কেন্দ্রগী গৃহ মন্ত্রী অমদি কোওপরেসন মন্ত্রী, শ্রী অমিত সাহনা, লৈবাকসিগী অহল ওইরবা লুচিংবা অমদি হান্নগী উপ প্রধান মন্ত্রী, শ্রী লাল কৃষ্ণ অদবানী জীদা ‘ভারত রত্ন’ লান্থোক্নবা লাউথোকপদা নুংঙাইবা ফোঙদোকখ্রে‍।

X প্লেতফোর্মদা থাগৎপা পোস্ত অমদা, শ্রী অমিত সাহনা, অদবানী জীনা মহাক্কী পুন্সি চুপ্পা লৈবাক অমদি লৈবাক মীয়ামগী থৌগলদা মশাগী ওইজবা থিদনা কত্থোক্লম্মি হায়খ‍ি‍। লৈবাকসিগী উপ প্রধান মন্ত্রীগুম্বা তোঙান তোঙানবা সংবিধানগী থৌদাংশিং পায়রিঙৈ মতমদা, মহাক্না মাগী কল্লবা লুচিংবগী মতিক ময়াইগা লোয়ননা লৈবাক্কী ঙাকশেল, অমত্তা ওইবা অমদি অপুনবগী শক্তম ঙাক্নবা মীয়াম্না খন্নরুদবা থৌদাং কয়া লৌখি‍ হায়না মহাক্না হায়খি‍। শ্রী সাহনা অদবানী জী ভারতকী রাজনিতীদা অশেংবা অচুম্বগী থাক শেম্লম্বা লুচিংবা অমা ওইনা শকখঙনৈ‍ হায়খি‍। মহাক্কী শাংলবা মীয়ামগী থৌগলগী পুন্সিদা, অদবানী জীনা লৈবাক, নাৎ অমদি মীয়ামগা মরী লৈনবা ৱাফমশিংদা চোকথবা নাইদনা লান্থেংনরম্মি হায়নসু মহাক্না মখা তাখি‍। পার্তী অমদি মসিগী ৱাখল্লোন্দা মহাক্না লৌরম্বা মমল য়াম্লবা থৌদাংশিং ৱাহৈনা ফোঙদোকপদা ৱাৎলগনি হায়না শ্রী সাহনা ফোঙদোকখি‍। অদবানী জীদা ‘ভারত রত্ন’ পীদুনা ইকায় খুম্ননবা প্রধান মন্ত্রী শ্রী নরেন্দ্র মোদীগী ফিরেপ অসি লৈবাক মীয়াম করোর কয়াগীদমক্তসু ইকায় খুম্ননিংঙাই ওইবা ৱাফম অমনি হায়নসু মহাক্না মখা তাখি‍।

हमारे वरिष्ठ नेता और देश के पूर्व उप-प्रधानमंत्री आदरणीय श्री लालकृष्ण आडवाणी जी को ‘भारत रत्न’ दिए जाने की घोषणा से अत्यंत प्रसन्नता हुई।

आडवाणी जी आजीवन निःस्वार्थ भाव से देश और देशवासियों की सेवा में समर्पित रहे हैं। देश के उप-प्रधानमंत्री जैसे विभिन्न संवैधानिक दायित्वों पर…

— Amit Shah (@AmitShah) February 3, 2024

***