লৈবাক্কী ঙাকশেল মন্ত্রী শ্রী রাজনাথ সিংহজী, মন্ত্রী মন্দলগী ঐগী নুংশিরবা মরুপশিং, DG NCC, ওফিসরশিং, ইকাই খুম্নরবা গেস্তশিং, ওজাশিং, ঐগী নহা ওইরিবা NCC অমসুং NSSগী মরুপশিং।

মফম অসিদা নখোয়না উৎলিবা কলচরেল প্রজেন্তেসন অসি উবদা চাউথোকচবা পোকই। নখোয়না রানী লক্ষ্মীবাইগী পুৱারী ওইরবা পর্সনেলিতী অদু হিংগৎহল্লি অমসুং মফম অসিদা পুৱারীগী থৌদোকশিং অদু মীকুপ খরদা উহনবা ফংহল্লি। ঐখোয় পুম্নমক্না থৌদোকশিং অসিগী মরমদা লোইনমক খঙনরি অদুবু নখোয়না খুদোল তমখিবগী মওং অসিদা তশেংনা শীংথানীংঙাই ওই। নখোয়না রিপব্লিক দে পরেদকী শরুক অমা ওইরগনি। অমসুং হন্দক্তি মরম অনিনা হেন্না অখন্নবা ওইহল্লি। মসি 75শুবা রিপব্লিক দে ওইরি। অমসুং অনিশুবনা অহানবা ওইনা রিপব্লিক দে অসি লৈবাক্কী নারী শক্তিদা কত্থোক্লি। ঙসি ঐহাক্না লৈবাক্কী তোঙান-তোঙানবা শরুকশিংদগী মফম অসিদা ইচানুপী কয়ানা লাকপা উবা ফংলি। নখোয় পুম্নমক্না নথন্থা লাকপতা নত্তনা নখোয়গী রাজ্যগী মখল-মথেলশিং, তোঙান-তোঙানবা কস্তমশিংগী এক্সপরিয়েন্স অমসুং নখোয়গী খুন্নাইগী ইনাক খুল্লবা ৱাখল্লোন অদু পুদুনা লাক্লি। ঙসি নখোয়গা উনবা অসিসু অখন্নবা থৌরম অমা ওইরি। ঙসি অসি নেস্নেল গর্ল চাইল্দ দে ওইরি। ঙসি অসি ইচানুপীশিংগী থৌনা, মরিংজেল অমসুং মাইপাকপশিং  অদু থাগৎনবগী নুমিৎ অমনি। ইচানুপীশিংনা খুন্নাই অমসুং লৈবাক অসি ফগৎহনবগী মতিক-ময়াই চেল্লি। পুৱারীগী তোঙান-তোঙানবা তাঙ্ককশিংদা ভারতকী মমোমশিংনা মখোয়গী অখাং কনবা মতৌ অমসুং কত্থোকপগী ৱাখল্লোন্না অচৌবা অওনবা কয়াগী য়ুম্ফম থোলমখি। মসিগী ৱাখল্লোন অসি নখোয়না মীকুপ খরগী মমাংদা খুদোল তমখিবা অদুদসু মমি তারি।

ঐগী নুংশিরবা মরুপশিং,

নখোয় পুম্নমক্না উরমগনি ঙরাং লৈবাক অসিগী অচৌবা ৱারেপ অমা লৌখি। জননায়ক কর্পুরী থাকুরজীদা ভারত রত্ন পীনববা ৱারেপ লৌখি। ঙসিগী হৌরক্লিবা মীরোলনা কর্পুরী থাকুরজীগী মরমদা খঙবা অমসুং মহাক্কী পুন্সিদগী তমশিনবা য়াম্না মরু ওই। জন্নায়ক কর্পুরী থাকুরজীবু ভারত রত্ন পীদুনা ইকাই খুম্নবা ফংজবা অসি ঐখোয়গী BJP সরকারগী লাইবক ফবনি। খমথেংনা লাইরবা অমসুং খুন্নাইদা খেন্নবা থম্বা অসিগুম্বা শীংনবশিং মায়োক্নবদা মহাক্না য়াম্না অৱাংবা থাক অমা য়ৌবা ঙমখি। মহাক্না অসি বিহারগী মুখ্য মন্ত্রী অনিরক ওইরমখি। মসি ওইদুনসু মহাক্না মহাক্কী অচম্বা মতৌ অদু থাদোকখিদে অমসুং খুন্নাইগী শরুক পুম্নমক্কীদমক থবক তৌখি। জননায়ক কর্পুরী থাকুর অসি মহাক্কী অচম্বা মতৌগীদমক খঙনৈ। ঙসিসু মহাক্কী পুকচেল শেংবা মতৌ অসি ফীদম্নফম ওইরি। লায়রবগী অৱাবা খঙবা, লায়রবগী খুদোংচাদবশিং হন্থহন্নবা হোৎনবা, লায়রববু লৈতা লায়রবদগী থোরক্নবা হোৎনবা, লায়রবা বেনিফিসরীশিংদগী খ্বাইদগী লায়রবদা য়ৌশিন্নবা ভিকসিৎ ভারত সঙ্কল্প য়াত্রাগুম্বা কেম্পেনশিং চত্থবা, খুন্নাইগী খ্বাইদগী শোত্থরবশিংগীদমক অনৌবা স্কিমশিং লেপ্পা লৈতনা হৌদোকপা। পুম্নমক অসিদা কর্পুরী বাবুগী ইথিল নখোয়না উবা ফংগনি। নখোয়না মহাক্কী মরমদা পাবীয়ু অমসুং মহাকপু ইথিল পীরিবা মশক অমা ওইহনবীয়ু। মসিনা নখোয়গী গুমদা অনৌবা মগুন অমা হাপকনি।

ঐগী নুংশিরবা নহা ওইরিবা মরুপশিং,

নখোয়গী নরক্তা দিল্লীদা অহানবা ওইনা লাকপা মীওই কয়া য়াওরমগনি। নখোয়না রিপব্লিক দেগী মরমদা খৌরাংবা পোক্লি অদুবু ঐহাক্না খঙই মদুদি মীওই কয়ানা অহানবা ওইনা অসিগুম্বা অইংবা অসি থেংনরমগনি। ঐখোয়গী লৈবাক অসি ৱেদরদা য়েংলবদা দাইভর্সিতীনা থল্লি। নখোয়না অইংবা অমসুং লৈচিন কুংনা থাবা মরক্তা অয়ুক নুমিদাং রিহর্স তৌরি অমসুং মফম অসিদা ফজরবা পরফোর্মেন্স উৎখি। নখোয়না মফম অসিদগী য়ুমদা হনখিবা মমদা নখোয়না রিপব্লিক দেগী এক্সপরিয়েন্স অদুগী মরমদা পাউদম্নবা কয়া অমা লৈরগনি অমসুং  মসিনা লৈবাক অসিগী অখন্নবা গুন। দাইভর্সিতীনা থনবা ঐখোয়গী লৈবাক অসিদা নখোয়না রাজ্য অমদগী রাজ্য অমদা চৎপা মতমদা অনৌবা এক্সপরিয়েন্সশিং পুন্সিদা হাপখি।

ঐগী নুংশিরবা মরুপশিং,

নখোয়গী মীরোল অসি নখোয়গী ৱাহৈদা ‘জেন জেৎ’ কৌরি। অদুবু ঐনদি নখোয় অসি অমৃতকী মীরোলনি হায়না লৌই। নখোয়না অমৃত কাল অসিদা লৈবাক্তা শাহৌ পীগদবা মীওইশিংনি। নখোয়না খঙই মদুদি ভারতনা 2047 ফাওবদা চাউখৎপা লৈবাক অমা ওইনবা ফিরেপ লৌখি। মথংগী চহি 25 অসি লৈবাক্কী অমসুং নখোয়গী তুংলমচৎকীদমক য়াম্না মরু ওই। ঐখোয়গী ফিরেপ অসি নখোয়গী অমৃতকী মীরোলগী মঙলান খুদিংমক থুংহনবনি। নখোয়গী মথংগী মীরোলনা খুদোংচাবা মরাং কাইনা ফংবা হায়বা অসি ঐখোয়গী ফিরেপনি। অমৃতকী মীরোলগী লম্বেলদা লৈবা অপনবা খুদিংমক লৌথোকপা অসি ঐখোয়গী ফিরেপনি। হৌজিক উৎখিবা নখোয়গী পরফোর্মেন্সতা ঐনা উবা ফংখিবা দিসিপ্লিন, মীৎয়েং চংবা অমসুং কোওর্দিনেসন অসিনা অমৃতকালগী ফিরেপ থুংহন্নবা য়ুম্ফম ওইরগনি।

মরুপশিং,

অমৃতকালগী খোঙচৎ অসিদা নখোয়না মতম চুপ্পদা ৱাফম অমা নীংশিংগদবনি মদুদি তৌগদবা খুদিংমক ঐখোয়গী লৈবাক্কীদমক তৌগদবনি। নেসন ফার্স্ত – মসিনা নখোয়বু লমজিংলিবা প্রিন্সিপল ওইগদবনি।  নখোয়না তৌবা খুদিংমকতা অহানবদা লৈবাক্তা করম্না কান্নবা পীগদগে খনগদবনি। অনিশুবদা নখোয়গী পুন্সিদা মাইথিবদা কৈদৌনুংদা নীংহন্নবা তৌগনু। য়েংঙু ঐখোয়গী চন্দ্রয়ান অসি মমাংদা থা কাবা ঙমখিদে। অদুবু ঐখোয়না থাগী খা থংবা শরুক্তা কাবা ঙম্বা নম্বর ৱান ওইদুনা রেকোর্দ থমখি। ঐখোয়গী লৈবাক অসি য়াম্না চাউই, অদুবু অপীকপা খোঙথাংশিং খক্তনা মাইপাকপা ঙমহল্লি। অপীকপা খোঙথাং খুদিংমক মরু ওই, শরুক তম্বা খুদিংমক মরু ওই।

ঐগী নহা ওইরিবা মরুপশিং,

নখোয়না ঐখোয়গী খ্বাইদগী চাউবা প্রাইওরিতীনি। নখোয়না মালেমবু লমজিংনবা মতিক চেল্লি। ঐহাক্না লাল কিলাদগী হায়খি মদুদি মসি মতম অদুনি, চপ চারবা মতমনি। মসি নখোয়গী মতমনি। মতম অসিনা নখোয়গী অমসুং লৈবাক্কী তুংলমচৎ লেপকনি। নখোয়না নখোয়গী ফিরেপশিং মপাঙ্গল কনখৎহন্দুনা চাউখৎপা ভারত অমগী পান্দম ফংনবা হোৎনগদবনি। নখোয়গী লৌশিং হেনগৎহনগদবনি মসিনা ভারতকী ইন্তেলিজেন্স হেনগৎলক্তুনা মালেমদা মাইকৈ তাকপা ঙমহনগন। নখোয়গী তৌবা ঙম্বশিং হেনগৎহনগদবনি মসিনা ভারতনা মালেমগী শীংনবশিং কোকহনবদা মরু ওইবা থৌদাং লৌগনি। সরকারনা মাগী নহা ওইরিবা মরুপশিংগা লোয়ননা খোঙথাংশিং মথং মথং থাংজিল্লি। ঙসি নখোয়গীদমক অনৌবা  এভেন্যুশিংগী খুদোংচাবশিং ফংহল্লি। অনৌবা সেক্তরশিংদা ঙসি নখোয়গীদমক খুদোংচাবশিং ফংহল্লি। নখোয়গীদমক ইজ ওফ বিজিনেস্তা মীৎয়েং চংলি। দিফেন্স সেক্তরদা নখোয়গীদমক প্রাইবেৎ সেক্তরগীদমক মফম অমা হাংদোকখি। নখোয়গীদমক নেস্নেল রিসর্চ ফাউন্দেসন লিংখৎখি। ঐখোয়না 21শুবা চহিচাদা নখোয়না মথৌ তাগদবা মোদর্ন এজুকেসনগী করম্বা মখল মথৌ তাবগে হায়বা অসিদা মীৎয়েং চংলি। ঐখোয়না লৈবাক্কী এজুকেসন সিস্তেম শেমদোকখি। ঙসি নখোয়গী ইমা লোলদা হায়র এজুকেসন তম্নবগী খুদোংচাবা নখোয়না ফংলি। ঙসি নখোয়দা স্ত্রীম নত্ত্রগা সবজেক্ত অমা হেক্তা তমদবা য়াদে হায়বগী কম্পলজন অদু লৈত্রে। নখোয়না অপাম্বা সবজেক্ত  অমা খন্দুনা মতম অমা হেক্তদা তম্বা য়াদে। নখোয়না য়ারিবা মখৈ রিসর্চ অমসুং ইন্নোবেসন্দা য়াওশিনগদবনি। অতল তিঙ্করিং লেবশিংনা ক্রিএতিবিতী অমসুং ইন্নোভেসন প্রমোৎ তৌবদা চাউনা মতেং পাংলগনি। সরকারনা আর্মীদা চংনীংবা নুপীমচা মহৈরোয়শিংগীদমক অনৌবা খুদোংচাবশিংসু পীখি। হৌজিক নুপীমচা মহৈরোয়শিংনা সাইনিক স্কুলশিংদা মীং চনবা য়ারে। নখোয়গী খোঙথাংশিং, নখোয়গী বিজন, নখোয়গী মতিক ময়াইনা ভারতপু অনৌবা পনখৈ তম্না পুখৎপা ঙমলগনি।

মরুপশিং,

নখোয় পুম্নমক ভোল্যুন্তীয়রশিংনি। নখোয়না অচুম্বা মাইকৈদা নখোয়গী শক্তি শীজিন্নরিবা অসিদা ঐহাক্না নুংঙাইবা পোকই। নখোয়না মসি কৈদৌনুংদা হন্থনা লৌরোইদবনি। মসি কনাগুম্বা অমগী পুন্সিদা খ্বাইদগী মরু ওইবা শরুক ওইরি। দিসিপ্লিন লৈবা, লৈবাক অসিদা য়াম্না চৎপা অমসুং লমদম অমসুং লোল কয়াগী মরুপ কয়া তিন্নবা কনাগুম্বা অমগীদমক মাগী মগুন হেনগৎলকপা হায়বা অসি মহৌশানি। অদুগা অতোপ্পা ৱাফম অমনি নখোয়না হকচাং ফনা থম্বা হায়বা অসি কাওরোইদবনি। ঐনা উবা ফংই নখোয় পুম্নমক হকচাং ফৈ। হকচাং ফবনা লন্নি। অমসুং হকচাং ফনা থম্বদা দিসিপ্লিন অসি য়াম্না কান্নৈ। দিসিপ্লিন্না নখোয়গী মোতিবেসন ওইহল্লবনি লম খুদিংমক্তা শোইদনা মাইপাকপা ঙমগনি।

মরুপশিং,

নখোয়গুম্না ঐহাকসু NCC য়াওরকখি। ঐহাক NCC খক্তদগীনি। ঐহাক্না নখোয়গুম্না চপ মান্নবা লম্বীদা লাকখি। ঐহাক্না খঙই মদুদি NCC, NSS গুম্বা ইন্সতিত্যুসনশিং নত্ত্রগা কলচরেল কেম্পশিংনা খুন্নাইগী অমসুং সিভিক দ্যুতীশিংগী মরমদা নহারোলদা খঙহল্লি। মসিগা মরী লৈনননা লৈবাক অসিদা অতৈ ওর্গনাইজেসন শেমখি। ওর্গনাইজেসনগী মমিংদি ‘মাই য়ুনা ভারত’। ঐহাক্না নখোয় নশাবু ‘মাই ভারত’ ভোল্যুন্তীয়র ওইনা রেজিস্তর তৌনবা হায়জরি। ‘মাই ভারত’ ৱেবসাইৎতা চংবীয়ু।

মরুপশিং,

রিপব্লিক দেগী থৌরম মনুংদা নখোয়না অসিগুম্বা থৌরমশিং মখা তানা চৎপগী খুদোংচাবা ফংলি। পরেদতা শরুক য়াবগী মথক্তা নখোয়না পুৱারী ওইরবা মফম কয়া চৎপা অমসুং এক্সপর্তশিং উনবা ফংলি। মসিনা নখোয়গী লেমহৌরিবা পুন্সিদা মসিগী এক্সপরিয়েন্স অসি নীংশিংহন্দুনা লৈখি। চহি খুদিং নখোয়না রিপব্লিক দে পরেদ য়েংবা খুদিং খোয়না মতমশিং অদু শোইদনা নীংশিংগনি। মরম অসিনা ঐগীদমক নখোয়না করিগুম্বা অমা তৌবীয়ু? নখোয়না খুৎ থাংগৎতুনা হায়বীয়ু? ইচা নুপীশিংগী খোঞ্জেলদি হৌরি ইচা নুপাশিংগীদমক হৌদে। হোয়, হৌজিক্তি চপ মান্নরে। দাইরীদা নখোয়গী এক্সপরিয়েন্সকী মরমদা শোইদনা ইশিনবীয়ু। অনিশুবদা নখোয়না রিপব্লিক দেদগী তমশিনখিবা অদু নখোয়না ইদুনা নত্ত্রগা ভিদিও ওইনা রেকোর্দ তৌদুনা নমো এপকী খুত্থাংদা ঐঙোন্দা থাবীরকউ। থারক্কদ্রা? ঙসিগী হৌরক্লিবা মীরোলশিংনা নমো এপকী খুত্থাংদা মখা তানা ঐগা কন্নেক্ত তৌদুনা লৈগনি। অমসুং নখোয়গী ফুরিৎ খাওদা মোবাইল হাপচিনবা মতমদা নখোয়না মালেমদা নরেন্দ্র মোদী ঐগী ফুরিৎ খাওদা য়াওই হায়বা য়াগনি।

ঐগী নুংশিরবা মরুপশিং,

নখোয়গী শক্তিদা ঐহানা থাজৈ, নখোয়দা ঐনা থাজবা থম্মি। কন্না লাইরিক পাবীয়ু, থৌদাং খঙবা প্রজা অমা ওইবীয়ু, অকোইববু ঙাক শেনবীয়ু, ফত্তবা হৈনবীশিং থাদোকপীয়ু অমসুং নখোয়গী কলা সংস্কৃতি অমসুং নাৎকীদমক চাউথোকচাবা পোকপীয়ু। লৈবাক্কী থৌজালশিং নখোয়দা পীরি, ঐহাক্না য়াইফ মঙ্গোল পীজরি। নখোয়না পরেদ মনুংদা মঙাল লৈনা মীপুম খুদিংমক্কী থমৌয়াশিং জয় তৌবা ঙম্বা ওইবীয়ু। পুম্নমকপু ঐহাক্না হন্না-হন্না থাগৎচরি। ঐহাকা্কা লোয়ননা হৌনা হায়বীয়ু, নখুৎ ৱাংনা হাংগৎলু -

ভারত ইমানা য়াইফরে।

ভারত ইমানা য়াইফরে।

ভারত ইমানা য়াইফরে।

বন্দে মাতরম।

বন্দে মাতরম।

বন্দে মাতরম।

বন্দে মাতরম।

বন্দে মাতরম।

বন্দে মাতরম।

বন্দে মাতরম।

বন্দে মাতরম।

বন্দে মাতরম।

য়াম্না ফৈ!

***