প্রধান মন্ত্রী, শ্রী নরেন্দ্র মোদীনা জনুৱারী 22দা অয়োধ্যা ধামগী লাইশঙদা পাংথোক্কদৌরিবা শ্রী রাম্লালাগী প্রান প্রতিস্থাগী মাংওইননা নুমিৎ 11গী অখন্নবা ইরাৎ থৌনি পাংথোকপা হৌখ্রে। “মসিদি অচৌবা থৌদাং অমনি। ঐখোয়গী স্কৃপচরশিংদা হায়নরম্মিবনি, য়গ্যা অমসুং ইশ্বর নীংবগীদমক্তা ঐখোয়না ইশামক্কী লাইওইরবা ৱাখল্লোনবু য়াকাইহনবা তাবনি। মসিগীদমক্তা, অয়াঙবা অমসুং অহকপা কাংলোন কয়া স্কৃপচরশিং অসিদা পীরি অমসুং কাংলোনশিং অসি ইশাবু ইশ্বরগী মফমদা কত্থোক্ত্রিঙৈগী মমাংদা পাংথোক্কদবনি। মরম অদুনা, মসিগুম্বা স্পিরিচুএল ওইবা খোঙচৎ অসিগী অথোইবা মীওই কয়াদগী ঐহাক্না ফংজখিবা কাংলোন কয়া অমসুং মখোয়না তাকপীবা “য়ম-নিয়ম”গী মতুং ইন্না, ঐহাক্না ঙসিদগী হৌনা নুমিৎ 11গী অখন্নবা ইরাৎ থৌনি অমা হৌদোকচরে”।

প্রধান মন্ত্রীনা পুক্নিং নুংশিবা ৱারোল অমদা প্রান প্রতিস্থা ঙাইবা ওইনা লৈবাক পুম্বনা রাম ভক্তীদা লুপ্পগী ইথিলগী মতাংদা পাউদমখি। মসিগুম্বা পুঙফম অসিবু মপু ইবুংঙোগী থৌজাল অমনি হায়রদুনা অসুম্না হায়খি, “ঐহাক পুক্নিং য়াম্না নুংশিরে। ঐহাক্কী পুন্সিদা অহানবা ওইনা মসিগুম্বা ৱাখল্লোন্না ঐহাকপু লাকহৎলি। পুক্নিং লুপচগী ৱাখল্লোন অমা ঐহাক্না ফাওরি। ঐহাক্কী নুংগী ওইবা মসিগুম্বা ইথিল অসিদি করিগুম্বা অপাম্বা অমা ফোংদোকপগী খুদোংচাবা নত্তে, মসিদি থৌওং অমা ইশানা থেংনজবনি। ঐহাক্না ৱাহৈনা ফোংদোকপা পাম্লবসু, মসিগুম্বা মখলগী ৱাখল্লোন অসি ফোংদোকপা ঙমগদবা ৱাহৈ অমত্তা ঐহাক্কী ইফমদা লৈত্রে। অদোম্না ঐহাক্কী ফিভম অসি খঙবা ঙমগনি হায়না ঐনা খল্লি”।

পি.এম. মোদীনা মসিগুম্বা খুদোংচাবা অসিগীদমক্তা তৌবীমল খঙবা উৎলদুনা অসুম্না হায়খি, “চারোন শুরোন কয়া অমগী চহি কয়াগী মঙলান অসিনা মঙফাওনবা মতমদা ঐহাক্না শরুক য়াবগী তাঞ্জা ফংজরে। ভারত মীয়ামগী মীহুৎ ওইনবা খুৎলায় অমা ওইনা ইশ্বরনা ঐহাকপু শেম্বীবনি। মসিদি অচৌবা থৌদাং অমনি”।

প্রধান মন্ত্রীনা পায়খৎকদৌরিবা খোঙথাং অসিগীদমক্তা মীয়াম, ঋশি-মুনি অমসুং ইশ্বরগী মফমদগী থৌজাল নিজখি অমসুং ভগ্বান রাম্না মশক থোকপা মতম খরা লেনখিবা নাশিক ধাম – পঞ্চবতীদগী ইরাৎ থৌনি অসি হৌজবা ঙম্বসিদা নুংঙাইবসু ফোংদোকখি। ঙসিগী নুমিৎ অসিদা স্বামী বিবেকানন্দ অমসুং ইমা জিজাবাইগী মপোক নুমিৎ ওইদুনা চান চান্নবগী নুংঙাইরবা মতৌ অসিবুসু মহাক্না শকখঙখি অমসুং লৈবাকপু য়াকাইহনবদা অচৌবা থৌদাং য়াখিবা লাইওইরবা অতোইবা মীওই অনি অসিগী মফমদা ইকায় খুম্নবসু উৎখি। প্রধান মন্ত্রীনা ঙসিগী নুমিৎ অসিদা সিতা-রাম্বু মতম পুম্বদা লাৎচবী মহাক্কী মমা ইবেম্মবুসু নীংশিংখি।

ভগ্বান রাম্বু নীংজবা মীয়ামগী কত্থোকপশিংবু ইকায় খুম্নবা উৎলদুনা, প্রধান মন্ত্রীনা হায়খি, “ঐহাক ইশামক শেংলবা অমসুং য়াইফরবা পুঙফম অদুদা শরুক য়াজগনি। অদুবু, ঐহাক্কী ৱাখলদদি, ভারত মচা করোর 140গা ঐহাক্কী মিহুন খুদিংগা লোয়নদুনা লৈগনি। অদোমগা ঐহাক্কা লৈমিন্নগনি...রাম্বু নীংজবা মীপুম খুদিংগা ঐহাক্কা লৈমিন্নগনি। অদুগা, মসিগুম্বা কন্সিয়সনেস অসিদি ঐখোয় পুম্নমক্না অমত্তা ওইনা শরুক য়ামিন্নগদবা পুঙফম্নি। রাম মন্দিরগীদমক্তা মশাগী পুন্সি কত্থোক্লবা মশিং থীঙমদ্রবা মীওই কয়াগী ইথিলশিংবু ঐহাক্না শাগোন্নদুনা পুগনি”।

প্রধান মন্ত্রীনা লৈবাক্না মহাক্কা মরী লৈনবীয়ু হায়রদুনা মীয়াম্না মহাকপু থৌজানবীয়ু অমসুং মখোয়গী ৱাখল্লোন অদু মহাক্কী মফমদা ৱাহৈনা ফোংদোকপীয়ু হায়খি। “ইশ্বর অসিদি ‘নিরাকর’ ওই হায়বা অশেংবা অসি ঐখোয় পুম্নমক্না খঙলে। অদুগা ইশ্বরনা, মিৎনা উবা শাইওন ওন্দুনসু, ঐখোয়গী স্পিরিচুএল খোঙচৎ অসিদা পাঙ্গল হাপ্লি। মীওইবা অমদা ইশ্বরগী শক্তম অমা চেল্লি হায়বসিদি ঐহাক ইশামক উরে অমসুং ফাওরে। ঐহাক্না ইশ্বরমক্নি খনবা মীওইশিংনা ঐহাকপু থৌজানবীদুনা মখোয়গী ৱাখল্লোনবু ৱাহৈনা ফোংদোকপীরকপা মতমদা, ঐহাক্কী ইফমদা অনৌবা শক্তি অমা পীবি।  ঙসিদি, ঐহাক্না অদোমগী থৌজাল পামজরি”, প্রধান মন্ত্রীনা হায়খি।‘

अयोध्या में रामलला की प्राण प्रतिष्ठा में केवल 11 दिन ही बचे हैं।

मेरा सौभाग्य है कि मैं भी इस पुण्य अवसर का साक्षी बनूंगा।

प्रभु ने मुझे प्राण प्रतिष्ठा के दौरान, सभी भारतवासियों का प्रतिनिधित्व करने का निमित्त बनाया है।

इसे ध्यान में रखते हुए मैं आज से 11 दिन का विशेष…

— Narendra Modi (@narendramodi) January 12, 2024

***