पंतप्रधान कार्यालय
माजी पंतप्रधान चौधरी चरण सिंह यांचा ‘भारतरत्न’ देवून गौरव करणार - पंतप्रधान
Posted On:
09 FEB 2024 3:45PM by PIB Mumbai
नवी दिल्ली, 9 फेब्रुवारी 2024
माजी पंतप्रधान चौधरी चरण सिंह यांना भारतरत्न हा सर्वोच्च नागरी पुरस्कार प्रदान करण्याची घोषणा पंतप्रधान नरेंद्र मोदी यांनी आज केली.
त्यांनी स्वर्गीय चौधरी चरण सिंह यांची प्रशंसा करताना सांगितले की त्यांनी आपले संपूर्ण आयुष्य शेतकऱ्यांच्या हक्कांसाठी आणि कल्याणासाठी समर्पित केले.
पंतप्रधान संदेशात म्हणाले:
“देशाचे माजी पंतप्रधान चौधरी चरण सिंह यांना भारतरत्न देऊन सन्मानित केले जात आहे, हे आमच्या सरकारचे सौभाग्य आहे. हा सन्मान देशासाठी त्यांनी दिलेल्या अतुलनीय योगदानाला समर्पित आहे. त्यांनी आपले संपूर्ण आयुष्य शेतकऱ्यांच्या हक्कांसाठी आणि त्यांच्या कल्याणासाठी समर्पित केले होते. उत्तर प्रदेशचे मुख्यमंत्रीपद असो किंवा देशाचे गृहमंत्री आणि आमदार म्हणूनही त्यांनी राष्ट्र उभारणीला नेहमीच चालना दिली. आणीबाणीच्या विरोधातही ते ठामपणे उभे राहिले. आपल्या शेतकरी बंधू - भगिनींप्रती त्यांचे समर्पण आणि आणीबाणीच्या काळात लोकशाहीप्रती त्यांची बांधिलकी संपूर्ण देशाला प्रेरणा देणारी आहे.”
* * *
S.Bedekar/V.Ghode/D.Rane
सोशल मिडियावर आम्हाला फॉलो करा:
@PIBMumbai
/PIBMumbai
/pibmumbai
pibmumbai[at]gmail[dot]com
/PIBMumbai
/pibmumbai
(Release ID: 2004500)
Visitor Counter : 96
Read this release in:
Kannada
,
English
,
Urdu
,
Hindi
,
Bengali
,
Bengali-TR
,
Assamese
,
Manipuri
,
Punjabi
,
Gujarati
,
Odia
,
Tamil
,
Telugu
,
Malayalam