ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শান্নখ্রে। থৌরম অদুদা তিনখিবা মীয়ামদা প্রধান মন্ত্রীনা ৱা ঙাংখি।

লৈবাক শীনবা থুংনা লৈরিবা বিকসিত ভারত সংকল্প যাত্রাগী বেনিফিসরি লিশিং কয়া থৌরম অসিদা শরুক য়াখি। থৌরম অদুদা য়ুনিয়ন মিনিস্তরশিং, এম.পিশিং, এম.এল.এশিং অমসুং পঞ্চায়তকী মীহুৎশিংশু শরুক য়াখি।

নুপী লাখ ১.৩ না শাবা সেল্ফ হেল্প গ্রুপ অমগী শরুক অমা ওইরিবা মধ্য প্রদেসকী দেৱাসকী রুবিনা খান্না মহাক্কী গ্রুপতগী ফংলকপা লোন অদুনা ফিরোল য়োনবগী ললোন-ইতিক অমা হৌদোকখি অমসুং শিন্মী অমা ওইরম্বা পুন্সি অদু থাদোকখি। মহাক্কী পোৎ-চৈশিং য়োন্নবা মহাক্না সেকেন্দ-হেন্দ মারুতি ভেন অমা লৈখি, মসিদা ফাগি ওইনা প্রধান মন্ত্রীনা হায়খি ‘ ঐগীদি সাইকল ফাওবা লৈত্রি’। তুংদা মহাক্না দিৱাসতা দুকান অমা ফমখি অমসুং মহাক লৈঙাক্তগী থবকশু ফংলে।

লাইচৎ মনুংদা মাক্সশিং,পি.পি.পি কিত অমসুং সেনিতাইজরশিং শাদুনা মখোয়না মতেং পাংখি। ক্লস্তর রিছোর্স পর্সন অমা ওইনা মহাক্না থেংনখিবা অদু নিংশিংলদুনা প্রধান মন্ত্রীনা হায়খি মহাক্না ওন্ত্রেপ্রেনিঊয়রশিপকী পুন্সিদা নুপীশিংদা ইথিল পীখি। খুঙ্গং ৪০দা গ্রুপশিং শেম্লে।

প্রধান মন্ত্রীনা হায়খি সেল্ফ হেল্প গ্রুপশিংগী নুপী মরক্তা মহাক য়াওরি অমসুং লাখপতি দিদি করোর ২ শেমগৎনবা মহাক্কী অপাম্বা লৈরি। মহাক্কী মঙলানগী খোঙলোই অমা ওইগনি হায়না মহাক্না প্রধান মন্ত্রীদা থাজবা পীখি অমসুং হায়খি ‘ দিদি খুদিংমক লাখপতি অমা ওইনবা ঐনা য়াইফ-পাউজেল পীজরি’। দিদি খুদিংমক লাখপতি ওইনবা শরুক য়ানবা শরুক য়াখিবা নুপী খুদিংমক মখোয়গী খুৎ থাংগৎখি।

মখোয়গী থাজবা প্রধান মন্ত্রীনা থাগৎখি। মহাক্না হায়খি ঐখোয়গী ইমাশিং অমসুং ইচলশিংগী থাজবনা ঐখোয়গী লৈবাক মশাগী ওক্নবা পুথোকচবা ঙমগনি। মহাক্কী খোঙচৎকীদমক খান থাগৎলদুনা, প্রধান মন্ত্রীনা হায়খি সেল্ফ হেল্প গ্রুপনা নুপীশিংগী থাজবা অমসুং মশাগী ওক্নবা পুথোকচবগী পাম্বৈ অমা ওইরি। দিদি লাখপতি করোর ২ শেমগৎনবা থবক কন্না শুনবা প্রধান মন্ত্রীনা ইথিল পীরে। মহাক্কী মচাশিং লাইরিক তমহন্নবা প্রধান মন্ত্রীনা খঙহনখি। মহাক্কী খুঙ্গং অদু নুংঙাই-য়াইফরে হায়না মহাক্না পাউদমখি।

****