মন্ত্রীমন্দল

হায়দ্রোকার্বোন সেক্তরদা মতেং পীননবা ভারত অমসুং গুয়ানাগী মরক্তা মেমোরেন্দম ওফ অন্দরস্তেন্দিং খুৎয়েক পীনবা মন্ত্রীমন্দলনা অয়াবা পীরে

Posted On: 05 JAN 2024 1:14PM by PIB Imphal

হায়দ্রোকার্বোন সেক্তরদা মতেং পীননবা ভারত সরকারগী পেত্রোলিয়ম অমসুং নেচরেল গ্যাস মিনিস্ত্রি অমসুং গুয়ানাগী নেচরেল রিছোর্সেস মিনিস্ত্রিগী মরক্তা মেমোরেন্দম ওফ অন্দরস্তেন্দিং( এম ও য়ু) অমা খুৎয়েক পীনবদা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। 

এম.ও.য়ুগী অকুপ্পা মরোলশিং :

গুয়ানাদগী শুংদোক্ত্রিবা থাউ পুরকপা, গুয়ানাগী এক্সপ্লোরেসন অমসুং প্রদক্সন( ই অমসুং পি) সেক্তরদা ভারতকী কম্পেনিশিং শরুক য়াবা, শুংদোক্ত্রিবা থাউ রিফাইন তৌবগী লমদা মতেং পংনবা, কেপাসিতি হেনগৎহনবা, লৈবাক অনিগী মরক্তা ললোন-ইতিক হেনগৎহনবা, নেচরেল গ্যাস সেক্তরদা মতেং পাংনবা, গুয়ানাগী থাউ অমসুং গ্যাস সেক্তরদা চৎন-কাংলোনগী থৌশিল শেম্বদা মতেং পাংনবা, বাইওফুয়েলশিং, সোলার ইনর্জি য়াওনা মৈখু থাংদবা ইনর্জিগী লমদা মতেং পাংনবা য়াওনা হায়দ্রোকার্বোন সেক্তরগী ভেলু চেন এম.ও.য়ু অসিনা মপুংফানা কোনশিল্লি।

কান্নবা:

হায়দ্রোকার্বোন সেক্তরদা গুয়ানাগা মতেং পাংনবগী এম.ও.য়ু অসিনা লৈবাক অনিগী ললোন-ইতিক, লৈবাক অমনা লৈবাক অমদা শেন থাদবা অমসুং শুংদোক্ত্রিবা থাউ ফংফম মখল য়ামহনবা, লৈবাক অসিদা ইনর্জি ৱাৎতনা ফংহনবদা মতেং পাংগনি। মসিনা গুয়ানাগী ই অমসুং পি সেক্তরদা ভারতকী কম্পেনিশিং শরুক য়ানবগী খুদোংচাবা অমা পীগনি, অপস্ত্রিম প্রোজেকশিংদা মালেমগী থাউ অমসুং গ্যাসকী কম্পেনিশিংগা থবক তৌমিন্নবগী লৌশিং ফংগনি অমসুং অত্মানির্ভর ভারতকী পান্দম ফংহনবদা মতেং পাংগনি।

থবক ওইনা পাংথোক্নবা লাল্লোং অমসুং পান্দমশিং :

মসি খুৎয়েক পীনখিবা তারিখতগী এম.ও.য়ু অসি চৎনবা হৌগনি অমসুং মসি চহি ৫ গী মতম চৎনগনি অমসুং মসিগী অন্দরস্তেন্দিং অসি লোইশিন্নবা করিগুম্বা লৈবাক অমনা থা অহুমগী মমাঙদা অইবা ওইনা নোতিস পীদ্রবদি মখা তানা মশা মরোমদোম রিনিউ তৌজগনি।

নুঙগীৱারোল:

চহি খর অসিদা, থাউ অমসুং গ্যাস সেক্তরদা গুয়ানা ফিবম ফগৎলক্তুনা মালেমদা খ্বাইদগী নৌবা থাউ পুথোকপা লৈবাক অমা ওইরে। মালেমগী মশক খঙদোক্লবা থাউ অমসুং গ্যাসকী অপুনবগী চাদা ১৮ অমসুং মশক খঙদোক্লবা থাউগী চাদা ৩২ ওইনা থাউ বেরেল বিল্লিয়ন ১১.২ নৌনা পুথোক্লে। ওপেক ৱার্ল্দ ওইল আউলুক ২০২২গী মতুংইন্না, গুয়ানানা থাউ পুথোকপা শিংথানিঙাই ওইনা হেনগৎতুনা, ২০২১ দা ০.১ এম.বি/দি পুথোকপদগী ২০২৭ দা ০.৯ এম.বি/দি পুথোক্কনি হায়না পান্দম থম্লি।

মখা তানা, বি.পি স্তেতিস্তিকেল রিভিয়ু ওফ ৱার্ল্দ ইনর্জি ২০২২গী মতুংইন্না, ভারত অসি মালেমদা অহুমশুবা ইনর্জি খ্বাইদগী য়াম্না শীজিন্নবা, অহুমশুবা খ্বাইদগী চাউবা থাউ শীজিন্নবা অমসুং মরিশুবা খ্বাইদগী চাউবা রিফাইন তৌবা লৈবাক্নি অমসুং ইনর্জি দরকার ওইবা হেনগৎলক্তুনা খ্বাইদগী য়াংনা চাউখৎলকপা ইকোনোমি ওইরি। বি.পি ইনর্জি আউতলুক অমসুং ইন্তরনেসনেল ইনর্জি এজেন্সিগী মতুংইন্না, ২০৪০ ফাওবদা ভারতকী দরকার ওইবা ইনর্জি অসি চহিদা চাদা ৩ হেনগৎলক্কনি, মসি মালেমগী রেত চাদা ১ গা চাংদম্নবদনি। মখা তানা, ২০২০-২০৪০গী মরক্তা মালেমগী ইনর্জি দরকার ওইবগী চাদা ২৫-২৮ রোম ভারতকী ওইগনি হায়না পানরি।

ইনর্জি ফংবা হেনগৎহন্নবা, লৈবাক অসিগী ইনর্জি ৱাৎতনা ফংহন্নবা, মীয়ামদা অহোংবা মমলদা ইনর্জি ফংহন্নবা, ভারতনা হায়দ্রোকার্বোন সেক্তরদা অনৌবা মরুপ শেমগৎনবা মীৎয়েং থম্লি, মসিনা মপান লৈবাকশিংগী মগুন লৈবা মফমশিংদগী মখল কয়া থোক্না শুংদোক্ত্রিবা থাউ ফংনবা হোৎনরি। মসিদা মফম অমগী মখা পোনবা হন্থহনগনি অমসুং ভারতকী লাল্লোং হোংদোক-হোংজিন তৌবা ঙমহনগনি।

গুয়ানাগী মরুওইবা অমসুং হায়দ্রোকার্বোন সেক্তরদা লৈবাক অনিগী মরক্তা লৈনরিবা মরীদা অনৌবা মীৎয়েং থমদুনা, হায়দ্রোকার্বোন সেক্তরদা গুয়ানাগা এম.ও.য়ু অমা খুৎয়েক পীনবা অসিনা মতেং পাংনবগী হিরমশিং মশিং হেনগৎহল্লগনি।

*******



(Release ID: 1993518) Visitor Counter : 82