অৱাং নোংপোক ভারতকী মখল য়াম্লবা চৎনবী কয়াগী হেরিতেজকী নুংঙাইবা ফোংদোকপা ওইনা ‘বিবিধতা কা অমৃত মহোৎসব’কী অহানবা থৌরম অমা ইং ২০২৪গী ফেব্রুৱারী ৮দগী ১১ ফাওবা রাস্ত্রপতি ভবন্দা পুৱারী ওইরবা মওংদা হৌজিক পাংথোক্লি। অৱাং নোংপোক্কী চাউখৎ থৌরাং মন্ত্রালয় অমদি কলচর মন্ত্রালয়গা খুৎশম্নদুনা পাংথোক্লিবা থৌরম অসিনা মখল মথেল কয়ানা থল্লবা কলচরগী শাংলবা খোঙচৎ অমা ওইদুনা মসিদা শরুক য়ারিবা মীওইশিংগী মফমদা কাওবা নাইদ্রবা ইথিল অমা পীরি।

থৌরম অসি DoNER মন্ত্রী, শ্রী জি. কিশন রেদ্দীনা ফেলিসিতেসনগী থৌওং লুচিংদুনা ভারতকী রাস্ত্রপতি, শ্রীমতি দ্রৌপদী মুর্মুনা হৌদোকখি।

DoNER, কলচর অমসুং তুরিজম মন্ত্রী, শ্রী জি. কিশন রেদ্দীনা ঙসি তিনখিবা মীয়ামদা ৱা ঙাঙবদা রাস্ত্রপতিবু অৱাং নোংপোক লমদমগী চাউখৎ থৌরাংদা লেপ্তনা তেংবাংবগা লোয়ননা পুক্নিং থৌগৎপগীদমক্তা থাগৎপা ফোংদোকখি। মহাক্না মখা তারকপা ওইনা, অৱাং নোংপোক লমদমগী মাইকৈদা ভারতকী প্রধান মন্ত্রী, শ্রী নরেন্দ্র মোদীনা ইং 2014দগী হৌদুনা নেস্নেল প্রাইওরিতী ওইনা মিৎয়েং চঙদুনা মহাক্কী লুচিং মখাদা লমদমসিদা মমাংদা অমুক্তা উখিদ্রিবা মওংদা চাউখৎ থৌরাংগী খোঙথাং কয়া পায়খত্তুনা লাক্লি হায়খি। শোরোক, রেল, নোংথক অমসুং ঈশিংগী ফিজিকেল কন্নেক্তিবিতী ওইরো, নত্ত্রগা পোলিতিকেল, কলচরেল নত্ত্রগা ইমোস্নেল কন্নেক্তিবিতীগী হীরমদা ওইরো, লমদম অসিগী অথাপ্পা খুদিংমক লৈহন্দ্রে হায়না মহাক্না মখা তাখি। অৱাং নোংপোক্কী ইনাক খুল্লবা হেরিতেজ অসিনা লমদম অসিগী মীয়ামগী লোম্বা নাইদবা নুংঙাই য়াইফবগী মরম্নি অমসুং সরকারনা মখোয়গী তৌবা ঙম্বগী মতিকশিংবু মপুং ফানা শিজিন্নবা ঙম্নবা মখল কয়াগী খোঙথাং পায়খৎলি হায়না মহাক্না পাউদমখি।

আর্থ সাইন্স মন্ত্রী, শ্রী কিরেন রিজিজুসু ঙসিগী থৌরমদা ৱা ঙাঙখি। অৱাং নোংপোক লমদম্না হৌখিবা চহি 10গী মনুংদা মতৌ করম্না অওনবা কয়া লাকখিবগে হায়না পাউদম্লদুনা লমদম অসিগী মীয়ামদা হৌজিক থাজবা য়াম্না লৈনরে হায়না মহাক্না হায়খি। অৱাং নোংপোক্কী রাজ্য নিপানগী মুখ্য মন্ত্রী অমসুং রাজ্যপালশিংনা শরুক য়াবনা থৌরম অসিগী মগুন হেন্না হাপখি।

মহোৎসব অসিদা কলচরদা ইনাক খুল্লবা রাজ্য নিপানগী তোপ-তোপ্পা হেন্দিক্রাফ, হেন্দলুম অমসুং এগ্রোগী পোত্থোক কয়া উৎপা স্তোল 320+ ফম্লি। থৌরম য়েংবা লাকপা মীয়াম্না খুৎনা শাবা ফজরবা পোত্থোক, সস্তেনেবল ওইবা হেন্দিক্রাফ অমসুং ওর্গানিক ওইবা এগ্রো পোত্থোক কয়া য়াওনা অৱাং নোংপোক ভারতকী খ্বাইদগী ফজরবা পোৎলমশিংবু য়েংবা অমসুং খঙবগী খুদোংচাবা ফংনখি।

অহেনবা ৱাফম অমা ওইনা, অৱাং নোংপোক লমদমগী জিওগ্রাফিকেল ইনিদকেসন (GI) পোত্থোকশিং উৎপা নিংথীরবা GI পেভিলিয়ন অমসু থৌরম অসিগী শরুক অমা ওইনা য়াওরি। মালেম্না শকখঙলবা অসমগী মুগা সিল্কতগী হৌদুনা মনিপুরগী নীংথিরবা ৱাংখৈ ফী, অরুনাচল প্রদেশকী খুৎনা শাবা কার্পেত অমসুং ত্রিপুরাগী মহাও লৈরবা ক্বীন কিহোম ফাওবা পোৎলমশিং অসিগা লোয়ননা ঐখোয়গী অস্ত্রলক্ষমী রাজ্যশিংগী তেক্সতাইল, ক্রাফ অমসুং এগ্রিকলচরেল GI পোত্থোক 25+ পুথোকচরিবা অসি য়াম্না চাউথোকচনীংঙাই ওইরবা থৌওং অমা ওইরি।

স্তেসন 20+তা উৎলিবা ইনগেজিং ওইবা লাইব দিমোনস্ত্রেসন কয়ানা মাজুলী মায়খুম শাবা, খাও লোনবা, থম্বালদগী সিল্ক চিংবা অমসুং অৱাং নোংপোক লমদমগী খুৎশা হৈবগী অতোপ্পা চৎনবী কয়া উৎলি। হায়রিবা লৈতেংশিং অসি শাবদা চঙলিবা স্কিল অমসুং মহৈ কয়াবু মমিৎমক্না হকথেংননা উজবগী তাঙল্বা খুদোংচাবা কয়াসু থৌরম য়েংবা লাক্লিবা মীওইশিংনা ফংখি।

ভারতকী রাস্ত্রপতি, শ্রীমতি দ্রৌপদি মুর্মু য়াওনা শক্নাইরবা মীথুংলেন কয়ানা অস্তলক্ষমী রঙ্গোলী অমসুং কলচরেল পরফোর্মেন্সকী অপুনবা থৌওং কয়া মিৎয়েং তাখি। অহানবা নুমিৎ অসিদা রাজ্য নিপানগী আর্তিস্তশিংনা রাজ্য নিপান অসিগী নাৎকী জগোই উৎপা য়াওনা মখোয়গী মশক থোক্লবা পরফোর্মেন্স কয়ানা মহোৎসব অসিগী থাক ৱাংখৎহনবগী মতৌ উখি। মথংগী নুমিৎ মরিনি অসিদা, আর্তিস্ত 350+না মসিগুম্বা পরফোর্মেন্স কয়ানা থৌরম য়েংবা লাকপা মীওইশিংগী পুক্নিং শুমহৎখিগনি।

মসিদা নত্তনা, অৱাং নোংপোক্তগী পুদুনা লাক্লিবা মখল কয়াগী মহাও পুদুনা লাক্লগা ফম্লিবা মখল কয়াগী ফুদ স্তোল হাংলিবশিংদা ভিজিতরশিংনা লমদমসিগী মখল মথেল অহাওবা কয়া চাবগী মতৌ উবা ফংখি।

অঙাংশিংগী এক্তিবিতী জোন অমসুং নহাশিংগী ইনগেজমেন্ত জোন্দা নহা অমসুং অঙাংশিংনা তোঙান-তোঙানবা এক্তিবিতী কয়াদা মতম লেন্দুনা নুংঙাইবগী মতৌ উবা ফংখি। মখোয়না অৱাং নোংপোক লমদমগী পুৱারী অমসুং নাৎকী ওইবা ইনাক খুল্লবা পোৎলমশিংগা লোয়ননা ইনগেজ তৌবগী মতৌ উবা ফংখি।

লোইশিল্লকপদা, DoNER মন্ত্রালয়না কলচর মন্ত্রালয়, শক্নাইরবা গেস্ত অমসুং থৌরম অসিদা থৱাই য়াওনা শরুক য়ারিবা মীওই কয়াগী মফমদা তৌবীমল খঙবা উৎখি। ‘বিবিধতা কা অমৃত মহোৎসব’ অসিনা য়ুনিতী ইন দাইবর্সিতীগী মতাংদা নুংঙাইবা ফোংদোকপগা লোয়ননা অৱাং নোংপোক্কী নীংথিরবা কলচর অসিগা অমত্তা ওইবগী মরী অমসু শেমগৎখি। মথংগী নুমিৎ মরিনি অসিনা ঙসিগী নুমিত্তা লাকখিবা মীয়াম মশিং হেনবগী পুক্নিং চীংশিনগনি।

***