ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। থৌরম অদুদা লৈবাক শীনবা থুংনা লৈরিবা বিকসিত ভারত সংকল্প যাত্রা বেনিফিসরিশিং শরুক য়াখি। থৌরম অদুদা য়ুনিয়ন মিনিস্তরশিং, এম.পিশিং, এম.এল.এশিং অমসুং লোকেল থাক্কী মীয়ামগী মীহুৎশিংশু শরুক য়াখি।

গ্রামিন অজিবিকা মিসনগী মখাদা মশানা মশাবু থবক পীজরবা অমসুং সেল্ফ হেল্প গ্রুপ অমদা থবক তৌরিবা রাজস্থানগী দুঙ্গারপুরগী শ্রীমতি মমতা ধিন্ধোরগা প্রধান মন্ত্রীগা ৱারি শানখ্রে। মহাক গুজরাতিদা ফজনা ৱারি শানবদা প্রধান মন্ত্রীনা অপেনবা ফোঙদোকখি। মহাক মীওই ৫ লৈবা ইমুং অমদগী লাকপনি অমসুং গ্রুপ ১৫০গা নুপী ৭৫০০গা থবক তৌমিন্নরি। মহাক ৱাখল তাহনখি, ত্রেনিং পীখি অমসুং গ্রুপকী মেম্বরশিং লোন লৌবদা মতেং পাংখি।

মহাক মশামক গুহা তৌবগী লোন লৌখি অমসুং মনা-মশিং থাখি অমসুং মনা-মশিং য়োনবগী দুকান অমসু ফমখি। মহাক থবক পীবা মীওই অমা ওইরে। শ্রীমতি মমতানা হায়খি পাক্কাগী য়ুম অমা লৈনবা মহাক্কী মঙলান অদু পি.এম অৱাস য়োজননা মঙফাওনহল্লে। ফংখিবা শেনফম অমসুং সরকারদগী মতেং ফংনবা শেঞ্জা-থুমজা তৌদনা থবক পাংথোকখিবগী মতাংদা মহাক্না প্রধান মন্ত্রীদা পাউদমখি। মীয়ামদা মোদী কি গরেন্তি কি গারিগী মরমদা খঙহনবদা মহাক্না মাংজিল থাখি অমসুং মখোয় শরুক য়ানবা অমসুং স্কিমশিংনা পীরবা কান্নবশিংগী মতাংদা মহাক্না মীয়ামদা খঙহনখি।

মহাক্না অনৌবা মালেম অসিগী মরমদা খঙলিবা অমসুং মহাক্কী গ্রুপকী নুপী অমনা তুংদা ভিদিও নম্লিবা অদু প্রধান মন্ত্রীনা থাগৎপা ফোঙদোকখি অমসুং থৌরম অদুদা শরুক য়াখিবা নুপী ওন্ত্রেপ্রেনিউয়রশিংগা উনখি। প্রধান মন্ত্রীনা হায়খি দুঙ্গারপুরগী অপীকপা খুঙ্গং অমগী ঐগী ইমাশিং অমসুং ইচলশিং অশুক্কী মতিক হরাওবা অমসুং ঐঙোন্দা বর পীবদা ঐ য়াম্না নুংঙাই। অতোপ্পা নুপীশিং থবক তৌনবা মহাক্না হোৎনখিবা অদুসু প্রধান মন্ত্রীনা থাগৎপা ফোঙদোকখি। প্রধান মন্ত্রীনা হায়খি হৌখিবা চহি ৯দা, সেল্ফ হেল্প গ্রুপশিংগী খুৎথাংদা নুপীশিং শক্তি পীনবা সরকারনা থবকশিং পায়খৎলে। লাখপতি করোর ২ শেম্নবা থৌরাং মহাক অমুক হন্না পনখি অমসুং প্রোজেক অসিদা মহাক্কী গ্রুপশিংগুম্বা সেল্ফ হেল্প গ্রুপশিংগী থৌদাং পনখি।

******