وزیراعظم کا دفتر
مدرا سے فائدہ اٹھانے والی اکیلی ماں نے بیٹے کو پڑھنے کے لیے فرانس بھیجا
پی ایم کوشل وکاس یوجنا کی تربیت یافتہ ممبئی کی میگھنا ہاتھ سے بنے لحاف امریکہ اور کناڈا برآمد کر رہی ہیں
وزیر اعظم نے انہیں سب کے لیے ایک ترغیب قرار دیا
Posted On:
16 DEC 2023 6:06PM by PIB Delhi
وزیر اعظم جناب نریندر مودی نے آج ویڈیو کانفرنسنگ کے ذریعہ وکست بھارت سنکلپ یاترا کے استفادہ کنندگان سے بات چیت کی اور ان سے خطاب کیا۔ پروگرام کے دوران، وزیر اعظم نے راجستھان، مدھیہ پردیش، چھتیس گڑھ، تلنگانہ اور میزورم میں وکست بھارت سنکلپ یاترا کو ہری جھنڈی دکھا کر روانہ کیا۔
میگھنا، اکیلی ماں اور ممبئی کی ایک وی بی ایس وائی سے مستفید ہونے والی کیٹرنگ کاروبار کی مالک ہے، انہوں نے وزیر اعظم کو مدرا یوجنا کے ذریعہ 90,000 روپے کا قرض حاصل کرنے کے بارے میں مطلع کیا جس سے انہیں برتن خریدنے اور اپنے کاروبار کو آگے بڑھانے میں مدد ملی۔ انہوں نے اپنے بیٹے کے لیے تعلیمی قرض حاصل کرنے کے بارے میں بھی بتایا، جو فی الحال فرانس میں زیر تعلیم ہے، کیونکہ انہوں نے مدرا یوجنا اور سوانیدھی یوجنا کی مدد سے اپنے کیٹرنگ کے کاروبار کو بڑھایا ہے۔
قرض کی درخواست کے آسان طریقہ کار کے بارے میں وزیر اعظم کے استفسار پر، محترمہ میگھنا نے بتایا کہ انہیں درخواست دینے کے 8 دن کے اندر قرض مل گیا اور وہ وقت پر اپنا قرض بھی ادا کر دیتی ہیں۔ سوانیدھی یوجنا کے تحت پچھلے قرضوں کی بروقت ادائیگی کے ساتھ سود کی شرح میں کمی کی سہولت کے بارے میں بتاتے ہوئے وزیر اعظم نے دریافت کیا کہ کیا انہوں نے اس اسکیم کے تحت مزید قرضوں کے لیے درخواست دی ہے۔ محترمہ میگھنا نے مستقبل کے قرضوں کے لیے درخواست دینے کی خواہش کا اظہار کیا اور وزیر اعظم کو اپنے کیٹرنگ کے کاروبار میں 25 خواتین کو ملازمت دینے کے بارے میں بھی بتایا۔
انہوں نے پی ایم کوشل وکاس یوجنا کے تحت ٹیلرنگ کی تربیت حاصل کرنے کے بارے میں بھی بتایا جہاں 100 خواتین ملازمت کرتی ہیں، اور ہاتھ سے بنے لحاف امریکہ اور کناڈا برآمد کر رہی ہیں۔ محترمہ میگھنا نے تمام دستیاب سرکاری اسکیموں کے لیے وزیر اعظم کا شکریہ ادا کیا اور بتایا کہ وہ کمیونٹی کے لوگوں سے بھی ان اسکیموں سے فائدہ اٹھانے کی اپیل کرتی ہیں۔ وزیر اعظم نے کہا کہ محترمہ میگھنا کی کامیابیاں نہ صرف ان کے لیے بلکہ دیگر خواتین کے لیے باعث فخر ثابت ہو سکتی ہیں اور ایسے پرعزم لوگوں کی خدمت کے لیے حکومت کے عزم پر زور دیا۔
۔۔۔۔۔۔۔۔۔۔۔۔۔۔۔۔۔۔۔۔۔
(ش ح ۔ رض ۔ ت ع(
2525
(Release ID: 1987242)
Visitor Counter : 59
Read this release in:
English
,
Hindi
,
Marathi
,
Manipuri
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam