প্রধানমন্ত্রীগী লোইশঙ
মুদ্রাগী কান্নবা ফংলবী মমা মথন্তনা লাইরিক তম্নবা মচানুপা ফ্রান্সতা থাখি
পি.এম. কাউন্সাল বিকাস য়োজনাদগী ত্রেনিং ফংলবা মুম্বাইগী মেঘনানা খুৎনা তুবা ফৈজুপ য়ু.এস.এ অমসুং কনাদাদা থাদোকখি
মহাক পুম্নমক্কী ইথিল অমনি হায়না প্রধান মন্ত্রীনা ফোঙদোকখি
Posted On:
16 DEC 2023 6:06PM by PIB Imphal
ঙসি ভিদিও কনফরেন্সিংগী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী কান্নবা ফংলবা মীওইশিংদা উনখ্রে অমসুং ৱা ঙাংখ্রে। থৌরম অদুদা প্রধান মন্ত্রীনা রাজস্থান, মধ্য প্রদেস, ছতিসগর, তেলঙ্গানা অমসুং মিজোরমদা বিকসিত ভারত সংকল্প যাত্রা লমথাখি।
মুম্বাইদগী নাইতোম হিংলিবী মমা অমা অমসুং বিকসিতি ভারত সংকল্প যাত্রাগী কান্নবা ফংলবী অমসুং অচা-অথক য়োনবগী থবক অমা তৌরিবী মেঘনানা প্রধান মন্ত্রীদা হায়খি মদুদি মুদ্রা য়োজনাদগী লুপা ৯০,০০০গী লোন অমা লৌদুনা কোল-লিক লৈবদা মহাক্কী মতেং পাংখি অমসুং মহাক্কী ললোন-ইতিক চাউখৎলকখি। মহাক্কী মচানুপাগীদমক মহাক্না ইজুকেসনেল লোন অমা লৌখি, হৌজিক ফ্রান্সতা লাইরিক তম্লি লোয়ননা মুদ্রা য়োজনা অমসুং শ্বানিধি য়োজনাগী মতেংদগী মহাক্কী অচা-অথক য়োনবগী থবক পাকথোক-চাউথোক্লে হায়না মহাক্না ফোঙদোকখি।
লোন লৌনবা থবক লাইথোকহনবগী মতাংদা প্রধান মন্ত্রীনা হংবদা মেঘানানা হায়খি এপ্লিকেসন পীশিনখিবা নুমিৎ ৮ গী মনুংদা মহাক্না লোন ফংখি অমসুং মহাক্না মতম চানা লোন শিংখি। শ্বানিধিগী মখাদা হান্নগী লোন মতম চানা শিংবদা শেন্দোইগী চাং হন্থবগী খুদোংচাবগী মতাংদা পল্লদুনা, স্কিমগী মখাদা মহাক মখা তানা লোন লৌনবা হোৎনদ্রবরা হায়না প্রধান মন্ত্রীনা হংখি। মহাক্না তুংদা লোন লৌনিংবা লৈরি হায়না মহাক্না ফোঙদোকখি অমসুং মহাক্কী ললোন-ইতিক অদুনা মীওই ২৫ থবক পীরি হায়না প্রধান মন্ত্রীদা পাউদমখি।
মহাক্না হায়খি পি.এম কাউন্সাল বিকাস য়োজনাগী মখাদা ফি তুবগী ত্রেনিং ফংদুনা নুপী ১০০ থবক পীরে অমসুং খুৎনা তুবা ফৈজুপ য়ু.এস.এ অমসুং কনাদাদা থাদোকখি। সরকারগী স্কিমশিং ফংহনবগীদমক মেঘানানা প্রধান মন্ত্রী থাগৎপা ফোঙদোকখি অমসুং কাংলুপ খুদিংমক্কী মীওইশিং স্কিমশিংগী কান্নবা লৌনবা মহাক্না তকশিনখি। প্রধান মন্ত্রীনা হায়খি মেঘনাগী মাইপাকপা অসি মহাক মশা খক্তগী ওইবা নত্তনা অতোপ্পা নুপীশিংগী মাইপাকপনি অমসুং অসিগুম্বা খাংবা কনবা নুপীশিং সরকারনা মতেং পাংলি।
****
(Release ID: 1987199)
Visitor Counter : 79
Read this release in:
English
,
Urdu
,
Hindi
,
Marathi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam