☆ নরেন্দ্র মোদী

ঙসি অসি ভারতনা জি২০ প্রেজিদেন্সী পাইরকপগী নুমিৎ ৩৬৫ নি শুবা নুমিৎনি। মসি 'ভাসুধৈভা কুতুম্বকমগী ইনোৎ, 'মালেম অমা, ইমুং অমা, তুংলমচৎ অমা' গী ৱাখল্লোন অদুবু অমুক হন্না য়েংবা, নৌনা লেপ্পা অমসুং নৌথোকহনবগী মীকুপ অমনি।

ঐখোয়না হৌখিবা চহিদা থৌদাং অসি লৌখিবনা, মালেমগী শক্তমদা মখল কয়াগী অওনবশিং পুরকখ্রেঃ কোভিদ-১৯ লাইচত্তগী ফগৎলকপা, অইং অশাগী অহোংবশিংনা পীরিবা শীংনবা, শেল থুমগী ফীবম চাদবা, অমসুং চাউখৎলক্লিবা লৈবাকশিংদা শেল তোনবদগী ৱাবা, খুদিংমকশিং অসি মরাই চাইথরক্লিবা মলতিলেতরেলিজমগী মনুংদা থোক্লি। খৎন-চৈনবা অমসুং অথোই অহেন তান্নবা কয়া অসিগী মরক্তা, দিবেলপমেন্ত কোওপরেসনশিংনা খুমাং চাউশিনবা ঙমদনা, অৱাবা মায়োক্নরি।

জি২০ গী চেয়র পাইরবা মতুংদা, ভারতনা মালেমদা GDP-সেন্ত্রিক্তগী হ্যুমেন-সেন্ত্রিক ওইবা চাউখৎপা মায়কৈদা পুরক্নবা স্তেতস কুওদা অওনবা অমা পীখি। ভারতনা মালেম অসিদা ঐখোয় খুদিংমকপু তোখায়না খায়দোকপগী মহুত্তা, করিনা পুনশিন্দুনা থম্বগে হায়বসি খঙহন্নবা পান্দম থমখি। অরোইবদা, মালেম পুম্বা ৱারী ৱাতাই শান্নবা হৌবা তাই - মশিং য়ামদবা খরা খক্কী অপাম্বা অদুনা মশিং য়াম্লবা কয়াগী পুক্নিং থৌগৎনিঙাই ওইরি। ঐখোয়না খঙখিবগুম্না মসিদা য়াম্না মরু ওইবা অওনবা অমা পুরকপা তঙাইফদে।

পুম্নমকপু কোনশিনবা, মীৎয়েং চাউনা য়েংবা, থবক্তা মাই ওনশিনবা অমসুং ৱারেপ লৌবা– হায়রিবা ৱাহৈ মরি অসিনা জি২০ গী প্রেসিদেন্ত ওইনা ঐখোয়না চংশিল্লিবা অদুবু ময়েক শেংনা তাক্লি, অমসুং জি২০ গী মেম্বর খুদিংমক্না অমত্তা ওইনা য়াখিবা, ন্যু দিল্লী লিদর্স দিক্লেরেসন (NDLD), অসি ঐখোয়গী প্রিন্সিপলশিং অসিদা পীরিবা ৱারেপ অদুগী খুদম্নি।

পুম্নমকপু কোনশিনবা হায়বসি ঐখোয়গী প্রেজিদেন্সী অসিগী মরুনি। অফ্রিকান য়ুনিয়ন (AU) বু জি২০ গী পর্মানেন্ত মেম্বর অমা ওইনা য়াওহনখিবা অসিনা ফোরম অসিদা অফ্রিকাগী লৈবাক ৫৫ পুনশিনহল্লে, মসিনা মালেমগী মীশিংগী ৮০% শরুক য়াহল্লে। মসিগী হৈশিংলবা ফিরেপ অসিনা মালেমগী শিংনরকপশিং অমসুং খুদোংচাবশিংদা হেন্না মপুং ফাবা দাইলোগ অমা পীরে।

অহানবা ওইনা হৌদোকখিবা 'ভোইস ওব দি গ্লোবেল সাউথ সম্মিৎ' অসি ভারতনা তাংকক অনি থোক্না কৌখি, মসিদা মলতিলেতরেলিজমগী য়াওল অমা লাউথোকখি। ভারতনা মালেমগী খন্না নৈনবদা গ্লোবেল সাউথকী খুদোংচাদবশিং উৎখি অমসুং গ্লোবেল নেরেতিব শেম্বদা চাউখৎলক্লিবা লৈবাকশিংনা মখোয়গী ফংফম থোকপা মফম কনবা মতম অমা য়ৌখ্রে।

পুম্নমকপু কোনশিনবা হায়বসিনা ভারতকী লমদম অসিদা য়েংবা মীৎয়েংবু জি২০ দা পুশিল্লক্তুনা মালেমগী খ্বাইদগী চাউবা দেমোক্রেসী ওইরিবা অসিগা চুনবা মীয়ামগী প্রেজিদেন্সী অমা ওইহল্লি। "জন ভাগিদারী" (মীয়াম্না শরুক য়াবা) থৌরমশিংগী খুথাংদা, জি২০ না রাজ্য অমসুং য়ুনিয়ন তেরিতোরী খুদিংমক্না পার্তনরশিং ওইনা শরুক য়াদুনা, মীওই ১.৪ বিল্লিয়ন য়ৌরে। অমসুং তঙাই ফদবা মচল ওইনা, ভারতনা মালেমগী এতেন্সন অসি, জি২০ গী মেন্দেৎকা চান্ননা, হেন্না পাক চাউবা চাউখৎপগী পান্দমশিংদা মাই ওলহনলগনি হায়বগী থাজবা পীখি।

২০৩০ এজেন্দাগী য়াম্না লুরবা মায়াই থংবা শরুক্তা, হকশেল, মহৈ মশিং, জেন্দর ইক্বেলিতী অমসুং ইনভাইরোন্মেন্তেল সস্তেনেবিলিতী য়াওনা অমগা-অমগা মরি লৈনবা হীরমশিংদা ক্রোস-কত্তিং, এক্সন-ওরিএন্তেদ ওইবা খোঙথাং অমা লৌদুনা, ভারতনা সস্তেনেবল দিবেলপমেন্ত গোল্স  (SDGs) তা খোঙজেল য়াংনা চাউখৎননবা জি২০ এক্সন প্লান পীখ্রে।

খোংজেল য়াংনা চাউখৎলক্লিবা অসিগী মরু ওইবা মরম অমদি মরাং কাইরবা দিজিতেল পব্লিক ইনফ্রাস্ত্রকচর  (DPI) অসিনি। মতাং অসিদা, আধার, UPI, অমসুং দিজিলোকর ফর্স্ত-হেন্দগুম্লবা দিজিতেল ইন্নোবেসনশিং অসিগী অওনবা পুরকপগী শাফু অসিবু উরুবদগী, ভারত অসি মহাক্কী রিকম্মেন্দেসন্দা দিসাইসিব ওইরে। জি২০ গী খুথাংদগী, ঐখোয়না মালেমগী তেক্নোলোজিকেল কোলাবোরেসন্দা অচৌবা খোঙথাং অমা ওইরিবা, দিজিতেল পব্লিক ইনফ্রাস্ত্রকচর রিপোজিতরী অসি মাই পাক্না মপুং ফাখি। লৈবাক ১৬ তগী DPIs ৫০ হেন্না য়াওবা, রিপোজিতরী অসিনা, গ্লোবেল সাউথ শেম্বদা, লৌখৎপদা অমসুং ইনক্লুসিব গ্রোথকী পৱার হাংদোক্নবা DPI স্কেল তৌবদা মতেং পাংলগনি।

ঐখোয়গী মালেম অমা হায়রিবা অসিগীদমক্তা, ঐখোয়না এম্বিসিয়স অমসুং ইনক্লুসিব পান্দমশিং অসি য়াম্না থুবা, কুইনা চৎপা, অমসুং ইক্বিতেবল ওইবা অহোংবা শেম্ননবা হৌদোকখিবনি। 'গ্রীন দিবেলপমেন্ত পেক্ত' লাউথোকপা অসিনা চাবা ফংদবগা লান্থেংনবা অমসুং প্লানেৎ অসিবু ঙাকশেনবা অনিগী মরক্তা খনবগী অৱাবশিং অদু হায়রি, ইমপ্লোইমেন্ত অমসুং ইকোসীস্তেম অসি কমপ্লিমেন্তরী ওইরি, শীজিন্নবা মতমদা অকোইবগী ফিবম য়েংলি, অমসুং পুথোকপদা মালেম অসিগা চুন্নবা মওংদা পুথোক্লি। অতোপ্পা কয়াগী মরক্তা, জি২০ দিক্লারেসন্না মালেমগী নৌনা শীজিন্নবা য়াবা এনর্জী কেপাসিতী অসি ২০৩০ ফাওবদা শরুক অহুম থোক্না হেনগৎনবা হোৎনরি। গ্লোবেল বাইওফ্যুল এলাইএন্স লিংখৎপা অমসুং গ্রীন হায়দ্রোজেন হেন্না মপুং ফানবা হোৎনরিবা অসিদা, জি২০গী মীৎয়েং চাউরবা হেন্না লু নানবা, হেন্না শংবা মালেম অমা ওইনবা হোৎনরিবা অসি নাথৈবা য়ারোই। মসিনা মতম চুপ্পদা ভারতকী ৱাখল্লোন ওইদুনা লাক্লি অমসুং লাইফস্তাইল ফোর সস্তেনেবল দিবেলপমেন্ত (LiFE)কী খুত্থাংদগী, মালেম অসিনা ঐখোয়গী চহি কয়াগী মমাংদগী লৈরক্লবা চৎনবী অসিদগী কান্নবা ফংবা ঙমগনি।

মখা তানা, দিক্লারেসন অসিনা ঐখোয়গী ক্লাইমেত জস্তিস অমসুং ইক্বিতী ফংনবা লেপ্লিবা অসিবুসু হেন্না লুমশিলহল্লি, গ্লোবেল নোর্থতগী মতীক চাবা শেলথুমগী অমসুং তেক্নোলোজীগী মতেং ফংনবা হোৎনরি। ইহান হানবা ওইনা, দিবেলপমেন্ত ফাইনান্সিংগী পাক চাউবদা অচৌবা অহোংবা অমা পুরক্তুনা বিলিয়ন্দগী ত্রিলিয়ন দোল্লরদা চঙলকপবু শকখঙনখি। জি২০না চাউখৎলক্লিবা লৈবাকশিংনা নেসনেল্লি দিতর্মিন্দ কন্ত্রিব্যুসন (NDC) ২০৩০ ফাওবদা ফংনবা ত্রিলিয়ন $ ৫.৯ তঙাইফদবা লৈ হায়বসি খঙখি।

চাউনা চঙলিবা রিসোর্সশিং অসিবু খঙলদুনা জি২০না হেন্না ফবা, হেন্না চাউবা, অমসুং হেন্না কান্নবা ফংবা মলতিলেতরেল দিবেলপমেন্ত বেঙ্কশিংগী মরুওইবদা পুক্নিং চিংশিনখি। হৌজিক্কী ওইনা, ভারতনা UN রিফোর্মদা মকোক থোংবা থৌদাং য়ারি, মরুওইনা UN সেক্যুরিতী কাউন্সিলগুম্বা মরুওইবা কয়াৎপু নৌনা শেমদোক শাদোক্নবা হোৎনরি, মসিনা হেন্না ফবা মালেমগী ওর্দর অমা ওইহনবা ঙমগনি।

জেন্দর ইক্বেলিতীনা দিক্লারেসন অসিদা মরুওইবা মফম অমা কনখি, মসিনা নুপীশিংবু শক্তি পীনবগীদমক মথং চহিদগী হৌদুনা অখন্নবা ৱার্কিং গ্রুপ অমা শেম্নবা হোৎনরি। ভারতকী পার্লিয়ামেন্ত অমসুং রাজ্যগী এসেম্বলী সিত্তা শরুক অহুম থোকপগী অমা কল্লিবা নুপীগী রিজর্বেসন বিল ২০২৩না নুপীনা লুচিংবা চাউখৎপা পুরক্নবা ঐখোয়না লেপ্লিবা ফিরেপ অসিবু হেন্না মগুন হাপ্লি।

ন্যু দিল্লী দিক্লারেসন অসিনা অসিগুম্বা মরুওইবা মফমশিং অসিদা পুন্না থবক তৌমিন্নবা অনৌবা ইনোৎ অমা পুরক্লি, মসিনা পোলিসী অমত্তা ওইনা পুনশিনবা, থাজবা য়াবা লল্লোন ইতীক, অমসুং অচৌবা অইং অশাগী থবকশিংদা মীৎয়েং থম্লি। ঐখোয়গী প্রেজিদেন্সীগী মনুংদা, জি২০না ফল ৮৭ পুরকপা ঙমখ্রে অমসুং দোক্যুমেন্ত ১১৮ লৌখৎতুনা হৌখিবশিংদগী মশক থোক্না ফগৎপা ঙম্লিবা অসি য়াম্না চাউথোকচনিংঙাই ওইবা অমনি।

ঐখোয়গী জি২০ প্রেজিদেন্সীগী মনুংদা, ভারতনা জিওপোলিতিকেল ইস্যুশিং অমসুং মখোয়না শেলথুম ফগৎহনবা অমসুং চাউখৎপা পুরকপদা পীরিবা শাফুগী মতাংদা খন্ননবা হোৎনখি। হিংশাগী থবকশিং অমসুং মরম চাদনা মীচম প্রজাশিং হাৎপা তুপ্পগী থবকশিং অসি য়ানিংঙাই ওইদে অমসুং ঐখোয়না মসিবু জিরো-তোলরেন্সকী থৌশিলগা লোইননা থেংনগদবনি। ঐখোয়না হিংশাগী মহুত্তা মীওইবগী মীনুংশি চেন্নবা অমসুং য়ুগ অসি লানগী য়ুগ নত্তে হায়বসি চেৎনা কোনশিনগদবনি।

ঐখোয়গী প্রেজিদেন্সীগী মনুংদা ভারতনা অমুক্তা উখিদ্রিবা কয়া অমা পুরকপা ঙমখিবসি য়াম্না হরাউবা পোকচৈঃ মসিনা মফম খুদিংমক্তা মলতিলেতরেলিজম্বু হেন্না মপাঙ্গল কলহল্লি, গ্লোবেল সাউথকী খোঞ্জেল হৌহল্লি, চাউখৎপা পুরকপা ঙম্মি অমসুং নুপীশিংগী শক্তি হেন্না পীনবা লান্থেংনহল্লি।

ঐখোয়না জি২০ প্রেজিদেন্সীবু ব্রাজিলদা শিন্নখিবা মতমদা, ঐখোয়গী অপুনবা মীয়ামগী ওইবা, মালেম অসিগী, শান্তিগী অমসুং চাউখৎপগী খোঙথাংশিং অসি লাক্কদবা চহিশিংদা নিন্দুনা লৈগনি হায়বগী থাজবা অমগা লোইননা শিন্নখি।

***************