وزیراعظم کا دفتر
وزیر اعظم 26دسمبر کو ویر بال دوس کے موقع پر ہونے والے پروگرام میں حصہ لیں گے
ملک بھر میں پروگراموں کا انعقاد کرکے صاحبزادوں کی بے نظیر شجاعت کے بارے میں عوام کو مطلع کرنے اور روشناس کرانے کا کام کیا جارہاہے
Posted On:
25 DEC 2023 4:17PM by PIB Delhi
وزیر اعظم جناب نریندر مودی 26 دسمبر 2023کو ویر بال دوس کے موقع پر منعقدہ پروگرام میں شامل ہوں گے۔ یہ پروگرام نئی دہلی کے بھارت منڈپم میں دن کے دس بجے ہوگا۔ وزیر اعظم اس موقع پر دہلی میں نوجوانوں کے ایک مارچ پاسٹ کو روانہ کریں گے۔
اس دن کے موقع پر حکومت ملک بھر میں عوام کو خصوصا نوجوان بچوں کو صاحبزادوں کی بے نظیر بہادری کے بارے میں جانکاری دینے کے لئے ایسے پروگراموں کا انعقاد کررہی ہے جن میں سب لوگ شامل ہوں گے۔ صاحبزادوں کی زندگی اور ان کی قربانیوں کو اجاگر کرتے ہوئے ایک ڈیجیٹل نمائش ملک بھر میں اسکولوں اور بچوں کے اداروں دکھائی جائے گی۔ ’’ویر بال دوس‘‘نام کی فلم بھی ملک بھر میں دکھائی جائے گی۔ اس کے علاوہ متعدد آن لائن مقابلے بھی ہوں گے جن کا اہتمام مائی بھارت اور مائی گوو پورٹلوں میں کیا جارہا ہے۔
شری گورو گووند سنگھ جی کے پرکاش پرب کے دن نو جنوری 2023 کو وزیر اعظم نے اعلان کیا تھا کہ 26 دسمبر کو شری گورو گووند جی کے بیٹوں صاحبزادہ بابا زور آور سنگھ جی اور بابا فتح سنگھ جی کی شہادت کی یاد میں ویر بال دوس منایا جائے گا۔
*****
U.No:2951
ش ح۔رف۔س ا
(Release ID: 1990287)
Visitor Counter : 74
Read this release in:
Marathi
,
Bengali
,
English
,
Hindi
,
Manipuri
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam