- પ્રધાનમંત્રી નરેન્દ્ર મોદી

(સ્વતંત્રતા દિવસનું સંબોધન, 2023)

જનજાતીય ગૌરવ દિવસના પાવન અવસર પર પ્રધાનમંત્રી નરેન્દ્ર મોદીએ ઝારખંડના ખૂંટીથી ભગવાન બિરસા મુંડાની જયંતીની ઉજવણીમાં વિકાસિત ભારત સંકલ્પ યાત્રા (વીબીએસવાય)નું ઉદ્ઘાટન કર્યું હતું. સરકારી કલ્યાણ કાર્યક્રમોને તળિયાના સ્તરે લાવવાની રાષ્ટ્રવ્યાપી પહેલ તરીકે જે શરૂ થયું હતું તેણે હવે એક નવીન વળાંક લીધો છે, જે કૃષિ અને આનુષંગિક પ્રવૃત્તિઓમાં ડ્રોન ટેકનોલોજીની પરિવર્તનશીલ શક્તિનું પ્રદર્શન કરે છે.

2.60 લાખથી વધુ ગ્રામ પંચાયતો અને 4,000થી વધુ શહેરી સ્થાનિક એકમોને આવરી લેતો વિશાળ આઉટરીચ કાર્યક્રમ વિકસિત ભારત સંકલ્પ યાત્રા પ્રગતિ અને સર્વસમાવેશકતાનું પ્રતીક બની ગયો છે.

જેમ જેમ યાત્રા વેગ પકડે છે, તેમ તેમ સ્પોટલાઇટની ચોરી કરતું એક નોંધપાત્ર પાસું એ છે કે કૃષિ લેન્ડસ્કેપમાં ડ્રોનનું સંકલન. આ પહેલનો ઉદ્દેશ ખેડૂતોને અત્યાધુનિક ટેકનોલોજી સાથે સશક્ત બનાવવાનો, તેમને ઉત્પાદકતા અને ટકાઉ પદ્ધતિઓ વધારવા માટેનાં સાધનો પ્રદાન કરવાનો છે.

ડ્રોન: શોના સ્ટાર્સ

લોકો આતુરતાથી વીબીએસવાય આઇઇસી વાન અને ડ્રોનના શોની રાહ જોતા હોય છે જે શોના સ્ટાર બની ગયા છે. સમગ્ર અભિયાન દરમિયાન જીવંત દેખાવો કરવામાં આવી રહ્યા છે ત્યારે ગુંજારવભર્યા અવાજ સાથેના ફ્લાઇંગ મશીનો પ્રેક્ષકોને, ખાસ કરીને ખેડૂતોને મંત્રમુગ્ધ કરી રહ્યા છે. આ નિદર્શનો કૃષિમાં ક્રાંતિ લાવવામાં ડ્રોનની સંભાવનાને દર્શાવે છે. ધ્યાન માત્ર કાર્યક્ષમતામાં વધારો કરવા પર જ નહીં, પરંતુ જાણકાર નિર્ણયો લેવા માટે જ્ઞાન અને સાધનોથી ખેડૂતોને સશક્ત બનાવવા પર પણ છે.

દેશના ખૂણેખૂણામાં ડ્રોન પ્રદર્શનોએ ખેડૂત સમુદાય, ખાસ કરીને મહિલા ખેડૂતોની ભારે પ્રશંસા મેળવી છે. કેરળથી હિમાચલ પ્રદેશ સુધી, ગુજરાતથી ત્રિપુરા સુધી, સંદેશ સ્પષ્ટ હતો - ડ્રોન કૃષિમાં સકારાત્મક પરિવર્તન માટે ઉત્પ્રેરક છે.

લાઇવ ડેમોન્સ્ટ્રેશનમાં ખાતરોના સંતુલિત ઉપયોગને દર્શાવવામાં આવ્યો છે, જેમાં વધારાના રાસાયણિક ખાતરોને ટાળવાના મહત્વ પર ભાર મૂકવામાં આવ્યો છે. ડ્રોનમાં નેનો યુરિયા, નેનો ડીએપી (ડાય-એમોનિયમ ફોસ્ફેટ) અને અન્ય સૂક્ષ્મ પોષકતત્ત્વોના ખાતરોનો છંટકાવ કરવામાં આવ્યો હતો, જે ટેકનોલોજી કૃષિમાં લાવે છે તે ચોકસાઇ અને કાર્યક્ષમતા દર્શાવે છે. ડ્રોન દ્વારા જંતુનાશક દવાના છંટકાવના જીવંત નિદર્શનથી અસરકારક જંતુ વ્યવસ્થાપનમાં આ તકનીકીની સંભાવનાને વધુ પ્રકાશિત કરવામાં આવી છે. પ્રવાહી ખાતરો અને જંતુનાશકોના હવાઈ છંટકાવનું જીવંત નિદર્શન એવી પદ્ધતિને પ્રોત્સાહન આપે છે જે મર્યાદિત સમયમર્યાદામાં વધુ પડતા ખાતરના ઉપયોગને નિયંત્રિત કરે છે.

નારી શક્તિ: ડ્રોનની સંભાવનાને મુક્ત કરવી

મહિલાઓની આગેવાની હેઠળનો વિકાસ સુનિશ્ચિત કરવાનો પ્રધાનમંત્રીનો સતત પ્રયાસ રહ્યો છે. આ દિશામાં વધુ એક પગલું ભરતાં પ્રધાનમંત્રીએ પ્રધાનમંત્રી મહિલા કિસાન ડ્રોન કેન્દ્રનો શુભારંભ કરાવ્યો હતો.

શ્રીમતી કોમલાપતિ વેંકટા રવનમ્મા આંધ્રપ્રદેશના પ્રકાશમ જિલ્લામાં એક સ્વ-સહાય જૂથના સભ્ય છે. તેમણે માત્ર 12 દિવસમાં જ કૃષિ હેતુઓ માટે ડ્રોન ઉડાડવાનું કૌશલ્ય પ્રાપ્ત કર્યું હતું અને 30 નવેમ્બરના રોજ વીડિયો કોન્ફરન્સિંગ મારફતે વડા પ્રધાન સાથે તેમના અનુભવો શેર કર્યા હતા.

જ્યારે પ્રધાનમંત્રીએ ગામડાંઓમાં કૃષિલક્ષી ઉદ્દેશો માટે ડ્રોનનો ઉપયોગ કરવાની અસરો વિશે પૂછપરછ કરી, ત્યારે તેમણે પુષ્ટિ કરી હતી કે, તેનાથી પાણી સાથે સંબંધિત પડકારોનું સમાધાન કરવામાં મદદ મળશે અને સાથે-સાથે સમયની કાર્યદક્ષતામાં પણ વધારો થશે.

પ્રધાનમંત્રીએ ભારપૂર્વક જણાવ્યું હતું કે, જે લોકો ભારતની નારી શક્તિ પર શંકા કરે છે, તેમના માટે શ્રીમતી વેંકટા જેવી મહિલાઓ ઉદાહરણરૂપ છે. તેમણે એમ પણ કહ્યું હતું કે, આગામી સમયમાં ખેતીમાં ડ્રોનનો ઉપયોગ મહિલાઓની આગેવાની હેઠળના વિકાસનું પ્રતિક બનશે. આ ઉપરાંત તેમણે વિકાસિત ભારત સંકલ્પ યાત્રામાં મહિલાઓની ભાગીદારીના મહત્વ પર ભાર મૂક્યો હતો.

YP/GP/JD