প্রধানমন্ত্রীগী লোইশঙ
প্রধান মন্ত্রীনা জনুৱারি ১৮ দা বিকসিত ভারত সংকল্প যাত্রাগী বেনিফিসরিশিংগা উনগনি
থৌরম অসিদা লৈবাক শীনবা থুংনা লৈরিবা বিকসিত ভারত সংকল্প যাত্রা বেনিফিসরিশিং শরুক য়াগনি
Posted On:
17 JAN 2024 5:13PM by PIB Imphal
জনুৱারি ১৮,২০২৪গী নুমিৎয়ুংবা পুং ১২:৩০ তাবদা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা উনগনি। থৌরম অদুদা প্রধান মন্ত্রীনা ৱা ঙাংগনি।
থৌরম অসিদা লৈবাক শীনবা থুংনা লৈরিবা বিকসিত ভারত সংকল্প যাত্রা বেনিফিসরিশিং শরুক য়াগনি। থৌরম অসি য়ুনিয়ন মিনিস্তরশিং, এম.পিশিং, এম.এল.এশিং অমসুং লোকেল লেবেলগী মীয়ামগী মীহুৎশিংশু শরুক য়াগনি।
নবেম্বর ১৫,২০২৩ দা যাত্রা অসি হেক হৌদোকপদগী, প্রধান মন্ত্রীনা লৈবাক শীনবা থুংনা বিকসিত ভারত সংকল্প যাত্রাগী বেনিফিসরিশিংগা উনখ্রে। ভিদিও কনফরেন্সকী খুৎথাংদা বেনিফিসরিশিংগা উনবা থৌরম মঙা (নবেম্বর ৩০, দিশেম্বর ৯, দিশেম্বর ১৬, দিশেম্বর ২৭ অমসুং জনুৱারি ৮,২০২৪) পাংথোকখ্রে। হৌখিবা থাদা মহাক্কী বরানসী খোঙচৎ মনুংদা, প্রধান মন্ত্রীনা বিকসিত ভারত সংকল্প যাত্রাগী বেনিফিসরিশিংগা হকথেংননা নুমিৎ নিনি থংন থংননা (দিশেম্বর ১৭ অমসুং দিশেম্বর ১৮) উনখ্রে।
সরকারগী স্কিমশিংগী কান্নবশিং পান্দম থম্লিবা বেনিফিসরিশিংদা অকক্নবা মতমগী মনুংদা ফংহন্দুনা সরকারগী স্কিমশিং চাদা ১০০ ফংহন্নবা পান্দমদা লৈবাক শীনবা থুংনা বিকসিত ভারত সংকল্প যাত্রা পাংথোকপনি।
বিকসিত ভারত সংকল্প যাত্রা শরুক য়াবা মীওই মশিং করোর ১৫ হেল্লে। মসি যাত্রা মাইপাকপগী খুদম অমা ওইনা চাউখৎলবা ভারতকী পান্দম অমদা লৈবাক শীনবা থুংনা লৈরিবা মীয়াম অমত্তা ওইনা পুনশিনবদা অচৌবা ইথিল অমা পীরে।
***
(Release ID: 1997075)
Visitor Counter : 77
Read this release in:
English
,
Urdu
,
Marathi
,
Hindi
,
Nepali
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam