কেবিনেট

পোছাক/বস্ত্ৰ ৰপ্তানিৰ বাবে ৰাজ্যিক আৰু কেন্দ্ৰীয় কৰ আৰু শুল্কৰ ৰেহাইৰ আঁচনি অব্যাহত ৰখাত অনুমোদন কেবিনেটৰ

Posted On: 01 FEB 2024 11:32AM by PIB Guwahati

প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত অনুষ্ঠিত কেন্দ্ৰীয় কেবিনেট বৈঠকত ৩১ মাৰ্চ, ২০২৬লৈকে পোছাক/বস্ত্ৰ ৰপ্তানিৰ বাবে ৰাজ্যিক আৰু কেন্দ্ৰীয় কৰ আৰু শুল্কৰ ৰেহাই (আৰঅ’এছচিটিএল)ৰ আঁচনি অব্যাহত ৰখাত অনুমোদন জনায়৷

আঁচনিখন আৰু দুবছৰ অব্যাহত ৰাখিলে সুস্থিৰ নীতিগত ব্যৱস্থা প্ৰদান কৰিব, যিটো দীৰ্ঘম্যাদী বাণিজ্য পৰিকল্পনাৰ বাবে অতি প্ৰয়োজনীয়, অধিক বস্ত্ৰ খণ্ডত য'ত দীৰ্ঘম্যাদী ডেলিভাৰীৰ বাবে আগতীয়াকৈ অৰ্ডাৰ দিব পাৰি।

আৰঅ’এছচিটিএলৰ ধাৰাবাহিকতাই নীতিগত ব্যৱস্থাত পুৰ্বানুমানযোগ্য আৰু সুস্থিৰতা নিশ্চিত কৰিব, কৰ আৰু শুল্কৰ বোজা হ্ৰাস কৰাত সহায় কৰিব আৰু এই নীতিৰ ওপৰত সমতাপূৰ্ণ আধাৰ প্ৰদান কৰিব, কিয়নো “সামগ্ৰী ৰপ্তানি কৰা হয় আৰু ঘৰুৱা কৰ নহয়”।

কেন্দ্ৰীয় কেবিনেটে ৩১.০৩.২০২০লৈকে আঁচনিখনৰ অনুমোদন জনাইছিল আৰু ২০২৪ চনৰ ৩১ মাৰ্চলৈকে আৰঅ’এছচিটিএল অব্যাহত ৰাখিবলৈ ম্যাদ বৃদ্ধি কৰিছিল৷ ই পোছাক/বস্ত্ৰ আৰু প্ৰস্তুতকাৰক সামগ্ৰীসমূহক ব্যয় প্ৰতিযোগিতামূলক কৰি তোলে আৰু শূন্য ৰেটিং ৰপ্তানিৰ নীতি গ্ৰহণ কৰে। আৰঅ’এছচিটিএলৰ অধীনত অন্তৰ্ভুক্ত নোহোৱা অন্যান্য বস্ত্ৰ সামগ্ৰীসমূহ (অধ্যায় ৬১, ৬২ আৰু ৬৩ক বাদ দি) অন্যান্য সামগ্ৰীৰ সৈতে আৰঅ’ডিটিইপিৰ অধীনত সুবিধাসমূহ লাভ কৰিব পাৰিব৷

এই আঁচনিৰ উদ্দেশ্য হৈছে ৰেহাইৰ জৰিয়তে পোছাক/বস্ত্ৰ আৰু প্ৰস্তুতকাৰক সামগ্ৰী ৰপ্তানিৰ ওপৰত শুল্ক অসুবিধা আঁচনিৰ উপৰিও ৰাজ্যিক আৰু কেন্দ্ৰীয় কৰ আৰু শুল্কৰ ক্ষতিপূৰণ দিয়া। আন্তঃৰাষ্ট্ৰীয়ভাৱে গ্ৰহণযোগ্য নীতি অনুসৰি কৰ আৰু শুল্ক ৰপ্তানি সামগ্ৰীৰ ওপৰত আৰোপ কৰা উচিত নহয়, যাতে ৰপ্তানিৰ বাবে আন্তঃৰাষ্ট্ৰীয় বজাৰত সমতাপূৰ্ণ পৰিৱেশ লাভ কৰিব পাৰে৷ সেয়েহে কেৱল ব্যয়ৰ ওপৰত পৰোক্ষ কৰ ৰেহাই বা পৰিশোধ কৰাই নহয়, অন্যান্য অপৰিশোধীয় ৰাজ্যিক আৰু কেন্দ্ৰীয় কৰ আৰু শুল্কও ৰেহাই দিব লাগে।

ৰাজ্যিক কৰ আৰু শুল্কৰ ৰেহাইৰ ভিতৰত পৰিবহণত ব্যৱহৃত ইন্ধন, কেপটিভ পাৱাৰ, কৃষি খণ্ড, মাণ্ডি কৰ, বিদ্যুতৰ শুল্ক, ৰপ্তানি নথি-পত্ৰৰ ওপৰত ষ্টাম্প শুল্ক, কেঁচা সামগ্ৰী উৎপাদনত ব্যৱহৃত কীটনাশক, সাৰ আদি ব্যয়ৰ ওপৰত প্ৰদান কৰা অন্তৰ্নিহিত এছজিএছটি অন্তৰ্ভুক্ত কৰা হৈছে কঁপাহ, পঞ্জীয়নবিহীন ব্যৱসায়ীৰ পৰা ক্ৰয় কৰা, বিদ্যুৎ উৎপাদনত ব্যৱহৃত কয়লা আৰু পৰিবহণ খণ্ডৰ বাবে সামগ্ৰী উল্লেখযোগ্য। কেন্দ্ৰীয় কৰ আৰু শুল্ক ৰেহাইৰ ভিতৰত পৰিবহণত ব্যৱহৃত ইন্ধনৰ ওপৰত কেন্দ্ৰীয় আবকাৰী শুল্ক, কেঁচা কপাহ উৎপাদনত ব্যৱহৃত কীটনাশক, সাৰ আদি সামগ্ৰীৰ ওপৰত প্ৰদান কৰা অন্তৰ্নিহিত চিজিএছটি, পঞ্জীয়নবিহীন ব্যৱসায়ীৰ পৰা ক্ৰয়, পৰিবহণ খণ্ডৰ বাবে ব্যয় আৰু অন্তৰ্নিহিত চিজিএছটি আৰু বিদ্যুৎ উৎপাদনত ব্যৱহৃত কয়লাৰ ওপৰত ক্ষতিপূৰণ উপকৰ আদি অন্তৰ্ভুক্ত৷

আৰঅ’এছচিটিএল এক গুৰুত্বপূৰ্ণ নীতিগত ব্যৱস্থা হৈ আহিছে আৰু ভাৰতীয় পোছাক আৰু প্ৰস্তুতকাৰক সামগ্ৰী ৰপ্তানিৰ প্ৰতিযোগিতামূলক ক্ষমতা বৃদ্ধি কৰাত সহায় কৰিছে যিবোৰ বস্ত্ৰ মূল্য শৃংখলৰ মূল্য সংযোজিত আৰু শ্ৰমৰ মুল অংশ। আঁচনিখন আৰু দুবছৰৰ বাবে অব্যাহত ৰাখিলে সুস্থিৰ নীতিগত ব্যৱস্থা প্ৰদান কৰিব যিটো দীৰ্ঘম্যাদী বাণিজ্য পৰিকল্পনাৰ বাবে অতি প্ৰয়োজনীয়, অধিক বস্ত্ৰ খণ্ডত য'ত দীৰ্ঘম্যাদী ডেলিভাৰীৰ বাবে আগতীয়াকৈ অৰ্ডাৰ দিব পাৰি।

.

*****

DS/DB



(Release ID: 2001227) Visitor Counter : 77