12 جنوری 2024 سے ناسک کے کلا رام مندر میں، وزیر اعظم نریندر مودی نے 11 روزہ مقدس تقریب کا آغاز کیا ہے، جس کے نتیجے میں 22 جنوری کو ایودھیا دھام مندر میں شری رام للا کی تقدیس کی جائے گی۔ انہوں نے ناسک دھام – پنچوٹی سے رسم کی شروعات کی جہاں بھگوان رام نے اہم وقت گزارا تھا۔

شری کلارام مندر، ناسک

12 جنوری 2024 کو وزیر اعظم نے مہاراشٹر کے ناسک میں واقع کلا رام مندر میں پوجا کی۔ انہوں نے شری رام کنڈ میں بھی درشن اور پوجا کی۔ رامائن کا ’یدھ کنڈا‘ سیکشن، جس میں بھگوان رام کی ایودھیا میں فاتحانہ گھر واپسی کی تصویر کشی کی گئی ہے، وزیر اعظم کو مراٹھی زبان میں سنائی گئی۔ وزیر اعظم نے سنت ایکناتھ جی کے ذریعہ مراٹھی میں لکھی بھوارتھ رامائن کی کتھا بھی سنیں۔

ویربھدرا مندر، لیپاکشی، اے پی

منگل، 16 جنوری 2024 کو، وزیر اعظم نے آندھرا پردیش میں واقع پوٹا پرتھی کے لیپاکشی میں ویربھدر مندر کا دورہ کیا اور پوجا کی۔ وزیر اعظم نے تیلگو زبان میں رنگناتھ رامائن کو سنا اور آندھرا پردیش کے قدیم شیڈو کٹھ پتلیوں کے فن کے ذریعہ دکھائے گئے جٹایو کی کہانی کو دیکھا جسے تھولو بوممالتا کہا جاتا ہے۔

گروویور مندر، تھریسور، کیرالہ

وزیر اعظم نے کیرالہ کے گروویور میں گروویور مندر کا بھی دورہ کیا اور پوجا کی۔

تھریپریار شری رام سوامی مندر، تھریسور، کیرالہ

وزیر اعظم نریندر مودی نے 17 جنوری 2024 کو کیرالہ کے تھریپریار میں شری رام سوامی کا دورہ کیا۔ انہوں نے شری رام سوامی مندر میں درشن اور پوجا کی۔ وزیر اعظم نے ثقافتی کارکردگی بھی دیکھی اور فنکاروں اور بٹوکوں کو مبارک باد بھی دی۔

سری رنگناتھ سوامی مندر، تروچیرپلی، تمل ناڈو

20 جنوری 2024 کے مبارک دن پر، وزیر اعظم نریندر مودی نے تمل ناڈو میں سری رنگناتھ سوامی کے مقدس مندر کا دورہ کیا۔ انہوں نے مقدس مقام پر کمبا رامائن کا شاعرانہ کلام بھی سنا جہاں نامور کمبان نے پہلی بار دنیا کے سامنے اپنے شاہکار کی نقاب کشائی کی تھی۔

سری ارولمیگو رامناتھ سوامی مندر، رامیشورم

سری رنگناتھ سوامی مندر میں پوجا کرنے کے بعد، وزیر اعظم، نریندر مودی، تمل ناڈو میں رامیشورم، ارولمیگو راما ناتھ سوامی کے مقدس مقام پر گئے۔ انہوں نے بھگوان کو اپنی عقیدت پیش کی، جو بارہ جیوترلنگوں میں سے ایک کے طور پر قابل احترام ہیں۔ وہ بھجن سندھیا جیسے مختلف پروگراموں میں بھی شامل ہوئے، جہاں شام کو مندر کے احاطے میں بہت سے روحانی گیت پیش کیے گئے۔

کوٹھنڈا راماسوامی مندر، دھنشکوڈی

آج وزیر اعظم نے کوٹھنڈ راماسوامی مندر، دھنشکوڈی میں درشن اور پوجا کی۔ دھنشکوڈی کے قریب، وزیر اعظم نے اریچل منائی کا بھی دورہ کیا، جس کے بارے میں کہا جاتا ہے کہ یہ وہ جگہ ہے جہاں سے رام سیتو بنایا گیا تھا۔

**************

ش ح۔ ف ش ع- م ف

U: 3868