প্রধানমন্ত্রীগী লোইশঙ
ইং 2047 ফাওবদা বিকশিৎ ভারত ওইবগী পাউজেলনা অরুনাচলগী খুঙ্গংশিংদা নিল্লরে
পি.এম.না অরুনাচল প্রদেশকী নামসাইগী বেনিফিশরীশিংগা ৱারী শাখ্রে
Posted On:
30 NOV 2023 1:26PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা বিকশিৎ ভারত সঙ্কল্প য়াত্রাগী বেনিফিশরীশিংগা ৱারী শাখ্রে। মহাক্না প্রধান মন্ত্রী মহিলা কিসান দ্রোন কেন্দ্রসু হৌদোকখ্রে। থৌরম মনুংদা, প্রধান মন্ত্রীনা 10,000শুবা জন ঔশধী কেন্দ্রবু এমসকী দেওঘরদা মীয়ামদা খুৎশিন্নখ্রে। মখা তারকপদা, শ্রী মোদীনা লৈবাক্কী জন ঔশধী কেন্দ্র মশিংনা 10,000দগী 25,000 ফাওবা হেনগৎহন্নবা প্রোগ্রাম অমসু হৌদোকখি। নুপী SHGশিংদা দ্রোন পীথবা অমসুং জন ঔশধী কেন্দ্র মশিংবু 10,000দগী 25,000 ফাওবা হেনগৎহনবগী খোঙথাং অনিমক প্রধান মন্ত্রীনা চহিসিগী মতম খরগী মমাংদা, মহাক্কী নিংতম্বা নুমিৎকী লৈবাক মীয়ামদা থম্বা ৱারোলদা লাউথোকখিবনি। থৌরম অসিনা মহাক্কী ৱাশক মপুং ফাহল্লে হায়না পাউদম্লি।
অরুনাচল প্রদেশকী নামসাইদা লৈবা শ্রী লকার পালেংনা প্রধান মন্ত্রীদা মহাক্না সরকারগী তেংবাংদগী শাখিবা মহাক্কী পক্ক য়ুমগী মতাংদা পাউদমখি। জল জীবন মিসন্না পুন্সিদা পুরকখিবা অহোংবশিংগী মতাংদসু মহাক্না পাউদমখি।
শ্রী লকারনা প্রধান মন্ত্রীদা ‘জয় হিন্দ’ পল্লদুনা ইকায় খুম্ননা কৌখিবদা, প্রধান মন্ত্রীনা পাউখুম পীরদুনা অরুনাচলদা জয় হিন্দ অসি মীয়াম্না অতোপ্পা মীওই অমবু কৌবা মতমদা য়াম্না পাম্না শিজিন্নৈ অমসুং অরুনাচলগী মীয়ামগা ৱারী শাবদা মতম পুম্বদা নুংঙাইবা ফাওই হায়খি।
শ্রী লকারদা মহাক্কী গ্রাম পঞ্চায়তনা বিকশিৎ ভারত সঙ্কল্প য়াত্রাগী মতাংদা পাউদমখি অমসুং ভারতপু ইং 2047 ফাওবদা চাউখৎপা লৈবাক অমা ওইহনবগী পাউজেলবু মহাক্না ময়েক শেংনা খঙখি। প্রধান মন্ত্রীনা খুঙ্গংগী মীওইশিংনা তীম 5 শেমদুনা VBSYগী “মোদী কী গেরেন্তী” গারী অসি লাক্লগনি হায়না খুঙ্গং মঙাদা চত্তুনা পাউদমসি হায়খি।
***
(Release ID: 1981113)
Visitor Counter : 88
Read this release in:
Marathi
,
Gujarati
,
Kannada
,
Malayalam
,
Tamil
,
Assamese
,
Bengali
,
English
,
Urdu
,
Hindi
,
Punjabi
,
Odia
,
Odia
,
Telugu