প্রধানমন্ত্রীগী লোইশঙ
পি.এম.না জনুৱারী 8তা বিকশিৎ ভারত সঙ্কল্প য়াত্রাগী বেনিফিশরীশিংগা উন্নদুনা ৱারী শাগনি
লৈবাক শিনবা থুংবগী বিকশিৎ ভারত সঙ্কল্প য়াত্রাগী বেনিফিশরী লিশিং কয়ানা থৌরম অসিদা শরুক য়াগনি
Posted On:
07 JAN 2024 7:34PM by PIB Imphal
প্রধান মন্ত্রী, শ্রী নরেন্দ্র মোদীনা জনুৱারী 8, 2024গী নুমিৎ য়ুংবা মতুংগী পুং 12.30 তাবা মতমদা বিকশিৎ ভারত সঙ্কল্প য়াত্রাগী বেনিফিশরীশিংগা ভিদিও কনফরেন্সিংগী খুত্থাংদা উন্নদুনা ৱারী শাগনি। প্রধান মন্ত্রীনা থৌরম অসিদা মীয়ামগী মফমদসু ৱা ঙাঙগনি।
লৈবাক শিনবা থুংবগী বিকশিৎ ভারত সঙ্কল্প য়াত্রাগী বেনিফিশরী লিশিং কয়ানা থৌরম অসিদা শরুক য়াগনি। কেন্দ্র মন্ত্রী, এম.পি., এম.এল.এ. অমসুং লোকেলগী থাক্কী মীয়ামগী মীহুৎ কয়াসু থৌরম অসিদা শরুক য়াগনি।
নবেম্বর 15, 2023দা হেক হৌদোকখিবদগী হৌদুনা প্রধান মন্ত্রীনা লৈবাক শিনবা থুংবগী বিকশিৎ ভারত সঙ্কল্প য়াত্রাগী বেনেফিশরীশিংগা চাং নাইনা ৱারী শাদুনা লাক্লি। মসিগুম্বা ৱারী শাবগী থৌওং অসি মমাংদা মরিরক (নবেম্বর 30, দিসেম্বর 9, দিসেম্বর 16 অমসুং দিসেম্বর 27) পাংথোকখ্রে। লোয়ননা, প্রধান মন্ত্রীনা মমাংগী থাগী ভরানসী খোঙচত্তা (দিসেম্বর 17-18) বিকশিৎ ভারত সঙ্কল্প য়াত্রাগী বেনেফিশরীশিংগা হকথেংননা অনিরকসু ৱারী শাখ্রবনি।
বিকশিৎ ভারত সঙ্কল্প য়াত্রা অসি সরকারগী স্কিমশিংগী পান্দম থম্লিবা বেনেফিশরীশিংগী মনুংদা সরকারগী ফ্লেগশিপ স্কিম কয়া অসিগী কান্নবা খুদিংমক অকক্নবা মতমগী মনুংদা য়ৌহন্নবগী পান্দমগা লোয়ননা লৈবাক শিনবা থুংনা চত্থবনি।
বিকশিৎ ভারত সঙ্কল্প য়াত্রানা জনুৱারী 5, 2024দা মশক থোকপা মায় পাকপা অমা ফংবা ঙমখি, নুমিৎ অসিদা য়াত্রাদা শরুক য়াবা মীওইগী মশিংনা করোর 10 হেনখি। মসিগুম্বা মশিং য়াম্লবা মশিং অসি য়াত্রা অসি হৌদোকখিবা শুপ্নগী নুমিৎ 50গী মনুংদা য়ৌখিবনি অমসুং থৌওং অসিমক্না বিকশিৎ ভারতকী মঙলান অমগী মাইকৈদা লৈবাকপু অমত্তা ওইনা পুনশিনবদা য়াত্রা অসিনা পাংথোক্লিবা মশক নাইবা অমসুং চাংদম্ননীংঙাই লৈত্রবা থৌওংগী মতাংদা তাক্লি।
***
(Release ID: 1994136)
Visitor Counter : 62
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam