প্রধান মন্ত্রী শ্রী নরেন্দ্র মোদীনা জয়পুরগী রাজস্থান ইন্তরনেস্নেল সেন্তরদা জনুৱারী 6 অমসুং 7, 2024দা 58শুবা ওল ইন্দিয়া কনফরেন্স ওফ দিরেক্তর জেনরেলস/ইন্সপেক্তর জেনরেলস ওফ পুলিস্তা শরুক য়াখ্রে।

অনৌবা ক্রিমিনেল লোশিং শেমখিবগী মতাংদা খন্নরদুনা প্রধান মন্ত্রীনা হায়খি লোশিং অসি চৎনহনবা অসি ক্রিমিনেল জস্তিস সিস্তেমদা অচৌবা অহোংবা অমা ওইখি। মহাক্না হায়খি মদুদি ‘সিতিজেন ফার্স্ত, দিগনিতী ফার্স্ত এন্দ জস্তিস ফার্স্ত’গী ৱাখল্লোন্দা অনৌবা ক্রিমিনেল লোশিং অসি শেমখি অমসুং ‘দন্দা’গী মহুৎ পুলিশনা হৌজিক্তি ‘দেতা’গা লোয়ননা থবক তৌবা মথৌ তাই। প্রধান মন্ত্রীনা পুলিস চীফশিংদা খুন্নাইগী তোঙান-তোঙানবা শরুকশিংদা অনৌবা লোশিং চৎনহনবগী নুংদা লৈরিবা ৱাখল্লোন অদু ফোঙদোক্নবা ইমেজিনেতিব ওইনা খন্নবা হায়খি। প্রধান মন্ত্রীনা অনৌবা ক্রিমিনেল লোশিংগী মখদা নুপী অমসুং নুপীমচাশিংদা মখোয়গী হকশিং অমসুং ঙাকশেল পীরিবা অসিগী মরমদা ৱাখল তাহনবদা মীৎয়েং থমখি। মহাক্না পুলিস্তা নুপীশিংনা ‘কভি ভি ওর কহি ভি’ (মতম অমা হেক্তদা মফম অমা হেক্তদা) অকিবা লৈতনা থবক তৌহন্নবা ঙাকশেল পীবদা মীৎয়েং চংনবা হায়খি।

প্রধান মন্ত্রীনা প্রজশিংদা পুলিসকী পোজিতিব ইমেজ অমা অমুক হন্না লৈহনবা মথৌ তাই হায়না ফোঙদোকখি। প্রধান মন্ত্রীনা প্রজাশিংগী কান্ননবা অফবা ই-পাউ অমসুং পাউজেল পীনবা পুলিস স্তেসনগী থাক্তা সোসিএল মেদিয়া শীজিন্ননবা পাউতাক পীখি। মহাক্না মহৌশাগী খুদোংথিবা অমসুং দিজাস্তর রিলিফকী মরমদা মাংজৌননা ই-পাউ পীনবা সোসিএল মেদিয়া শীজিন্ননবসু হায়খি। মহাক্না সিতিজেন-পুলিস কন্নেক্ত মপাঙ্গল কনখৎহন্নবগী লম্বীশিং ওইনা তোঙান-তোঙানবা স্পোর্তস ইভেন্তশিং পাঙথোক্নবসু হায়খি। মহাক্না সরকারগী ওফিসিএলশিংদা ঙমখৈগী খুঙ্গংশিং অসি ভারতকী ‘অহানবা খুঙ্গংশিং’ ওইবনা মফম অসিগী মীয়ামগা লোয়ননা অফবা ‘মরী’ থম্নবা ঙমখৈগী খুঙ্গংশিংদা লৈনবসু হায়খি।

ভারতকী অহানবা সোলর মিসন – অদিত্যাL1 মাইপাকখিবা অমসুং ইন্দিয়ন নেভীনা অরাবিয়ন সীদা হাইজেক তৌখ্রবা জহাজতগী ক্রিয়ু মেম্বর 21 কনখিবগী মতাংদা পল্লদুনা প্রধান মন্ত্রীনা হায়খি মদুদি অসিগুম্বা মাইপাকশিং অসিনা ভারতনা মালেমদা অচৌবা পাৱর অমা ওইরক্লি হায়না তাকলি। মহাক্না হায়খি অদিত্যাL1 মাইপাকপা অসি চন্দ্রয়ান-3 মিসন মাইপাকপগা মান্নৈ। মহাক্না ইদিয়ন নেভীগী মাইপাকপা ওপরেসন অসিদা চাউথোকচবা পোকখি। মহাক্না মখা তারদুনা হায় গ্লোবেল প্রোফাইল হেনগৎহন্নবা অমসুং লৈবাক্কী শক্তি হেনগৎহন্নবা পরিং মখাদা 2047 ফাওনদা চাউখৎপা ভারত অমগী মঙলান মঙফাওনবা ঙমহন্নবা ইন্দিয়ন পুলিসনা মশাবু মতমগা চুনবা অমসুং মালেমগী থাক্কী পুলিস ফোর্স ওইহন্নবা হোৎনখি।

প্রধান মন্ত্রীনা পুলিস  মেদল ফোর দিস্তিঙ্গুস সর্ভিসেসসু য়েন্থোকখি অমসুং জয়পুরদা পাঙথোকপা নুমিৎ হুমনিগী DGsP/IGsP কনফরেন্স লোইশিনখি।

কনফরেন্স অসিদা য়ুনিয়ন হোম মিনিস্তর, নেসনেল সেকুরিতি এদভাইজর, হোম এফেয়ার্সকী রাজ্য মন্ত্রী, কেবিনেত সেক্রেতরি, ভারত সরকারগী ওফিসিএলশিং, রাজ্যশিং/UTশিংগী DGsP/IGsP অমসুং সেন্ত্রেল আর্মদ পুলিস ফোর্সশিং অমসুং সেন্ত্রেল পুলিস ওর্গনাইজেসনশিংগী লুচিংবশিং শরুক য়াখি। মমাংগী চহিশিংগুম্না কনফরেন্স অসিদা লৈবাক্কী তোঙান-তোঙাবা মফমশিংদগী তোঙান-তোঙানবা রেঙ্কশিংগী পুলিস ওফিসর 500 হেনবগা লোয়ননা হাইব্রিদ মোদতা পাঙথোকখি। কনফরেন্স অসিদা নৌনা শেমখিবা মরু ওইবা ক্রিমিনেল লোশিং, কাউন্তর তেরোরিজমগী লালোংশিং, লেফ ৱিং এক্সত্রিমিজম, থোরক্লিবা সাইবর থ্রেতশিং, মালেম পুম্বগী কাউন্তর রেদিকেসলাইজেসন ইনিসিএতিবশিংনচিং য়াওনা নেস্নেল সেক্যুরিতীগী মরু ওইবা কম্পোনেন্তশিংগী মতাংদা খন্নখি।

***