মেরা য়ুবা ভারত (মাই ভারত) পোর্তেলনা ৩১.০১.২০২৪ ফাওবদা করোর ১.৪৫ হেন্না রেজিস্ত্রেসন তৌদুনা পুৱারী শেমখ্রে। মসি মিনিত খরগী মনুংদা রেজিস্ত্রেসন মপুং ফানা পাংথোকপা য়াহল্লিবা য়ুজর ফ্রেন্দলী ইন্তরফেসনা ঙমহনবনি। পোর্তেল অসি হান্নদগী লৈবাক অসিগী নহাশিংবু কন্সত্রক্তিব অমসুং ত্রান্সফোর্মেতিব ওইবা হোৎনরিবশিংগী মায়কৈদা লেংহনবদা শাফু পীরি।

প্রধান মন্ত্রী শ্রী নরেন্দ্র মোদীনা নেস্নেল য়ুনিতী দে হায়বদি ২০২৩গী ওক্তোবর ৩১দা কর্তব্য পথ, নই দিল্লীদা লৈবাক্কী নহাশিংগীদমক মেরা য়ুবা ভারত (মাই ভারত) প্লেতফোর্ম হৌদোকখি। মাই ভারত পোর্তেলনা নহাশিংগী দেবলপমেন্ত অমসুং নহাশিংনা লুচিংবা দেবলপমেন্তগীদমক মরুওইবা, তেক্নোলোজী-দ্রাইবন ফেসিলিতেতর অমগুম মীৎয়েং থমলি, মদুগী পান্দমদি নহাশিংবু মখোয়গী এস্পিরেসনশিং রিয়েলাইজ তৌহনবা অমসুং বিকসিত ভারত (দেবলপ ইন্দিয়া) শেম্বদা থৌদাং লৌনবগীদমক শক্তি লৈহন্নবগীদমক ইক্বুইতেবল ওপোর্চুনিতী ফংহনবনি। মসি ফিজিকেল এক্তিবিতীগা লোয়ননা দিজিতেল্লে কনেক্ত তৌনবা খুদোংচাব অমা য়াওবা ফিজিতেল প্লেতফোর্ম (ফিজিকেল + দিজিতেল) অমনি।  

লৈবাক পুম্বগী নহাশিংনা মাই ভারত পোর্তেল (https://www.mybharat.gov.in/)দা রেজিস্তার তৌবা য়াই অমসুং পোর্তেলদা ফংলিবা তোঙান তোঙানবা খুদোংচাবশিং অমসুং থৌরমশিংগীদমক সাইন অপ তৌবা য়াই। নেস্নেল য়ুথ দে, ১২ জনুৱারী ২০২৪দা ভারত পুম্বদা ভুলুন্তীয়র লাখ ১ হেনবনা লম্বী চত্থোক চৎশিন তৌরিবশিংগীদমক হেন্না ফবা রোদ সেফতী অমসুং ত্রাফিক মেনেজমেন্তদা মতেং পাংনবগীদমক ত্রাফিক পুলিসকা লোয়ননা থবক তৌখি।

মাই ভারতকী মায় পাকপগী মতাংদা ৱা ঙাংলদুনা প্রধান মন্ত্রী শ্রী নরেন্দ্র মোদীনা ২৭ জনুৱারী ২০২৪দা এন.সি.সি. অমসুং এন.এস.এস. ভোলুন্তীয়রশিংদা অতেনবা মতমগী মনুংদা মাই ভারত পোর্তেলদা থোইদোক হেন্দোকপা রেস্পোন্সকী মতাংদা ৱারী শানখি। মহাক্না প্লেতফোর্ম অসিগী স্বিফ অমসুং ইমপেক্তফুল আউতরিচ হায়লাইত তৌরদুনা হায়খি মদুদি মসি ভারতকী কুনমাথোই শুবা চহিচাগী নহাশিংগীদমক খ্বাইদগী চাউবা প্লেতফোর্মনি।

তুংদা মাই ভারতকী পান্দমদি মসিগী ইম্পেক্ত মখা তানা হেনগৎহন্নবা অনৌবা ফীচরশিং অমসুং ইনিসিয়েতিবশিং হৌদোকপনি। প্লেতফোর্ম অসি শাফোংলক্লিবা সেক্তরশিংদা মসিগী ওফর তৌরিবশিং পাকথোক চাউথোকহনবা অমদি এজুকেস্নেল ইন্সতিত্যুতশিং অমসুং য়ুথ ওর্গনাইজেসনশিংগা লোয়ননা মসিগী এঙ্গেজমেন্ত হেনগৎহন্নবগীদমক হোৎনরি। মেরা য়ুবা ভারতকী পান্দমদি হৌজিক লৈরিবা প্রোগ্রামশিংবু অমত্তা ওইনা পুন্সিন্দুনা ফংলিবা রিসোর্সশিং অমসুং এক্সপর্তিজশিং য়ারিবা মখৈ শিজিন্নদুনা ইফিসেন্সী হেনগৎহনবনি। মসি ওর্গনাইজেসন অমখক নত্তে, মসি চহি ২০৪৭ ফাওবদা ভারতপু বিকসিত ভারত ওইহন্নবা মীৎয়েংনি।  

****