اڈوانی جی کو بھارتی سیاست میں کھرے پن کا معیار قائم کرنے والے لیڈر کے طور پر جانا جاتا ہے۔ وزیر اعظم جناب نریندر مودی کا اڈوانی جی کو ’بھارت رتن‘ سے نوازنے کا فیصلہ کروڑوں ہم وطنوں  کے لیے بھی اعزاز کی بات ہے، اپنی طویل عوامی زندگی میں اڈوانی جی نے ملک، ثقافت اور عوام سے جڑے مسائل کے لیے انتھک جدوجہد کی۔

 مرکزی وزیر داخلہ اور تعاون کے وزیر جناب امت شاہ نے سینئر لیڈر اور ملک کے سابق نائب وزیر اعظم جناب لال کرشن اڈوانی کو ’بھارت رتن‘ سے نوازے جانے کے اعلان پر خوشی کا اظہار کیا ہے۔

ایکس پلیٹ فارم پر ایک پوسٹ میں جناب امت شاہ نے کہا کہ اڈوانی جی اپنی پوری زندگی ملک اور اپنے ہم وطنوں کی بے لوث خدمت کرنے کے لیے وقف رہے ہیں۔ انھوں نے کہا کہ ملک کے نائب وزیر اعظم جیسی مختلف آئینی ذمہ داریاں نبھاتے ہوئے انھوں نے اپنی مضبوط قیادت سے ملک کی سلامتی، اتحاد اور سالمیت کے لیے بے مثال کام کیا۔ جناب شاہ نے کہا کہ اڈوانی جی کو ایک ایسے سیاست داں کے طور پر جانا جاتا ہے جنھوں نے بھارتی سیاست میں کھرے پن کا معیار قائم کیا۔ انھوں نے مزید کہا کہ اپنی طویل عوامی زندگی میں اڈوانی جی نے ملک، ثقافت اور عوام سے جڑے مسائل کے لیے انتھک جدوجہد کی۔ جناب شاہ نے کہا کہ پارٹی اور نظریے کے تئیں ان کی بے پناہ خدمات کو الفاظ میں بیان نہیں کیا جا سکتا۔ وزیر اعظم جناب نریندر مودی کا اڈوانی جی کو ’بھارت رتن‘ سے نوازنے کا فیصلہ بھی کروڑوں ہم وطنوں کے لیے اعزاز کی بات ہے۔

हमारे वरिष्ठ नेता और देश के पूर्व उप-प्रधानमंत्री आदरणीय श्री लालकृष्ण आडवाणी जी को ‘भारत रत्न’ दिए जाने की घोषणा से अत्यंत प्रसन्नता हुई।

आडवाणी जी आजीवन निःस्वार्थ भाव से देश और देशवासियों की सेवा में समर्पित रहे हैं। देश के उप-प्रधानमंत्री जैसे विभिन्न संवैधानिक दायित्वों पर…

— Amit Shah (@AmitShah) February 3, 2024

***

(ش ح – ع ا – ع ر)

U. No. 4378