প্রধানমন্ত্রীগী লোইশঙ
দিশেম্বর ২৬ তা প্রধান মন্ত্রী ‘বীর বাল দিবস’ থৌরম শরুক য়াগনি
সাহিবজাদাসগী তমজনফম ওইরবা থৌনাগী মরমদা মীয়ামদা খঙহন্নবা লৈবাক শীনবা থুংনা থৌরম অসি পাংথোক্কদবনি
Posted On:
25 DEC 2023 4:17PM by PIB Imphal
দিশেম্বর ২৬, ২০২৩গী অয়ুক পুং ১০:৩০ রোম তাবদা নিউ দিল্লিদা প্রধান মন্ত্রী শ্রী নরেন্দ্র মোদী ‘বীর বাল দিবস’ থৌরম শরুক য়াগনি। থৌরম অদুদা প্রধান মন্ত্রীনা দিল্লিদা নহারোলশিংগী মার্চ-পাস্ত অমা লমথাগনি।
নুমিৎ অসি পাংথোক্নবা, সাহিবজাদাসগী তমজনফম ওইরবা থৌনা, মরুওইনা অঙাংশিংগী মরমদা মীয়ামদা খঙহন্নবা সরকারনা লৈবাক শীনবা থুংনা থৌরম অসি পাংথোক্কনি। লৈবাক শীনবা থুংনা লৈরিবা স্কুলশিং অমসুং অঙাংশিং য়েংশিন্নবা লৈরিবা লোয়শঙশিংদা সাহিবজাদেশিংগী কৎথোকপা অমসুং পুন্সি ৱারিগী দিজিতেল একজিবিসন অমা পাংথোক্কনি। লৈবাক শীনবা থুংনা ‘বীর বাল দিবস’ গী ফিল্ম অমা উৎকনি। MYBharat অমসুং MyGov পোর্তেলশিংগী খুৎথাংদা ইন্তরএক্তিব কুইজশিং য়াওনা তোঙান-তোঙানবা ওনলাইন কম্পিতিসনশিংসু পাংথোক্কনি।
শ্রী গুরু গোবিন্দ সিংহ জিগী প্রকাস পুরাব নুমিৎ, জনুৱারি ৯,২০২২দা দিশেম্বর ২৬ অসি ‘বীর বাল দিবস’ হায়না থৌরম পাংথোক্নবা প্রধান মন্ত্রীনা লাউথোকখি। নুমিৎ অসি শ্রী গুরু গোবিন্দ সিংহগী মচানুপাশিং সাহিবজাদাস বাবা জোরাৱার সিংহ জি অমসুং বাবা ফাতেহ সিংহ জি থৱায় কৎখিবা নিংশিংবা থৌরমনি।
***
(Release ID: 1990273)
Visitor Counter : 61
Read this release in:
Marathi
,
Bengali
,
English
,
Urdu
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam