ప్రధాన మంత్రి కార్యాలయం
సుప్రీంకోర్టు వజ్రోత్సవ వేడుకలను ప్రారంభించనున్న ప్రధాన మంత్రి
డిజిటల్ సుప్రీంకోర్టు నివేదికలు, డిజిటల్ కోర్టులు 2.0, సుప్రీంకోర్టు కొత్త వెబ్‌సైట్- బహుళ సాంకేతిక కార్యక్రమాలను ప్రారంభించనున్న ప్రధాన మంత్రి
Posted On:
27 JAN 2024 2:16PM by PIB Hyderabad
ప్రధాన మంత్రి శ్రీ న‌రేంద్ర మోదీ జ‌న‌వ‌రి 28న మ‌ధ్యాహ్నం 12 గంట‌ల‌కు సుప్రీం కోర్ట్ ఆడిటోరియంలో భార‌త అత్యున్న‌త న్యాయ‌స్థానం వజ్రోత్సవ వేడుక‌ను ప్రారంభించనున్నారు.
సుప్రీంకోర్టు డెబ్బై ఐదవ సంవత్సరాన్ని ఆవిష్కరిస్తూ, డిజిటల్ సుప్రీంకోర్టు నివేదికలు (డిజి ఎస్సిఆర్), డిజిటల్ కోర్టులు 2.0, సుప్రీంకోర్టు కొత్త వెబ్‌సైట్‌తో కూడిన పౌర కేంద్రీకృత సమాచారం, సాంకేతిక కార్యక్రమాలను ప్రధాని ప్రారంభిస్తారు. ఈ సందర్భంగా ఏర్పాటు చేసిన సభలో ఆయన ప్రసంగించనున్నారు. డిజిటల్ సుప్రీం కోర్ట్ నివేదికలు (ఎస్సిఆర్) సుప్రీంకోర్టు తీర్పులను దేశంలోని పౌరులకు ఉచితంగా, ఎలక్ట్రానిక్ ఫార్మాట్‌లో అందుబాటులో ఉంచుతుంది. డిజిటల్ ఎస్సిఆర్ ముఖ్య లక్షణాలు ఏమిటంటే, 36,308 కేసులను కవర్ చేస్తూ 1950 నుండి సుప్రీం కోర్ట్ నివేదికల మొత్తం 519 వాల్యూమ్‌లు డిజిటల్ ఫార్మాట్‌లో, బుక్‌మార్క్ చేయబడిన, యూజర్ ఫ్రెండ్లీ, ఓపెన్ యాక్సెస్‌తో అందుబాటులో ఉంటాయి.
డిజిటల్ కోర్టులు 2.0 అప్లికేషన్ అనేది ఎలక్ట్రానిక్ రూపంలో జిల్లా కోర్టుల న్యాయమూర్తులకు కోర్టు రికార్డులను అందుబాటులో ఉంచడానికి ఇ-కోర్టుల ప్రాజెక్ట్ కింద ఇటీవలి తీసుకున్న చొరవ. ఇది రియల్ టైమ్ ప్రాతిపదికన ప్రసంగాన్ని వచనానికి లిప్యంతరీకరించడానికి కృత్రిమ మేధస్సు (ఏఐ)ని ఉపయోగించడంతో జతచేశారు.
సుప్రీంకోర్టు కొత్త వెబ్‌సైట్‌ను కూడా ప్రధాని ప్రారంభించనున్నారు. కొత్త వెబ్‌సైట్ ఇంగ్లీష్, హిందీలో ద్విభాషా ఆకృతిలో ఉంటుంది. వినియోగదారు-స్నేహపూర్వక ఇంటర్‌ఫేస్‌తో రీడిజైన్ చేశారు.
***
(Release ID: 2000536)
Visitor Counter : 125
Read this release in:
English
,
Urdu
,
Hindi
,
Marathi
,
Manipuri
,
Bengali
,
Punjabi
,
Gujarati
,
Odia
,
Tamil
,
Kannada
,
Malayalam