদা, লৈবাক অসিনা মসি ‘মোদী কি গরেন্তি’ হায়বদি থাজবশিং থবক ওইনা পাংথোকপা থাজবা হায়গনি।

মরুপশিং,

থৌরম অসিদা বনাসকন্থাগী মশিং য়াম্লবা মীওইশিং শরুক য়ারি। ঐনা এশেমব্লি কেন্দ্র ১৮২ হায়খিবা অদুগা লোয়ননা এশেমব্লি কেন্দ্র অমমমদা মীওই লিশিং কয়া থৌরম অসি শরুক য়ারি। অসিগুম্বা অচৌবা থৌরম অমা শীনবগীদমক ঐনা গুজরাতকী মীয়াম অমসুং গুজরাত সরকার থাগৎপা ফোঙদোকচরি। ঙসি ঐনা তি.ভি তোঙান-তোঙানবা মফশিংদা মীওই কয়া উরে, ঐনা অরাপ্পদা অহল ওইরবা তোঙান-তোঙানবা মাইথোংশিং উবা ফংলে। অরাপ্পদা লৈরিবা মফমশিং ঐ উরে। কয়াদা চাউরবা থৌরম্নো, ঐ দলগী থবক কয়া তৌরক্লে, মরম অদুনা মীওই লাখ কয়া মফম কয়াদা পুনহলবা হায়বসি অরাইবা নত্তে হায়বা ঐ খঙই। মশিং য়াম্লবা অদোমগী থৌজালশিংনা ঐখোয়গী ৱাশকশিং মখা তানা মপাঙ্গল কনখৎহনগনি। ঐখোয়না অদোমগী অখাংকনবা অদু খঙলে। ঐখোয়গী অপুনবা অৱাং থংবা গুজরাত অসি ঐখোয়গী বনাসকন্থা জিলানি… ঐখোয়গী জিলা অসিদা ঈশিং শোক্নবা চফুশিং পুরগা ঐখোয় কিলোমিতর অনি চৎলি।

ঐখোয়গী অৱাং গুজরাতকী লৌমীশিংনা পর দ্রোপ মোর ক্রোপ অমসুং দ্রিপ ইরিগেসনগুম্বা  অনৌবা থবকশিং পায়খৎলে অমসুং মরম অসিনা  বনাসকন্থা, মেহসানা, অম্বাজি অমসুং পাতান্দা লৌউ-শিংউগী থবক অনৌবা থাকশিং য়ৌরে। অম্বাজি ধামদা চাউখৎ-থৌরাংগী থবকশিং পায়খৎপা উবদা ঐ হরাওই। অম্বাজিদা পায়খৎলিবা চাউখৎ-থৌরাংগী থবকশিংনা লাইখুরুম্বা লাকপা মীওই কয়া মশিং হেনগৎহল্লগনি। হৌজিক তরাঙ্গাহিল শেমগৎপা উবা ফংলে, অম্বাজি য়াম্না য়াংনা শেমগৎলি অমসুং মরুওইবা থবক অমনা অনৌবা রেলৱে লাইন লাকপা হৌরে, অহমেদবাদতগী অবু রোদ ফাওবা অনৌবা ব্রোদ গেজ লাইন লাক্লগনি। মসিগী থবক অসি চহি ১০০গী মমাঙদা বৃতিসকী মতমদা থৌরাং তৌরম্বনি হায়বা অদোম নিংশিংলমগনি। থবক অসি চহি ১০০ তুমিন্না লৈশিনখি অমসুং থবক পায়খৎখিদে। ঙসি চহি ১০০গী মতুংদা থবক অসি হৌরে। বৃতিস মতমদগী পন্দুনা লাক্লবা অহমেদবাদতগী অবু রোদ য়ৌবা ব্রোদ গেজ লাইন শেম্নবা থবক্না মশিং য়াম্লবা থবক ফংহল্লগনি। প্রোজেক অসিনা লোইশিল্লকপদা অজিনাথ জেন লাইশঙ য়ৌবা লাইহল্লগনি। অম্বাজি জি মাতাগী লাইশঙ ফাওবা রেল য়ৌরগনি। মসি ঐনা হৌজিক পাউ-চেদা পাবনি, মসিগী মরমদা ঐ থোইদোক্না খঙদে। মীয়াম্না ঐগী খুঙ্গং ভাদনাগর থিবা হৌরে। হন্দক ভাদনগর খুঙ্গংদা চহি ৩০০ হেল্লবা অরিবা পোৎলমশিং ফংখিবা অসিনা মশিং য়াম্লবা লমকোয়বশিংগী পুক্নিং চিংশিল্লে। অৱাং থংবা গুজরাতকী হাতকেশ্বর, অম্বাজি, পাতান অমসুং তারাঙ্গাজিগুম্বা মফমশিং স্তেচু ওফ য়ুনিতিগা চপ মান্ননা লমকোয়বশিংগী মফম অমা ওইরক্লে। মফম খুদিংমক্তা চাউখৎপা উরে। মসিগী অৱাং থংবা গুজরাত কান্নবা য়াম্না ফংলগনি অমসুং চাউখৎপগী অনৌবা থাকশিং য়ৌবা ঙম্লগনি।

মরুশিং,

নবেম্বর, দিশেম্বর অমসুং জনুৱারি থাশিংদা লৈবাক শীনবা থুংনা বিকসিত ভারত সংকল্প যাত্রা মাইপাক্না পাংথোকপা ঐখোয়না উরে।  খুঙ্গং লাখ কয়াদা মোদীগী গরেন্তিগী গারি য়ৌখ্রে অমসুং খুঙ্গংদা চিৎথহৌবা বেনফিসরি থিখ্রে। নিংতম্বা চহি ৭৫ শুরকপা অসিদা অহানবা ওইনা লৈবাক অসিগী খুঙ্গং লাখ কয়া শীনবা থুংনা ভারত সরকারনা মীয়ামগী মনাক্তা হকথেংননা চৎখ্রে। গুজরাতকী মীওই করোর কয়া যাত্রা অসিদা শরুক য়াখি। হৌখিবা চহি ১০দা সরকারনা পায়খৎখিবা থবকশিংনা মরম ওইদুনা মীওই করোর ২৫ লায়রবা কোক্লে। খোঙথাং খুদিংমক্তা মীওই করোর ২৫ অসিগীদমক সরকারনা লেপ্লি হায়রিবা মীওই করোর ২৫ অসিনা সরকারগী স্কিমশিংগী কান্নবশিং ফংলে।  মখোয় স্কিমশিংগী কান্নবশিং ফংলে অমসুং ফন্দশিং য়াম্না হৈশিংনা শীজিন্নখি অমসুং স্কিমশিংগী মতুংইন্না মখোয়গী পুন্সি শেমখি অমসুং লায়রবা মাইথিবা পীখি। ঐগী অনৌবা মরুপ করোর ২৫না লায়রবা মাইথিবা পীখ্রে। ঐ কয়া য়াম্না হরাওরমগনি, ঐগী থাজবা কয়া য়াম্না হেনগৎলমগনি হায়বা অদোম খন্দুনা য়েংউ… হায়রিবা স্কিমশিং অসিনা ঐখোয় লায়রবা কোকহল্লে। তুংদা ভারত্তা লায়রবা কোকহন্নবা ঐনা অদোমগী মতেং দরকার ওইগনি। অদোমগুম্না করিগুম্বা অদোম্না অতোপ্পা লায়রবা মীওইশিংনা লায়রবা কোকহনবা পাম্লবদি, অদোম ঐগী মরুপ ওইগদবনি অমসুং মখোয়দা থৌনা পীগদবনি। অদোমগী ঐগী লান্মী ওইগনি হায়না ঐনা থাজৈ অমসুং লায়রবা কোকহন্নবা ঐগী মতেং পাংগনি হায়না থাজৈ। অদোম্না থবক অসি শোইদনা পাংথোক্কনি অমসুং অদোম্না ফংলিবা থৌনা অদু লায়রবশিংশু ফংগনি । ঐগা ৱারি শান্নবগী খুদোংচাবা ফংখিবা ইচলশিংগী মফমদা থাজবা লৈবা অদু ঐ উরে, মখোয়গী অনৌবা য়ুমশিং ফংবদা বেনিফিসরিশিং মশানা মশাবু থাজবা হেনগৎলে। ঐশু মখোয়গী য়ুমশিং উরে, ঐগী ৱাখলদা হরাওবনা পীক থনখি। ঐগী গুজরাতগুম্না ঐগী লৈবাক্কী মীওইশিং হরাওবা পুন্সি অমা ফংগনি হায়না ঐনা থাজৈ।

মরুপশিং,

হৌজিক্কী মতম অসি পুৱারি শেম্নবগী মতমনি। হায়রিবা মতম অসি ঐখোয়না নিংতম ইহৌ মতমদা উখি। নিংতম ইহৌ মনুংদা, শ্বাদেসি ইহৌ, ভারত থাদোকউ ইহৌ অমসুং দন্দি খোঙচৎ মতমদা নিংতম্বা হায়বসি মীওই খুদিংমক্কী পান্দম ওইখি। মসিগা চপ মান্নবা মওংদা হৌজিক চাউখৎলবা ভারত অমা শেম্বা হায়বসি লৈবাক্কী ৱারেপনি। নহারোল খুদিংমক্না লাক্লিবা চহি ২৫ অসি ভারত চাউখৎলবা লৈবাক অমা ওইহনবা পাম্লে। মসিগীদমক মীওই খুদিংমক পাংথোকপা য়াবা থবকশিং পাংথোক্কদবনি। মসি মতম পুম্নমক্তা গুজরাতকী ৱাখল্লোনি, ঐনা গুজরাত্তা লৈরিঙৈদা, রাজ্যশিং চাউখৎহন্দুনা লৈবাক চাউখৎহনবা হায়বসি গুজরাতকী ৱাখল্লোলনি। ঙসিগী থৌরম অসি বিকসিত ভারতকী বিকসিত গুজরাত থৌরমগী শরুক অমনি। 

ইনাওশিং অমসুং ইচলশিং,

পি.এম অৱাস য়োজনা পায়খৎপদা মতম পুম্নমক্তা গুজরাতনা মাঙজিল থাবদা ঐ হরাওই। পি.এম অৱাস য়োজনাগী মখাদা গুজরাতকী সহরগী লমশিংদা য়ুম লাখ ৯ হেন্না শাখ্রে। পি.এম অৱাস-গ্রামিনগী মখাদা রাজ্য অসিগী খুঙ্গংশিংদা য়ুম লাখ ৫ শাখ্রে। খোঙজেল য়াংনা য়ুমশিং শানবা ঐখোয়গী হাওসিং স্কিমশিংদা অনৌবা তেক্নোলোজি শীজিন্নরে। গুজরাতকী রাজকোত্তা লাইতহাওস প্রোজেক্কী মখাদা য়ুম ১১০০ হেন্না শাখ্রে।

মরুপশিং,

লায়রবশিংগী য়ুমশিং শানবা মোদীনা সরকারগী শেঙ্গাউ হাংদোক্লে। হান্না, ঐখোয়গী হরাপতি ফুরুপকী বালসাদতা য়ুমশিং শাখিবা অদু ঐ নিংশিংলি। কনা অমতা নোংমা ফাওবা লৈখিদে। করিগুম্বা অদোমগী য়ুম ফংলবশু মফম অদুদা চৎত্রবদি, ফিবম অদু করি ওইগনি হায়বা ঐঙোন্দা হায়বীয়ু। মখোয় মশানা মশাগী য়ুম তপ্না তপ্না শাজখি। ঐখোয়না ভাবনাগর চৎপগী লম্বীদা ঐখোয়না য়ুম কয়া উরে। মী অমতা লৈবা উদে। হায়রিবা য়ুমশিং অদুগী থোং অমসুং থোংনাউ খুদিংমক হুরানখি। ঐনা হায়রিবা অসি চহি ৪০ মমাঙগীনি। খুদিংমক লোইনা মাঙখি। হৌখিবা চহি ১০ অসিদা য়ুম শানবা লায়রবশিংদা পীবা শেনফম অসি ২০১৪গী মমাঙদা পীখিবা শেনফম অদুদগী শরুক ১০ হেল্লে। চহি অসিগী বজেত্তা অনৌবা য়ুম করোর ২ শানবা ঐখোয়না লাউথোক্লে। মরম অসিনা লায়রবা খুদিংমক লেংদ্রবা য়ুম অমমম লৈরগনি।

মরুপশিং,

২০১৪গী মমাঙগী মতমগা চাংদম্নবদা লায়রবশিংগী য়ুম শাবগী খোঙজেল য়াম্না য়াংলে। মমাঙদা লায়রবশিংগী য়ুম শানবা ফন্দ লিক্না কাইথোকখি অমসুং কম্মিসন ওইনা শেনফম কয়া নারোন্দা মাঙখি। মীওই খরনা লুপা লিশিং  ১৫ লৌখি, খরনা লুপা লিশিং ২০ লৌখি, মখোয়না হুরানখি। হৌজিক লায়রবশিংগী য়ুম শানবা পীবা শেনফম লুপা লাখ ২.২৫ হেল্লে অমসুং হায়রিবা শেনফম অসি মিদলমেন য়াওহন্দনা মখোয়গী বেঙ্ক একাউন্তশিংদা হকথেংননা হাপচিনবনি। হান্নগী য়ুমশিং অদু য়াম্না পীকপা ওইখি।মখোয়গী দরকার ওইবগী মতুংইন্না য়ুমশিং শানবগী মনিংতম্বা পীরে।  করিগুম্বা য়ুম অমা শারবসু, লায়রবা ইমুং অমনা তোইলেত, মৈ, ঈশিং অমসুং গ্যাসকী খুদোংচাবশিং চহি কয়া ফংখিদে। মসিগীদমক লায়রবা মীওইশিং লুপা লিশিং কয়া চাদিং তৌখি। মরম অসিনা মমাঙদা য়ুমশিং শঙ্গারমদে। ঙসিদি য়ুমশিংদা হায়রিবা খুদোংচাবশিং লোইনা পীরে। অমসুং তোইলেতশিং, তোতি ঈশিং,মৈ অমসুং গ্যাস কন্নেক্সন পীরে। হায়রিবা খুদোংচাবশিং অসিনা লায়রবশিংগী শেন তুংশিনবদা মতেং পাংলে। হৌজিক নুপীশিংগী মিংদা য়ুমশিং রেজিস্তার তৌদুনা নুপীশিং য়ুমগী মপুশিং ওইরে। হান্নদি য়ুম অদু নুপাগী মিংদা লৈখি, মপুরোইবা নত্ত্রগা মচানুপাগী মিংদা লৈখি, দুকান লৈরবশু নুপাগী মিংদা, লৌবুক লৈরবসু নুপাগী মিংদা, য়ুম অদুদা গারি লৈরবশু নুপাগী মিংদা লৈখি। লায়রবশিংদা য়ুম পীবা মতমদা, মদু য়ুম অদুগী খ্বাইদগী অহল ওইরবী নুপী অদুগী মিংদা লৈগদবনি হায়না ঐখোয়না ৱারেপ লৌরে। হৌজিক ইমাশিং অমসুং ইচলশিং য়ুমশিংগী মপুশিং ওইরে।

মরুপশিং,

বিকসিত ভারতকী য়ুম্বী মরি-নহারোল, নুপীশিং, লৌমীশিং অমসুং লায়রবা শক্তি পীনবা ঐখোয়না থবক পায়খৎলে। কাংলুপ খুদিংমক্তা লায়রবা ইমুংশিং লৈরি। মীচং-মীখাই নাইদনা স্কিমশিংগী কান্নবশিং মীওই খুদিংমক্তা ফংহল্লে। কাংলুপ খুদিংমক্কী লায়রবা ইমুংশিং য়ুমশিং ফংলে। কাংলুপ খুদিংমক্কী লায়রবা ইমুংশিং লেম্না চেঙ ফংলে। কাংলুপ খুদিংমক্কী লায়রবা বেনিফিসরিশিং লেম্না লায়য়েংনবগী খুদোংচাবা ফংলে। কাংলুপ খুদিংমক্কী লৌমীশিং অহোংবা মমলদা হার ফংলে। কাংলুপ খুদিংমক্কী লৌমীশিংদা পি.এম কিষান সম্মান নিধি পীরি। হান্নগী বেঙ্কশিংগী থোং লায়রশিংগী থিংজিনখি। মহাক্কী বেঙ্ক গরেন্তি অমতা লৈখিদে। গরেন্তি লৈতবা মীওইশিংগীদমক মোদীনা গরেন্তি ওইনা লেপখি। মুদ্রো য়োজনা অসি অসিগুম্বা গরেন্তি অমনি। য়োজনা অসিগী মখাদা কাংলুপ খুদিংমক্কী লায়রবা নহারোলশিং গরেন্তি য়াওদনা লোনশিং লৌখি অমসুং মখোয় মশাগী ললোন-ইতিক পাংথোকখি। মুদ্রা য়োজনাগী মখাদা কাংলুপ খুদিংমক্কী ওন্ত্রেপ্রেনিউয়রশিং গরেন্তি য়াওদনা লোনশিং ফংলে। বিশ্বকর্মাশিং অমসুং লম্বী নাকলদা পোৎ য়োল্লিবশিংদা শেন্থং অমসুং স্কিল পীরে। য়াইফ-থৌরাংশিংগী খ্বাইদগী কান্নবা ফংলবা মীওইশিংদি দলিত, ও.বি.সি অমসুং ত্রাইবেল ইমুংশিংনি। কনাগুম্বা অমা মোদীগী থাজবদগী খ্বাইদগী য়াম্না কান্নবা ফংলবদি, মদু হায়রিবা ইমুংশিং অসিনি।  

ইনাওশিং অমসুং ইচলশিং,

লাখপতি দিদিশিং শেম্নবা মোদীনা থাজবা পীরি। মোদী সাহেপনা তৌরিবা অসি করিনো হায়বা অদোম শোইদনা তারমগনি। খুঙ্গং খুদিংমক্তা লাখপতি দিদি অমা লৈহন্নবা ঐনা ৱারেপ লৌরে। গুজরাতকী নুপী কয়া য়াওনা লৈবাক অসিনা লাখপতি দিদি করোর ১ শেমখ্রে। মথং চহি খরদা লৈবাক অসিনা লাখপতি দিদি করোর অহুম শেমগনি অমসুং অনৌবা লাখপতি দিদিশিং অসিনা লায়রবা ইমুং কয়া ফিবম ফগৎহল্লগনি। চহি অসিগী বজেত্তা অশা ৱার্করশিং অমসুং অঙ্গনৱাদি ৱার্করশিং অয়ুস্মান য়োজনাগী মখাদা কোনশিল্লে। হৌজিক হায়রিবা ইচলশিং অসি মখোয়গী লায়য়েংনবগী ৱাররোই। মশা অমসুং মহাক্কী ইমুং-মনুংগী লায়য়েংনবা মোদীনা শেন্নরগনি। অশা ৱার্করশিং অমসুং অঙ্গনৱাদি ৱার্করশিং অয়ুস্মান য়োজনাগী মখাদা লেম্না লায়য়েংলগনি।

মরুপশিং,

লায়রবা অমসুং মিদল ক্লাসকী চাদিং হন্থহন্নবা হৌখিবা চহি ১০দা সরকারনা থবক কয়া পায়খৎলে। লেম্না চেঙ পীরে, হোস্পিতালশিংদা শেন য়াম্না চঙহন্দনা লায়য়েংবা য়ারে, অতাবা মমলদা হিদাক-লাংথকশিং ফংহল্লে, মোবাইল ফোন বিলশিং হোংহল্লে, উজৱালা য়োজনাগী মখাদা গ্যাস সিলিন্দরশিং পীরে অমসুং এল.ই.দি ব্লবশিংনা মৈগী বিলশিং হন্থহল্লে। রুপতোপ সোলার স্কিম্না য়ুম করোর ১গী মৈগী বিলশিং হন্থহনগনি অমসুং অহেনবা মৈ পুথোক্তুনা শেন তানবা ঙমগনি। স্কিম অসিগী মখাদা মৈ য়ুনিতি ৩০০ ফাওবা লেম্না পীগনি অমসুং সরকারনা খুদিংগী লুপা লিশিং কয়াগী মৈ লৈগনি। গুজরাতকী মোধেরাদা অচৌবা সোলার ভিলেজ অমা শেমগৎলে। অসিগুম্বা অওনবা হৌজিক লৈবাক শীনবা থুংনা উবা ফংলগনি। লৌমীশিং মৈ পুথোকপা মীওইশিং ওইহন্নবা ঐখোয়গী সরকারনা থবক পায়খৎলে। সোলার পম্পশিং থম্বা অমসুং লমহাংদা অপীকপা সোলার প্লান্তশিং শেমগৎপদা সরকারনা লৌমীশিংদা মতেং পাংলি। নুংথিলগী মতমদা লৌমীশিংনা লৌউ-শিংউগী মৈ শীজিন্নবা য়ানবা গুজরাত্তা সোলার ইনর্জিগী খুৎথাংদা লৌমীশিংদা তোখাইবা ফিদর অমা পীনবা থবকশু পায়খৎলে।

মরুপশিং,

গুজরাত অসি ললোন-ইতিক্কী রাজ্য অমনি। রাজ্য অসিগী চাউখৎপগী খোঙচৎনবা উদোগ চাউখৎপদা অনৌবা ইনোৎ অমা পীগনি। উদোগকী পৱারহাওস অমা ওইনা গুজরাতকী নহারোলশিং মমাঙদা অমুক্তা ওইখিদ্রিবা মওংদা খুদোংচাবশিং ফংলে। ঙসিদি হিরম খুদিংমক্তা গুজরাতকী নহারোলশিংনা রাজ্য অসি অনৌবা থাকশিংদা পুখৎলে। পায়খৎলিবা কেম্পেনশিং অসিনা গুজরাতকী নহারোলশিংদা অনৌবা খুদোংচাবশিং পীরে অমসুং মখোয়গী শেন্থোক হেনগৎলক্লে অমসুং গুজরাতকী চাউখৎপা অনৌবা থাকশিংদা পুখৎলে। থবক খুদিংমক্তা দবল-ইঞ্জিন সরকারনা মীওই খুদিংমক মতেং পাংগনি।

ঙসি মীয়াম পুম্নমক্কা উনবা য়াম্না নুংঙাই, ঙসি অনৌবা য়ুম ফংলবশিং মখোয়গী তুংগী পুন্সি য়াইফনবা ঐনা য়াইফ-পাউজেল পীজরি। অদোমগী থাজবা লৈরে অমসুং অদোমগী অঙাংশিং অদোম্না হিংলিবা খুদোংচাদবা ফিবম অদুদা হিংগদবা নত্তে, ফিবম অসিদা লৈহল্লোইদবনি। অদোমগী অঙাংশিং অদোম্না ফংলিবা অৱাবা অদু ফংহন্দনবা ঐখোয়না গুজরাত অমসুং লৈবাক অসি শেমগৎকনি।

মীয়াম পুম্নমক য়াইফ-পাউজেল পীজরি।

ঐনা অদোম ঙমখৈ লৈতনা থাগৎচরি।

​***