প্রধানমন্ত্রীগী লোইশঙ
প্রধান মন্ত্রীনা প্রধান মন্ত্রী রাস্ত্রিয়া বাল পুরুস্কার ফংলবশিংগা উনখ্রে
প্রধান মন্ত্রীনা মনা ফংলবশিংগা অপনবা লৈতনা ৱারি শানখি
অঙাংশিংনা মখোয়গী মাইপাকপশিংগী অকুপ্পশিং পাউদমখি; প্রধান মন্ত্রীদা ৱাহং কয়াশু হংখি
Posted On:
23 JAN 2024 6:01PM by PIB Imphal
ঙসি ৭, লোক কলয়ান মার্গতা লৈবা মহাক্কী য়ুমদা প্রধান মন্ত্রী শ্রী নরেন্দ্র মোদীনা প্রধান মন্ত্রী রাস্ত্রিয়া বাল পুরুস্কার(পি এম আর বি পি) ফংলবশিংগা উনখ্রে।
প্রধান মন্ত্রীনা মনা ফংলবশিংদা সোভিনিয়র অমমম খুদোল তমখি অমসুং তুংদা অপনবা লৈতনা মখোয়গা ৱারি শানখি। মনাগীদমক মখোয়গী খল্লকখিবা মখোয়গী মাইপাকপশিংগী মতাংদা অঙাংশিংনা অকুপ্পশিং পাউদমখি। ঈশে, নাৎ, সোলার পৱার, বেতমিন্তন, চেস য়াওনা শান্নবশিংগী মতাংদা খন্নখি।
অঙাংশিংনশু প্রধান মন্ত্রীদা ৱাহং কয়া হংখি অমসুং ৱাহং অমগী পাউখুম পীবদা মহাক্না মখল খুদিংমক্কী ঈশৈ পাম্বগী মতাংদা মহাক্না ফোঙদোকখি অমসুং মসিনা কমদৌনা মহাক্কী ধ্যান তৌবদা মতেং পাংবগে হায়বগী মতাংদা থমখি। ঙরাং প্রধান মন্ত্রী সুর্য়োদয়া য়োজনা হৌদোকখিবগী মতাংদা হংবদা, প্রধান মন্ত্রীনা হায়খি মহাক্না গুজরাতকী চীফ মিনিস্তর ওইরিঙৈদগী হৌনা নুমিৎ মঙালগী কান্নবা লৌনবা থবকশিং পায়খৎপা হৌখি অমসুং স্কিম অসিদগী মীয়াম্না কান্নবা য়াম্না ফংগনি। ঙসিগী নুমিৎ অসিগী মরুওইবগী মতাংদা প্রধান মন্ত্রীনা অঙাংশিংগা লোয়ননা খন্নখি অমসুং মখোয়দা পরাক্রম দিবসগী মরমদা অমসুং কমদৌনা সরকারনা নেতাজি সুভাস চন্দ্র বোস ইকায়খুম্নবা উৎপগে হায়বগী মতাংদা মখোয়দা ৱারি শাখি।
কাংলুপ তরেৎ হায়বদি কলা অমসুং নাৎ, থৌনা ফবা, অনৌবা পুথোকপা, সাইন্স অমসুং তেক্নোলোজি, মীয়ামগী থবক তৌবা, শান্নবা অমসুং ইনভাইরোনমেন্তগী লদমা অখন্নবা মাইপাক্লবা অঙাংশিংদা ভারত সরকারনা প্রধান মন্ত্রী রাস্ত্রিয়া বাল পুরুস্কার পীরি। মনা ফংলবা অঙাং অমদা মেদল অমা, শক্তাকচে অমসুং সাইতেসন পীরি। চহি অসিগী ওইনা তোঙান-তোঙানবা কাংলুপ্তা লৈবাক শীনবা থুংবদগী অঙাং ১৯ প্রধান মন্ত্রী রাস্ত্রিয়া বাল পুরুস্কার-২০২৪ পীনবা খনখৎখি। মনা ফংলবশিংগী মনুংদা রাজ্য/য়ু.তি ১৮ দগী নুপামচা ৯ অমসুং নুপীমচা ১০ য়াওরি।
*****
(Release ID: 1998894)
Visitor Counter : 47
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam