২৬.১২.২০২৩দা মেরা য়ুবা ভারত (মাই ভারত) পোর্তেলদা রেজিস্তার তৌরকপা নহাশিংগী মশিং লাখ ৩৫ হেনখ্রে।

প্রধান মন্ত্রী শ্রী নরেন্দ্র মোদীনা বীর বাল দিবসকী থৌরমদা পীখিবা মহাক্কী ৱারোলদা নহাশিংবু মশিং য়াম্না মেরা য়ুবা ভারত (মাই ভারত) পোর্তেলদা রেজিস্তার তৌদুনা পোর্তেলগা শম্ননবা অপীল তৌখ্রে।

প্রধান মন্ত্রী মোদীনা নহাওইরিবা ওদিয়েন্সশিংবু বিকসিত ভারতকী মংলান অমসুং রিজোলুসনগা লোয়ননা নহাশিংবু লিঙ্ক তৌবগী লৈবাক শিনবা থুংনা চত্থরিবা কেম্পেনগী মতাংদা হায়খি। মহাক্না নহা পুম্নমকপু মাই-ভারত পোর্তেলদা রেজিস্তার তৌনবা বার্তন তৌখি। মহাক্না হায়খি, “প্লেৎফোর্ম অসি হৌজিক লৈবাক্কী নহা ওইরিবা ইচানুপীশিং অমসুং ইচানুপাশিংগীদমক অচৌবা ইন্সতিত্যুসন অমা ওইরক্লি।”

হন্দক্তা পাংথোকখিবা ইন্তরনেস্নেল ইভেন্তশিংদা ইন্দিয়ন এথেলেৎশিংগী মায় পাকপদা ৱা ঙাংলদুনা প্রধান মন্ত্রীনা হায়খি মদুদি এথেলেৎ অয়াম্বা খুঙ্গংগী লমদমশিংদা লৈবা মিদল-ক্লাস ইমুং-মনুংশিংদগীনি। মহাক্না মখোয়গী মায়পাকপগী ক্রিদীৎ মখোয়গী ময়ুমগা নক্ননা হেন্না ফবা স্পোর্তস অমসুং ত্রেনিংগী খুদোংচাবা ফংহল্লিবা অমসুং ত্রান্সপরেন্ত সেলেক্সন প্রোসেস অমা ফংহল্লিবা খেলো ইন্দিয়া কেম্পেনদা পীখি। প্রধান মন্ত্রীনা হায়খি মদুদি মসি নহাশিংগী ৱেলফেয়র প্রায়োরিতাইজ তৌবগী মহৈ অমনি।

লৈবাক পুম্বগী নহাশিংনা মাই ভারত পোর্তেল (https://www.mybharat.gov.in/) দা রেজিস্তার তৌবা য়াই অমসুং পোর্তেলদা ফংলিবা তোঙান তোঙানবা খুদোংচাবশিং অমসুং থৌরমশিংগীদমক সাইন তৌবা য়াই।

মেরা য়ুবা ভারত (মাই ভারত)কী মরমদা:

প্রধান মন্ত্রী শ্রী নরেন্দ্র মোদীনা ২০২৩গী ওক্তোবর ৩১দা নই দিল্লীগী কর্তব্য পথদা লৈবাক্কী নহাশিংগীদমক ‘মেরা য়ুবা ভারত (মাই ভারত)’ প্লেৎফোর্ম হৌদোকখি। মসি য়ুথ দেবেলপমেন্ত অমসুং য়ুথ-লেদ দেবেলপমেন্তগীদমক মরুওইবা তেক্নোলোজী-দ্রাইবন ফেসিলিতেসন অমনি। মসিগী পান্দমদি নহাশিংবু মখোয়গী এস্পিরেসনবু রিয়েলাইজ তৌহনবা অমসুং “বিকসিত ভারত” (দেবেলপ ইন্দিয়া) অমা শেমগৎপদা থৌদাং য়ানবগীদমক মখোয়বু মানবা খুদোংচাবা ফংহনবনি। মসি ফিজিকেল এক্তিবিতীগা লোয়ননা দিজিতেল ওইনা কনেক্ত তৌনবা খুদোংচাবা য়াওবা ‘ফিজিতেল প্লেৎফোর্ম’ (ফিজিকেল + দিজিতেল)নি।

****