মন্ত্রীমন্দল
মেদিকেলগী পোৎথোকশিংগী চৎন-কাংলোনশিংগী মতাংদা মতেং পীননবা ভারত অমসুং দোমিনিকান রিপব্লিক্কী মরক্তা মেমোরেন্দম ওফ অন্দরস্তেন্দিং লৈনবা মন্ত্রীমন্দলনা অয়াবা পীরে
प्रविष्टि तिथि:
18 JAN 2024 1:01PM by PIB Imphal
মেদিকেলগী পোৎথোকশিংগী চৎন-কাংলোনশিংগী মতাংদা মতেং পীননবা ভারতকী হেল্থ অমসুং ফেমিলি ৱেলফিয়ার মিনিস্ত্রিগী সেন্ত্রেল দ্রগস স্তেন্দার্দ কন্ত্রোল ওর্গনাইজেসন(সি দি এস সি ও) অমসুং দোমিনিকান রিপব্লিক্কী পব্লিক হেল্থ অমসুং সোসিএল এসিস্তেন্ত মিনিস্ত্রিগী মেদিসিন, ফুদ অমসুং সেনিতরি প্রদক্সকী দাইরেক্তোরেত জেনেরেলগী মরক্তা মেমোরেন্দম ওফ অন্দরস্তেন্দিং খুৎয়েক পীনবা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। এম.ও.য়ু অসি ওক্তোবর ৪, ২০২৩ দা খুৎয়েক পীনখিবনি।
লৈবাক অনিগী মরক্তা মেদিকেলগী পোৎথোকশিং অমসুং মরী লৈনবা চৎন-কাংলোনশিংগী লমদা ই-পাউ পীনবা অমসুং মতেং পীনবদা এম.ও.য়ু অসিনা হেন্না ফগৎহনগনি। মালেমগী কৈথেলশিংদা থেংনরিবা মগুন হন্থবা, নমথাক তৌবা হিদাক-লাংথকশিংগী খুদোংচাদবশিং থেংননবা এম.ও.য়ু অসি খুৎয়েক পীনদুনা রিগুলেতরি এজেন্সিশিংগী মরক্তা পুন্না থবক তৌমিন্নবগী খুদোংচাবা পীগনি।
চৎন-কাংলোনগী থবকশিং পুনশিনবা অসিনা ভারত্তগী হিদাক-লাংথকশিং মপান্দা থাদোকপা হেনগৎহনবদা মতেং পাংগনি অমসুং মখা তানা ফার্মাসিউতিকেল সেক্তরদা লাইরিক-লাইশু হৈরিবা শীনফম অসিগী মীওইগী থবক ফংনবগী খুদোংচাবশিং পীগনি।
এম.ও.য়ু অসিনা মেদিকেলগী পোৎথোকশিং মপান্দা থাদোকপদা মতেং পাংদুনা ফোরেন একচেঞ্জশিং ফংহনবা ঙমগনি। মসি অত্মানির্ভর ভারত অমগী মাইকৈদা থাংজিনবা খোঙথাং অমনি।
******
(रिलीज़ आईडी: 1997433)
आगंतुक पटल : 147
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Nepali
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam