ঙসি প্রধান মন্ত্রী শ্রী নরেন্দ্র মোদীনা চেন্নাইগী তামিল নাদুদা খেলো ইন্দিয়া য়ুথ গেমস ২০২৩ হৌদোকখ্রে। শ্রী মোদীনা ব্রোদকাস্তিং সেক্তরগা মরী লৈনবা লুপা করোর ২৫০ রোমগী প্রোজেকশিং হৌদোকখ্রে অমসুং উরেপ-উয়ুং তমখ্রে। মহাক্না নাৎকী থৌরম অমসু য়েংখি। খেলো ইন্দিয়া য়ুথ গেমস হৌদোকপা ওইনা শান্নরোয় অনিনা শীন্নরকপা গেমসগী মৈরা মহাক্না মৈফুদা থমখি।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা মীওই খুদিংমক ১৩শুবা খেলো ইন্দিয়া গেমসতা তরাম্না ওকখি অমসুং হায়খি মসি ২০২৪ হৌনবা অচৌবা থৌরম অমনি। নহা ওইরবা ভারত অমা উৎলিবা, লৈবাক অসিগী শক্তিনা শান্নবগী তাইবংদা লৈবাক অসি অনৌবা থাকশিংদা পুখৎলিবা অনৌবা ভারত থৌরম অসিদা তিল্লিবা মীয়াম্না মহুৎশিল্লি। অমতা ওইনা অদোম্না এক ভারত শ্রেস্থা ভারতকী অশেংনবা থৌনা উৎলে। তামিল নাদু মীয়ামগী মীয়োক-মীচান ফবা, ফজরবা তামিল লোল অমসুং মসিগী চৎনবী অমসুং ইন্সাং মথেলশিংনা শান্নরোয়শিং নুংঙাইহনগনি। তামিল নাদুগী মীয়োক-মীচান্না পুম্নমক্কী থম্মোয় জয় তৌগনি অমসুং খেলো ইন্দিয়া য়ুথ গেমসনা হৈথোই-শিংথোইবা উৎনবা খুদোংচাবা পীগনি হায়না ঐনা থাজৈ। মফম অসিদা নৌনা মরুপ ওইখিবশিং পুন্সি চুপ্পা অমা লৈহৌরগনি।

ঙসি উরেপ-উয়ুং তমখিবা অমসুং শঙ্গাখিবা দুরদর্সন অমসুং ওল ইন্দিয়া রেদিও প্রোজেকশিংগী মতাংদা প্রধান মন্ত্রীনা হায়খি ১৯৭৫ তগী থৌরম শন্দোকপা হৌখিবা চেন্নাই কেন্দ্র ঙসিদগী অনৌবা খোঙচৎ অমা হৌরে। রাজ্য ৮ দা একাসবানি এফ.এফ প্রোজেক ১২ না মীওই করোর ১.৫ কোনশিনগনি।

ভারত্তা শান্নবগী লমদা তামিল নাদুনা লৌরিবা থৌদাংগী মতাংদা প্রধান মন্ত্রীনা হায়খি রাজ্য অসি চেম্পিয়ন কয়া পুথোক্লিবা লমদম অমনি। তেন্নিস চেম্পিয়ন অমৃতরাজ মচিন-মনাওশিং, ওলেম্পিক্তা সনাগী মেদল অমা ফংখিবা ভারতকী হোক্কী কেপ্তেন বাসকার, চেস শান্নরোয় বিশ্বানাথন অনন্দ, প্রাগনানন্ধা অমসুং পেরালেম্পিক চেম্পিয়ন মরিয়াপা লৈরি। শান্নরোয় খুদিংমক্না তামিল নাদুদগী ইথিল লৌগনি হায়বগী থাজবা লৈরি।

প্রধান মন্ত্রীনা হায়খি শান্নরোয়শিং শান্নবগী থৌরমশিংদা শরুক য়াহনবা য়াম্না মরুওইবদগী লৈবা অসিদা শান্নবগী অচৌবা থৌরমশিং শীনবনি। মখোঙদগী হৌনা হৈথোই-শিংথোইবা শান্নরোয়শিং মশক খঙদোক্নবা হোৎনবদা খেলো ইন্দিয়া অভিয়ান্না অচৌবা থৌদাং অমা লৌরি। খেলো ইন্দিয়া গেমস ১২, খেলো ইন্দিয়া য়ুথ গেমস, খেল ইন্দিয়া য়ুনিভর্সিতি গেমস, খেল ইন্দিয়া ৱিন্তর গেমস অমসুং খেল ইন্দিয়া পেরা গেমসনা শান্নবগী অমসুং তেলেন্ত মশক খঙদোক্নবা খুদোংচাবশিং পীরে।

মহাক্না হায়খি তামিল নাদুগী অচৌবা সহর মরি হায়বদি চেন্নাই, ত্রিচি, মদুরাই অমসুং কোইয়ম্বতুরনা শান্নরোয়শিং ওক্নবা থৌরাং তৌদুনা লৈরে। শরুক য়াবা ওইগেরা নত্ত্রগা ভাবক অমা ওইগেরা, চেন্নাইগী ফজরবা সমুদ্র মপান্না মীওই খুদিংমক পুক্নিং চিংশিনগনি। মদুরাই, ত্রিচিগী ফজরবা লাইশঙশিং অমসুং মসিগী কলা অমসুং ক্রাফশিং অমসুং কোইয়ম্বতুরগী উদোগকী সহর লৈরি অমসুং তামিল নাদুগী সহর অমমম অসি কাউবা ঙম্লরোইদবা ঙাক্তনি।

প্রধান মন্ত্রীনা হায়খি ভারতকী রাজ্য অমসুং য়ু.তি ৩৬ গী শান্নরোয়শিং গেমস অসিদা শরুক য়ারি। গেমস মনুংদা শান্নরোয় ৫,০০০ হেনবগী মরক্তা চাংদম্নবা অসি কান্নবা অমা ওইগনি। অহানবা ওইনা গেমস অসিদা আর্চরি, এথলেতিক্স, বেদমিন্তন অমসুং ইসক্বাস হাপচিল্লে অমসুং তামিল নাদুদগী হৌখিবা শারিৎ-শারাৎ অমা ওইরিবা সিলাম্বম য়াওরে। গেমস অসিনা শান্নরোয় খুদিংমক্তা অচেৎপা ফিরেপ, থাজবা অমসুং অফবা পুরক্কনি অমসুং লৈবাক অসিনা মখোয়গী কৎথোকপা, মশানা মশাবু থাজবা, কিদবগী থৌনা অমসুং অখন্নবা পর্ফোমেন্স পাংথোক্নবা থৌনা লৈবাক অসিনা উবা ফংগনি।

প্রধান মন্ত্রীনা হায়খি সাধু তিরুবাল্লুবারনা নহারোলশিংদা ইথিল পীখি অমসুং মখোয়গী মাইকৈ তাকখি। অৱাবা ফিবমশিংদা মপাঙ্গল কন্না লৈনবা মহাক্না পাউতাকশিং পীখি। খেলো ইন্দিয়াগী লোগোদা মহাক্কী শক্তম য়াওরি। গেমস অসিগী ইদিসন্দা বিরা মঙ্গাই বেলু নাচিয়ারনা মেসকোত ওইরি। মমাঙদা অশেংবা মীওই অমতনা মাসকোত ওইখিদ্রি। বীরা মঙ্গাই নাচিয়ার অসি নুপীগী শক্তিগী খুদম অমনি। ঙসি মহাক্কী মগুন সরকারগী ৱারেপ কয়াদা মমি তারে। মহাক্কী ইথিলগা লোয়ননা শান্নরোয় নুপীশিং থৌনা পীনবা সরকারনা লেপ্তনা হোৎনরি। স্পোর্ত ২০দা নুপীশিংগী লিগ লৈরে অমসুং নুপী শান্নরোয়শিংগী তৌবা ঙম্বা উৎনবা ‘দস কাস দাম’ গুম্বা থবকশিংগী খুদোংচাবশিং লৈরে।

২০১৪গী মতুংদা হন্দক শান্নবগী লমদা ভারতনা মাইপাকখিবশিং পল্লদুনা প্রধান মন্ত্রীনা হায়খি তোকিও ওলেম্পিক্স অমসুং পেরালেম্পিক্সতা ভারতনা খ্বাইদগী ফজনা শান্নবা উখ্রে অমসুং এসিয়ান গেমস অমসুং পেরা গেমসতা পুৱারি ওইনা শান্নখিবা উরে অমসুং য়ুনিভর্সিতি গেমসতা মেদলশিংগী অনৌবা রেকোর্দশিং থম্লে। মসি নোংমতদা মাইপাকপা নত্তে, হৌখিবা চহি ১০ অসিদা শান্নরোয়শিং সরকারগী মতেং ফংখি অমসুং মখোয়দা নুংঙাইবগী ইনোৎ অমা ফংখি। হৌখিবা চহি ১০দা, সরকারন অওনবা পুরক্লে, শান্নরোয়শিং শান্নরে অমসুং ভারত্তা শান্নবগী থবক খুদিংমক অহোংবা পুরক্লে।

মহাক্না হায়খি খেলো ইন্দিয়া কেম্পেন্না লৈবাক অসিদা শান্নরোয় লিশিং কয়া লুপা ৫০,০০০গী থাগী মতেং পীরি অমসুং ২০১৪ দা হৌদোকখিবা তার্গেত ওলেম্পিক পোদিয়ম স্কিমনা মকোক থোংবা শান্নরোয়শিং  অচৌবা শান্নবগী থৌরমশিংদা শরুক য়ানবা ত্রেনিং অমসুং মালেমগী থৌরমশিংদা শরুক য়ানবগী খুদোংচাবশিং পীরি। চহি অসিদা পাংথোক্কদৌরবা পেরিস ওলেম্পিক্স অমসুং ২০২৮ লোস এঞ্জেলেস ওলেম্পিক্সকী য়েংলগা স্কিম অসিগী মখদা শান্নরোয়শিংদা পীবা য়াবা মতেং পীরি।

প্রধান মন্ত্রীনা হায়খি ঙসিদি, ঐখোয়না নহারোলশিং শান্নবা শরুক য়ানবা ঙাইদ্রে, ঐখোয়না শান্ন-খোৎনবশিং নহারোলশিংগী মনাক্তা য়ৌহল্লে। খুঙ্গং, লায়রবা, ত্রাইবেল অমসুং লাৱার-মিদল-ক্লাস ইমুংশিংগী নহারোলশিংগী মঙলান খেলো ইন্দিয়া কেম্পেন্না মঙফাউনহল্লে। লোকেল ফোর ভোকেল লাইৱাগী শরুক অমা ওইনা লমদম অমগী তেলেন্ত উৎথোকপা য়াওরি। লোকেল তেলেন্তশিং মালেমগী থাক্তা উৎথোক্নবা সরকারনা থবক পায়খৎলে। হৌখিবা চহি ১০দা ভারত্তা মালেম থাক্কী শান্নবগী থৌরমশিং পাংথোক্লে। হন্দক দিয়ুদা পাংথোকখিবা বিচ গেমসতা ভারতকী অরিবা মশান্না ৮ য়াওদুনা শান্নরোয় ১৬০০ শরুক য়াখি। মসিনা বিচ গেমস অমসুং স্পোর্তস তুরিজমগী অনৌবা যুগ অমা হৌদুনা হায়রিবা গেমশিং অসিনা সমুদ্রা মপানগী সহরশিংদা চাউনা কান্নবা পীগনি।

প্রধান মন্ত্রীনা হায়খি ভারতকী নহা ওইরিবা শান্নরোয়শিং মালেমগী শান্নবগী থৌরমশিং শরুক য়াহন্নবা অমসুং মালেমগী শান্নবগী লমদা লৈবাক অসি মরুওইবা মফম অমা ওইহন্নবা সরকারনা ৱারেপ লৌরে। মরম অদুনা, ভারত্তা ২০৩০দা য়ুথ ওলেম্পিক্স য়ুম্বু ওইনবা অমসুং ২০৩৬ তা ওলেম্পিক্স পাংথোক্নবা ঐখোয় চোকথবা লৈতনা হোৎনরি। শান্নবা অসি শান্নবুংদা খক নত্তনা মসিনা নহারোল কয়া থবক ফংনবা খুদোংচাবশিং পীদুনা অচৌবা শেন্মিৎলোল অমা ওইরি। মালেমদা ভারত খ্বাইদগী চাউবা অহুমশুবা ইকোনোমি ওইহন্নবা হোৎনরি। হৌখিবা চহি ১০দা শান্নবগী ইকোনোমিগী চাকথুং হেনগৎহন্নবা অমসুং শান্নবগা মরী লৈনবা সেক্তরশিং চাউখৎহন্নবা সরকারনা পায়খৎপা য়াবা থবকশিং পায়খৎলে। শান্নবগী পোৎলমশিং শানবা অমসুং থবকশিং চাউখৎহন্নবা অমসুং শীনফম অমা ওইনা শান্নবা য়োকখৎনবা মীৎয়েং চঙলে।

প্রধান মন্ত্রীনা হায়খি লৈবাক অসিদা স্পোর্তস সাইন্স, ইন্নোবেসন, মেনুফেকচরিং, স্পোর্তস কোচিং, স্পোর্তস সাইকোলোজি অমসুং স্পোর্তস নিউত্রিসনগী লমদা শীনফম অমা ওইনা থবক তৌরিবশিংগী মফম অমা সরকারনা পীরে।  হৌখিবা চহি ১০দা ভারতকী অহানবা নেসনেল স্পোর্তস য়ুনিভর্সিতি লিংখৎলে অমসুং খেলো ইন্দিয়া কেম্পেনগী মখাদা লৈবাক অসিদা মমিং লৈরবা একাদেমি ৩০০ হেন্না, খেলো ইন্দিয়া সেন্তর ১০০০ অমসুং সেন্তর ওফ এক্সলেন্স ৩০ লিংখৎলে। অঙাং ওইরিঙৈদগী হৌনা শান্নবা অসি শীনফম অমা ওইনা খন্নবা ৱাখল তাহনবদা মতেং পাংনবা লৈবাক অসিগী অনৌবা ইজুকেসন পোলিসিদা শান্নবা অসি মরুওইবা করিকুলমগী শরুক অমা ওইহল্লে।

প্রধান মন্ত্রীনা হায়খি ভারতকী শান্নবগী উদোগ অসি লুপা করোর লাখ ১ য়ৌরগনি হায়বগী থাজবা লৈরে। শান্নবগী লমদা খঙবা হেনগৎলকপদগী ব্রোদকাস্তিং, শান্নবগী পোৎলমশিং, শান্নবগী তুরিজম অমসুং শান্নবগী ফিরোলশিংগি ললোন-ইতিক্কী থবকশিং চাউখৎলক্লে। লৈবাক্কী তোঙান-তোঙানবা মফমশিংদা শান্নবগী পোৎলমশিংগী মেনুফেকচরিং ক্লস্তরশিং শেমগৎনবা সরকারনা হোৎনরি।

প্রধান মন্ত্রীনা  হায়খি খেলো ইন্দিয়া কেম্পেনগী মখাদা শেমগৎলিবা শান্নবগী ইনফ্রাস্ত্রকচরশিং অসিনা থবক পীনবগী অচৌবা মফম অমা ওইরে। তোঙান-তোঙানবা শান্নবগী লিগশিংনা অনৌবা থবকশিংশু ফংহল্লে। ঙসিদি, স্কুলশিং অমসুং কলেজশিংদা শান্নবগা মরী লৈনবা হিরমশিংদা মখোয়গী শীনফম ওইনিংবা ঐখোয়গী নহারোলশিংগীদমক, মখোয়গী হেন্না ফবা তুংলমচৎ অসি মোদীগী গরেন্তিনি।

প্রধান মন্ত্রীনা হায়খি শান্নবা খক নত্তনা, হিরম খুদিংমক্তা ভারতনা ইথক কাহল্লে। অনৌবা ভারতনা অরিবা রেকোর্দশিং থুগাইরে অমসুং অনৌবা রেকোর্দশিং শেম্লে। ভারতকী নহারোলশিংগী থৌনা, খাংবা কনবা, তৌবা ঙম্বা, পুক্নিং-ৱাখলগী থৌনা অমসুং মাইপাক্নিংবগী খৌরাংবা অদুদা থাজবা থম্লি। ঙসিগী ভারতনা য়াম্লবা পান্দমশিং থম্লে অমসুং মখোয় ফংবা ঙম্লে। চৎলিবা চহি অসিদা লৈবাক্কীদমক অমসুং মালেমগীদমক অনৌবা রেকোর্দশিং থম্বা অমসুং অনৌবা মাইপাকপশিং উবা ফংলগনি। ভারতনা অদোমগা লোয়ননা মাঙলোমদা চঙশিনবা মরমনা অদোম মাঙলোমদা চঙশিনগদবনি। অপুনবা ওইনা, মাইপাক্লসি অমসুং লৈবাক অসি মাইপাক্লসি। খেলোই ইন্দিয়া য়ুথ গেমস ২০২৩ হৌদোক্লে হায়না ঐনা লাউথোকচরি।

থৌরম অদুদা শরুক য়াখিবশিংগী মনুংদা তামিল নাদুগী রাজ্যপাল শ্রী আর.এন রবি, তামিল নাদুগী চীফ মিনিস্তর শ্রী এম.কে স্তেলিন, ইনফোর্মেসন অমসুং ব্রোদকাস্তিং অমসুং য়ুথ এফেয়ার্স অমসুং স্পোর্তকী য়ুনিয়ন মিনিস্তর শ্রী অনুরাগ সিংহ থাকুর, ইনফোর্মেসন অমসুং ব্রোদকাস্তিংগী রাজ্য মন্ত্রী দোক্তর এল মুরুগান অমসুং য়ুথ এফেয়ার্স অমসুং স্পোর্তকী রাজ্য মন্ত্রী শ্রী নিসিথ প্রামানিক য়াওখি।

নুঙগীৱারোল

প্রধান মন্ত্রীনা গ্রাসরুত স্পোর্ত দিভেলপমেন্তপু খুমাং চাউশিলহনবা অমসুং হৌগৎলক্লিবা স্পোর্তকী তেলেন্তশিংবু য়োকখৎপদা খোঙফম চেৎলিবা অসিনা খেলো ইন্দিয়া য়ুথ গেমস হৌদোকহনখি। প্রধান মন্ত্রীনা চেন্নাইগী জৱাহরলাল নেহরু স্তেদিয়মদা পাংথোক্কদৌরিবা ৬শুবা খেলো ইন্দিয়া য়ুথ গেমস ২০২৩ গী থৌরম মপু ওইনা শরুক য়াখি। খেলো ইন্দিয়া য়ুথ গেমস অসি খা ভারত্তা পাংথোকপসি মসিনা অহানবা ওইগনি। গেমস অসি তমিল নাদুগী মরু ওইবা শহর মরি, মিং ওইনা পল্লবদা, চেন্নাই, মদুরাই, ত্রিচী অমসুং কোইম্বতোরদা জনুৱারী ১৯-২৪,২০২৪ ফাওবা পাংথোক্কনি।

গেমস অসিগী মাস্কোতনা বীর মঙ্গাই ওইগনি। বীর মঙ্গাই হায়না নুংশিনা কৌনবা রানী বেলু নচিয়র অসিদি ব্রিতিশকী লোইলম লৈঙাক্কী মাইয়োক্তা লান হৌখিবী ভারতকী মহারানী অমনি। মাস্কোত অসিনা নুপীগী পাঙ্গলগা শাগোন্নবা ভারত নুপীশিংগী মথৌনা অমসুং ইথিলগী খুদম ওইরি। গেম্স অসিগী লোগোদা কবি থিরুবল্লুবরগী শক্তম য়াওরি।

নুমিৎ ১৩ গী মনুংদা য়াম্লবা মফম ১৫ দা শন্দোক্তুনা মশান্না ২৬ তা কম্পিতিতিব ইভেন্ত ২৭৫ অমসুং দেমো স্পোর্ত ১ গা লোয়ননা পাংথোক্কদৌরিবা খেলো ইন্দিয়া য়ুথ গেমসকী হন্দক্কী তাঙ্কক অসিদা শান্নরোই ৫৬০০ হেনবনা শরুক য়ারি। মশান্না ২৬ অদুদি ফুতবোল, ভোল্লীবোল, বেদমিন্তন্নচিংবা কনভেনস্নেল স্পোর্ত অমসুং কলারিপায়ত্তু, গতকা, থাং তা, কবদ্দী অমসুং য়োগাসনগুম্বা নাৎকী তোঙান-তোঙানবা মশান্না কয়ানা শেম্বনি। তমিল নাদুগী ত্রেদিস্নেল স্পোর্ত অমা ওইরিবা সিলম্বম অসিবু খেলো ইন্দিয়া য়ুথ গেমসকী পুৱারীদা দেমো স্পোর্ত অমা ওইনা খ্বাইদগী ইহান হান্না হৌদোক্লি।

প্রধান মন্ত্রীনা হৌদোকপগী থৌরমদা ব্রোদকাস্তিং সেক্তরগা মরী লৈনবা লুপা করোর ২৫০গী প্রোজেক্তশিং হৌদোকপগা লোয়ননা উরেপ উয়ুংসু তমখি। মসিগী মনুংদা নৌনা শক্তাক পীরবা দি.দি. পোধিগাইবু দি.দি. তমিল হায়না হৌদোকপা; রাজ্য ৪ তা আকাশবানী এফ.এম প্রোজেক্ত ১২ হৌদোকপা; অমসুং জম্মু অমসুং কশ্মিরদা দি.দি. ত্রান্সমিত্তর ৪ হৌদোকপা য়াওখি। পুম্নমক অসিগা লোয়ননা, প্রধান মন্ত্রীনা রাজ্য ১২ তা অনৌবা এফ.এম ত্রান্সমিত্তর প্রোজেক্ত ২৬ কী উরেপ উয়ুংসু তমখি।

It is a matter of great joy that Khelo India Youth Games are being held in the beautiful city of Chennai. These games will help nurture young sporting talent. https://t.co/jVdVNxrY44

— Narendra Modi (@narendramodi) January 19, 2024

Khelo India Games – A great way to start 2024. pic.twitter.com/xv08Ds6Amy

— PMO India (@PMOIndia) January 19, 2024

Tamil Nadu has produced numerous sporting champions. pic.twitter.com/LHMKAbxOWD

— PMO India (@PMOIndia) January 19, 2024

Making India a top sporting nation. pic.twitter.com/3ymvya0xST

— PMO India (@PMOIndia) January 19, 2024

India's sports system is transforming. pic.twitter.com/lTfdg7TVFC

— PMO India (@PMOIndia) January 19, 2024

Our endeavour is to give international exposure to our young athletes. pic.twitter.com/rhg60JEpyB

— PMO India (@PMOIndia) January 19, 2024

India is setting new benchmarks in every field. pic.twitter.com/1WVlkYciE7

— PMO India (@PMOIndia) January 19, 2024

****