প্রধানমন্ত্রীগী লোইশঙ
আর্তিকল ৩৭০ মুত্থৎপগী মতাঙদা সুপ্রিম কোর্তকী য়াথং পুৱারী ওই: প্রধান মন্ত্রী
প্রধান মন্ত্রীনা জম্মু, কাস্মির অমদি লদাখকী খাঙবা কনবা মীয়ামগী মফমদা থাজবা পীখি
Posted On:
11 DEC 2023 12:48PM by PIB Imphal
প্রধান মন্ত্রী, শ্রী নরেন্দ্র মোদীনা আর্তিকল ৩৭০ মুত্থৎপগী মতাঙদা সুপ্রিম কোর্তনা তাখিবা য়াথং অসি পুৱারী ওই অমদি ভারতকী পার্লিয়ামেন্তনা ওগস্ত ৫, ২০১৯দা লৌখিবা ফিরেপ্পু সংবিধানগী মতুং ইন্না শৌগৎপনি হায়খ্রে।
ৱায়েলশঙনা, মাগী তশেংবা ৱাখল লৌশিং শীজিন্নদুনা, ঐখোয়না ভারত মচাশিং ওইনা পুম্নমক্তগী হেন্না লুনা চেৎনা থাগোন্নদুনা থমজবা অমত্তা ওইবা হায়বগী ৱাখল্লোনবু হেন্না চেৎশিনহল্লে হায়বা ৱাফমসু শ্রী মোদীনা ফোঙদোকখি।
প্রধান মন্ত্রীনা X তা থাগৎলকখি;
“ঙসিগী, আর্তিকল ৩৭০ মুত্থৎপগী মতাঙদা সুপ্রিম কোর্তনা তাখিবা য়াথং অসি পুৱারী ওই অমদি ভারতকী পার্লিয়ামেন্তনা ওগস্ত ৫, ২০১৯দা লৌখিবা ফিরেপ্পু সংবিধানগী মতুং ইন্না শৌগৎপনি; মসি জম্মু, কাস্মির অমদি লদাখগী ঐখোয়গী ইচে ইচল, ইচিল ইনাওশিংগী মঙলান, চাওখৎপা অমদি অমত্তা ওইবগী অচৌবা ৱাফম অমনি। ৱায়েলশঙনা, মাগী তশেংবা ৱাখল লৌশিং শীজিন্নদুনা, ঐখোয়না ভারত মচাশিং ওইনা পুম্নমক্তগী হেন্না লুনা চেৎনা থাগোন্নদুনা থমজবা অমত্তা ওইবা হায়বগী ৱাখল্লোনবু হেন্না চেৎশিনহল্লে।
ঐনা জম্মু, কাস্মির অমদি লদাখকী খাঙবা কল্লবা মীয়ামগী মফমদা থাজবা পীজরি মদুদি অদোমগী মঙলানশিং মঙফাওনহন্নবগী ঐখোয়গী খোঙফম লেঙদনা লৈরি। চাওখৎপগী মহৈ অদোমগী মফমদা য়ৌহনবতা নত্তনা মদুগী কান্নবশিংসু খ্বায়দগী খুদোংচাদ্রবা অমদি আর্তিকল ৩৭০না মরম ওইরগা চাকথুং ফিথুংদ্রবা খুন্নাইগী কাঙলুপ্তসু য়ৌহন্নবা ঐখোয়না চেৎনা লেপ্লি।
ঙসিগী য়াথং অসি শুপ্নতগী আইনগী ৱায়েল অমখক নত্তে; মসি মঙলানশিংগী লমজিং মৈরা অমনি, হেন্না তরং তরংবা তুংলমচৎ অমগী ৱাশক্নি অমদি হেন্না কনবা, হেন্না লিংজেল মান্নবা ভারত অমা শেম্নবগী ঐখোয় পুম্বগী ফিরেপকী খুদম চাংদম অমনি। #NayaJammuKashmir”
***
(Release ID: 1985177)
Visitor Counter : 80
Read this release in:
Telugu
,
Tamil
,
Kannada
,
Bengali
,
Assamese
,
English
,
Urdu
,
Hindi
,
Marathi
,
Punjabi
,
Gujarati
,
Odia
,
Malayalam