ସୂଚନା ଓ ପ୍ରସାରଣ ମନ୍ତ୍ରଣାଳୟ
ନୂଆଦିଲ୍ଲୀ ବିଶ୍ୱ ପୁସ୍ତକ ମେଳାରେ ସୂଚନା ଓ ପ୍ରସାରଣ ସଚିବ ପ୍ରକାଶନ ବିଭାଗର 'ଇଣ୍ଡିଆ ଇୟର ବୁକ୍ ୨୦୨୪' ଏବଂ 'କ୍ୟାରିୟର କଲିଂ' ଉନ୍ମୋଚନ କରିଛନ୍ତି
Posted On:
10 FEB 2024 6:34PM by PIB Bhubaneshwar
ସୂଚନା ଓ ପ୍ରସାରଣ ମନ୍ତ୍ରଣାଳୟର ସଚିବ ଶ୍ରୀ ସଞ୍ଜୟ ଜାଜୁ ଆଜି ପ୍ରଗତି ମଇଦାନଠାରେ ନୂଆଦିଲ୍ଲୀ ବିଶ୍ୱ ପୁସ୍ତକ ମେଳାରେ ପ୍ରକାଶନ ବିଭାଗ ଦ୍ୱାରା ପ୍ରକାଶିତ 'ଇଣ୍ଡିଆ ଇୟର ବୁକ୍ ୨୦୨୪' ଏବଂ 'କ୍ୟାରିୟର କଲିଂ'କୁ ଉନ୍ମୋଚନ କରିଛନ୍ତି।
![](https://static.pib.gov.in/WriteReadData/userfiles/image/IMG-20240210-WA00122I8M.jpg)
'ଇଣ୍ଡିଆ ଇୟର ବୁକ୍ ୨୦୨୪' ହେଉଛି ଭାରତର ପ୍ରଗତିକୁ ବର୍ଣ୍ଣନା କରୁଥିବା ଏକ ରେଫରେନ୍ସ ବାର୍ଷିକ- ଦେଶର ବିକାଶ ବିଷୟରେ ଜାଣିବାକୁ ଆଗ୍ରହୀ ଲୋକଙ୍କ ପାଇଁ ଏକ ଅତ୍ୟାବଶ୍ୟକ ପୁସ୍ତକ।
'କ୍ୟାରିୟର କଲିଂ' ବିଭାଗର ଆଉ ଏକ ପ୍ରକାଶନ ହେଉଛି ନିକଟରେ ସାପ୍ତାହିକ ଖବରକାଗଜ 'ଏମ୍ପ୍ଲଏମେଣ୍ଟ ନ୍ୟୁଜ୍'ରେ ପ୍ରକାଶିତ ପ୍ରବନ୍ଧଗୁଡ଼ିକର ଏକ ସଂକଳନ ଯାହା ଛାତ୍ର ଏବଂ ଯୁବକମାନଙ୍କୁ କ୍ୟାରିୟର ମାର୍ଗଦର୍ଶନ ପ୍ରଦାନ କରିବ । ଏହି ପୁସ୍ତକରେ ଆଜିର ପ୍ରତିଯୋଗିତାମୂଳକ ଦୃଶ୍ୟପଟରେ ସୂଚନା ଉପରେ ଗୁରୁତ୍ୱାରୋପ କରାଯାଇଛି ।
ଏହି ଉନ୍ମୋଚନ ବ୍ୟତୀତ ଷ୍ଟଲ ନଂ ବି-୧୧, ହଲ୍ ନଂ-୫, ପ୍ରଗତି ମଇଦାନରେ ପ୍ରକାଶନ ବିଭାଗର ବିସ୍ତୃତ ସଂକଳନରେ 'ଯୋଜନା', 'କୁରୁକ୍ଷେତ୍ର', 'ଆଜକଲ' ଏବଂ 'ବାଲ ଭାରତୀ' ଭଳି ଲୋକପ୍ରିୟ ପତ୍ରିକା ରହିଛି, ଯାହା ଅନେକ ବିଷୟରେ ମୂଲ୍ୟବାନ ଜ୍ଞାନ ପ୍ରଦାନ କରିଥାଏ।
![](https://static.pib.gov.in/WriteReadData/userfiles/image/IMG-20240210-WA00131FHW.jpg)
ପ୍ରକାଶନ ବିଭାଗ ମଧ୍ୟ ବିଭିନ୍ନ ବିଷୟକୁ ନେଇ ଏହାର ପୁସ୍ତକ ସଂଗ୍ରହ ପ୍ରଦର୍ଶନ କରୁଛି। ଗାନ୍ଧିସାହିତ୍ୟ, ବିଶିଷ୍ଟ 'ଆଧୁନିକ ଭାରତର ନିର୍ମାତା', କଳା, ସଂସ୍କୃତି, ଐତିହ୍ୟ ଓ ଶିଶୁ ସାହିତ୍ୟ ଉପରେ ବିଭିନ୍ନ ପୁସ୍ତକ ରହିଛି।
ଦେଶବ୍ୟାପୀ ଅନେକ ଭାରତୀୟ ଭାଷାରେ ଏହି ପ୍ରକାଶନ ଉପଲବ୍ଧ ରହିଛି ।
BS
(Release ID: 2004904)
Visitor Counter : 68