মন্ত্রীমন্দল
ভারত অমসুং দোমিনিকন রিপব্লিক্কী মরক্তা জোইন্ত ইকোনোমিক অমসুং ত্রেদ কম্মিত্তী শেম্বগী প্রোতোকোলবু কেবিনেতনা অয়াবা পীখ্রে
Posted On:
24 JAN 2024 6:01PM by PIB Imphal
প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ভারত সরকারগী কম্মর্স অমসুং ইন্দস্ত্রী মন্ত্রালয়গী কম্মর্স বিভাগ অমসুং দোমিনিকন রিপব্লিক্কী ফোরেন এফিয়র্স মন্ত্রালয়গী মরক্তা জোইন্ত ইকোনোমিক অমসুং ত্রেদ কম্মিত্তী (JETCO) শেম্নবা প্রোতোকোল অমগীদমক্তা খুৎয়েক পীনবগী ৱাহৌদোক্কী অয়াবা পীখ্রে।
ভারত অমসুং দোমিনিকন রিপব্লিক্কী মরী অসি হীরম খুদিংদা য়াম্না ফনা লাক্লি। হৌজিক্কী ওইনা, লৈবাক অনি অসিগী মরক্তা ত্রেদ অমসুং কম্মর্সকা মরী লৈনবা বাইলেতরেল ইন্সতিস্যুস্নেল মেকানিজম অমত্তা লৈত্রি। ভারতনা দোমিনিকন রিপব্লিক্তগী অয়াম্বা মতমদা সনা ইম্পোর্ত তৌই অমসুং ফার্মাস্যুতিকেল, মেরিন প্রদক্ত, মোতোর ভেহিকল, চকা অনি অমসুং অহুম পানবা গারীশিং এক্সপোর্ত তৌই।
JETCO অমা শেম্বনা ভারত অমসুং দোমিনিকন রিপব্লিক্কী শেন্মিৎলোনগী মরী চেৎশিলহনগনি অমসুং ত্রেদ অমসুং ইন্দস্ত্রীদা কান্নবা পীগদবা ৱারী খন্ন-নৈনবা, ই-পাউ লান্নবগী ফম্বাক অমা শেম্বদা য়াম্না চাউনা তেংবাংগনি। প্রোতোকোল অসিনা লেতিন অমেরিকা অমসুং কেরিবিয়ন মার্কেত্তা চঙবগী কান্নবা থোঙ অমা হাংদোকপা ঙমগনি।
জোইন্ত কম্মিত্তী অসিনা তোঙান-তোঙানবা ওথোরিতী অমসুং মখোয়গী কাউন্তর্পারতশিংগী মরক্তা ই-পাউ লান্নবগী ফম্বাক অমা ওইগনি। মসিনা গুদ অমসুং সর্ভিসকী ত্রেদতা তেংবাংদুনা লৈবাক অনিমক্কী প্রোফেস্নেলশিংদা থবক্কী হেন্না ফবা খুদোংচাবা কয়া পীবদা তেংবাংগনি।
JETCO শেম্বনা লৈবাক অনিনা পাম্বা ভারতকী পোত্থোকশিং এক্সপোর্ত তৌবদা থেংনবা শিংনবশিং হন্থহনবদা তেংবাংগনি অমসুং ভারত্তা শাবা ফার্মাস্যুতিকেল, ওতোমোবিল অমসুং ইঞ্জিনিয়রিংগী পোত্থোকশিং একপোর্ত তৌবদা হেন্না তেংবাংদুনা আত্মানির্ভর ভারত অমগীদমক্তা ফোরেন এক্সচেঞ্জ হেন্না তালহনবা ঙমগনি।
***
(Release ID: 1999304)
Visitor Counter : 64
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam