প্রধান মন্ত্রী শ্রী নরেন্দ্র মোদীনা জনুৱারী 16-17দা আন্ধ্র প্রদেশ অমসুং কেরালাদা চৎকনি।

জনুৱারী 16গী নুংথিল পুং 1:30 তাবা মতমদা প্রধান মন্ত্রীনা আন্ধ্র প্রদেশকী লেপক্ষিদা লৈবা বীরভাদ্রা পুজা অমসুং দরশন তৌগনি। নুংথিল পুং 3:30 তাবা মতমদা প্রধান মন্ত্রীনা শ্রী সথ্যা সাই দিস্ত্রিক্ততা লৈবা পালাসুমুদ্রমদা থুংগনি অমসুং নেস্নেল একাদেমী ওফ কস্তমস, ইন্দাইরেক্ত তেক্সেস এন্দ নর্কোতিক্সকী (NACIN) অনৌবা কেম্পস শঙ্গাগনি। প্রধান মন্ত্রীআন ইন্দিয়ন রিভেন্যু সর্ভিস (কস্তম এন্দ ইন্দাইরেক্ত তেক্সেস)কী 74 অমসুং 75শুবা বেৎচকী ওফিসর ত্রেনীশিং লোয়ননা রোয়েল সিভিল সর্ভিসেস ওফ ভুতানগী ওফিসর ত্রেনীশিংগা লোয়ননা ৱারী শাগনি।ল

জনুৱারী 17কী অয়ুক পুং 07:30 তাবা মতমদা  প্রধান মন্ত্রীনা কেরালাগী গুরুবায়ুর মন্দিরদা পুজা অমসুং দরশন পাঙথোক্কনি। মহাক্না অয়ুক পুং 10:30তাবা মতমদা ত্রিপ্রায়ার শ্রী রামাস্বামি মন্দিরদা পুজা অমসুং দরশন পাঙথোক্কনি। মসিগী মতুং নুমিৎ য়ুংবা পুং 12 তাবা মতমদা প্রধান মন্ত্রীনা পোর্তস, শিপ্পিং অমসুং ৱাতরৱেজ সেক্তরগা মরী লৈনবা মরু ওইবা ইনফ্রাস্ত্রকচর প্রোজেক্তশিং শঙ্গাগনি।

পোর্তস, শিপ্পিং অমসুং ৱাতরৱেজ সেক্তরদা অচৌবা শাহৌ

কোচিদা চৎপা মহাক্কী খোঙচৎতা পি.এম.না কোচি পুথুবাইপীনদা লুপা করোর 4,000 হেনবা মরু ওইবা ইনফ্রস্ত্রকচর প্রোজেক্তশিং মদুদি কোচিন শিপয়ার্দ লিমিতেদ (CSL)দা ন্যু দ্রাই দোক (NDD); CSL দা ইন্তরনেস্নেল শিপ রিপিয়র ফেসিলিতী (ISRF); অমসুং LPG ইম্পোর্ত তর্মিনেল ওফ ইন্দিয়ন ওইল কোর্পোরেসন লিমিতেদ শঙ্গাগনি। মরু ওইবা ইনফ্রাস্ত্রকচর প্রোজেক্ত অহুম অসি পি.এম.গী ভারতকী পোর্তস, শিপ্পিং অমসুং ৱাতরৱেজ সেক্তরদা অওনবা পুরক্নবা বিজন অমসুং কেপাসিতী হেনগৎহন্নবা অমসি মীপাল তাংনবা মীৎয়েং মখাদা পাইখৎপনি।

কোচিগী হৌজিক লৈরিবা CSL কেম্পস্তা লুপা করোর 1,800গী শেনফমদা শাখিবা ন্যু দ্রাই দোক অসি অনৌবা ভারতকী ইঞ্জিনীয়রিংগী হৈ-শীংবা অদু তাক্লিবা ফ্লেগশিপ প্রোজেক্ত অমনি। মিতর 75/60 গী আপাকপা অমসুং মিতর 13 লুবা অমসুং মিতর 9.5 ফাওবগী দ্রাউত ওইবা অনৌবা মখলগী খোঙকাপ মিতর 310 শাংবা দ্রাই দোক অসি রিজন অসিগী অচৌবা মেরিন ইনফ্রাস্ত্রকচর অমা ওইরি। ন্যু দ্রাই দোক প্রোজেক্ত অসিনা হেভী গ্রাউন্দ লোদিংগী ফীচর য়াওরিবা অসিনা 70,000T দিস্প্লেসমেন্ত ফাওবগী তুংগী এয়রক্রাফ কেরিয়রশিং লোয়ননা অচৌবা কম্মর্সিএল ভেসেলশিংগুম্বা স্ত্রেতেজিক এসেৎশিং হেন্দল তৌবগী এদভান্স ওইবা মতিক ময়াই ভারত্তা লৈহল্লগনি, মসিনা ভারতনা ইমর্জেন্সী ওইবা লৈবাক্কী মথৌ তাবশিংগীদমক মীরৈবাক্তা মীপাল তাংবা হন্থহল্লগনি।

লুপা করোর 970গী শেনফমদা শাখিবা ইন্তরনেস্নেল শিপ রিপিয়র ফেসিলিতী (ISRF) প্রোজেক্ত অসি মশাগী ওইনা তোপ-তোপ্পা ফেসিলিতী অমনি। মসিদা 6000Tগী কেপাসিতী ওইবা শিপ লিফ সিস্তেম, ত্রান্সফর সিস্তেম, ৱার্কস্তেসন তরুক অমসুং অমুক্তংদা মিতর 130 শাংবা ভেসেল 7 থম্বা য়াবা চাউরাক্না মিতর 1,400 ওইবা বর্থ য়াওরি। ISRF অসি CSL মোদর্নাইজ তৌগনি অমসুং হৌজিক লৈবা শিপ রিপিয়র কেপাবিলিতীশিং হেনগৎহনগনি অমসুং মসিনা কোচি অসি গ্লোবেল শিপ রিপিয়র হব অমা ওইনা ওন্থোক্নবা মাইকৈদা চংশিনবা খোঙথাং অমা ওইরগনি।

লুপা করোর 1,236গী শেনফমদা শাখিবা কোচিগী পুথুবাইপীনদা লৈবা ইন্দিয়ন ওইলগী LPG ইম্পোর্ত তর্মিনেল অসিদা স্তেৎ ওফ দি আর্ত ফেসিলিতীশিং লৈ। স্তোরেজ কেপাসিতী 15400 MTলৈবগা লোয়ননা তর্মিনেল অসিনা য়ুমথোং করোর কয়া অমসুং রিজন অসিদা বিজিনেসশিংদা LPG লেপ্পা লৈতনা সপ্লাই তৌবা ঙমহনগনি। প্রোজেক্ত অসিনা ভারতনা পুম্নমক্কীদমক এক্সেসিবল অমসুং এফোর্দেবল ইনর্জী ফংহন্নবা মাইকৈদা চংশিনবা খোঙথাংশিং মপাঙ্গল কনখৎহনগনি।

প্রোজেক্ত 3 অসি কম্মিসন তৌবগা লোয়ননা লৈবাক্কী জহাজ শাবা অমসুং রিপিয়র তৌবগী কেপাসিতী লোয়ননা এন্সিল্লরী ইন্দস্ত্রীশিং য়াওনা ইনর্জী ইনফ্রাস্ত্রকচরগী গ্রোথ শাহৌ পীরগনি। প্রোজেক্তশিং অসিনা  EXIM ত্রেদতা শাহৌ পীগনি, লোজিস্তিক্তা চংবা শেনফম হন্থহনগনি, ইকনোমিক গ্রোথ শাহৌ পীগনি, মরোমদোম লেপচবা ঙমহনগনি অমসুং মশিং লাকঙমদ্রবা দোমেস্তিক অমসুং ইন্তরনেস্নেলগী ওইবা বিজিনেসগী খুদোংচাবশিং পীরগনি।

নেস্নেল একাদেমী ওফ কস্তমস, ইন্দাইরেক্ত তেক্সেস এন্দ নার্কোতিক্স (NACIN)

সিভিল সর্ভিস কেপাসিতী বিল্দিংগী খুত্থাংদা লৈঙাক ফগৎহন্নবা প্রধান মন্ত্রী মীৎয়েং অদুবু মঙফাওনহন্নবা খোঙথাং অমা ওইনা আন্ধ্র প্রদেশকী শ্রী সধ্যা সাই জিলাগী পলসমুদ্রমদা নেস্নেল একাদেমী ওফ কস্তমস, ইন্দাইরেক্ত তেক্সেস এন্দ নার্কোতিক্স (NACIN)গী অনৌবা কেম্পস অমা শাখ্রে। একর 500 শিনবা থুংনা শারিবা একাদেমী অসি ইন্দাইরেক্ত তেক্সেসন (কস্তমস, সেন্ত্রেল এক্সাইজ অমসুং গুদ এন্দ সর্ভিস তেক্স) অমসুং নার্কোতিক্স কন্ত্রোল এদমিনিস্ত্রেসন লমদা কেপাসিতী বিল্দিংগীদমক ভারত সরকারগী এপেক্স ইন্সতিত্যুসন অমনি। নেস্নেল লেভেল ৱর্ল্দ ক্লাস ত্রেনিং ইন্সতিত্যুত অসিনা ইন্দিয়ন রেভেন্যু সর্ভিস (কস্তম অমসুং ইন্দাইরেক্ত তেক্স)কী ওফিসিএলশিংগা লোয়ননা সেন্ত্রেল এলাইদ সর্ভিসশিং, রাজ্য সরকার অমসুং পার্তনর লৈবাকশিংগী ত্রেনিং পীবা ঙমলগনি।  

মসিগী কেম্পস অসি হাপচিনখিবগা লোয়ননা NACINনা ত্রেনিং অমসুং কেপাসিতী বিল্দিংগী ওইনা ওকমেন্তেদ অমসুং ভর্চ্যুএল রিএলিতী, ব্লোক চেনগা লোয়ননা আর্তিফিসিএল ইন্তিলিজেন্স অমসুং অতোপ্পা ইমর্জিং তেক্নোলোজীশিংগুম্বা মতমগা চুনরবা তেক্নোলোজিশিং শিজিন্নবদা মীৎয়েং চংগনি।

***