পুৱারী ওইবা থৌদোক অমদা, ভারত সরকার অমসুং মনিপুর সরকারগা মনিপুরগী খ্বাইদগী লিরবা তম্পাক্তা য়ুম্ফম ওইবা খুৎলায় পাইবা কঙালুপ, য়ুনাইতেদ নেসনেল লিবরেসন ফ্রন্ত (UNLF)কা ঙসি নই দিল্লীদা শান্তীগী য়ানচে অমগী খুৎয়েক পীনখ্রে। UNLF অসি ইং 1964দা শেমখিবনি অমসুং মখোয়না ভারতকী মনুং অমসুং মপানগী লমদমদা থবক তৌদুনা লাক্লি। য়ানবা পুরক্লিবা অসিনা অৱাং-নোংপোক্তা মহৌশাগী ওইনা অমসুং মনিপুরদনা অখন্ননা, শান্তিগী য়ুগ অমা পুরক্নবা শেম শারে।

কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা পুৱারী ওইরবা মায় পাকপা অমা ফংখ্রে হায়খ্রে। গৃহ মন্ত্রীগী ‘X’কী পোস্ত অমদা, মসিদি প্রধান মন্ত্রী শ্রী নরেন্দ্র মোদীজীগী ওল-ইনক্লুসিব দিভেলপমেন্ত অমসুং অৱাং নোংপোক ভারতকী নহাশিংদা হেন্না ফবা তুংগী মতম অমা পীবা হায়বা মঙলান মঙফাওনহনবদা তেংবাংগদবা মশক থোকপা খোঙথাং অমা ওইরগনি হায়খ্রে। গৃহ মন্ত্রীনা UNLFকী গনতন্ত্রগী থৌওং অসিবু তরাম্ন ওক্লদুনা মখোয়গী শান্তি অমসুং চাউখৎ থৌরাংগী অনৌবা খোঙচৎ অসিদা মায় পাকপা ওইসনু হায়খ্রে।

প্রধান মন্ত্রী, শ্রী নরেন্দ্র মোদীগী মঙলানগী মখা পোন্না অমসুং কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহগী লুচিং মখাদা ভারত সরকারনা মিলিতেন্সী লোইশিন্নবা অমসুং চাউখৎ থৌরাং খুমাং চাউশিলহন্নবা ইং 2014দগী হৌদুনা অৱাং নোংপোক্কী খুৎলায় পায়বা কাঙলুপ কয়াগা য়ানচে কয়াগী খুৎয়েক পীনদুনা লাক্লি।

ভারত সরকারনা চয়েৎনবা কয়া লোইশিন্নবা পায়খৎখিবা খোঙথাংগী মখা পোন্না, অৱাং নোংপোক্কী তোঙান-তোঙানবা এথনিক আর্ম্দ গ্রুপ কয়াগা রাজনীতিগী ওইবা য়ানবা কয়া মমাংদা পুরকখ্রবসু, মনিপুরগী তম্পাক্কী খুৎলায় পায়বা কাঙলুপ্না ভাইওলেন্স থাদোক্তুনা ভারতকী সংবিধান অমসুং লৈবাক্কী আইন ইনবা হায়বসিদা য়াদুনা মীয়ামগী পুন্সি মহিংদা হল্লকখিবা অসিদি হন্দক্কী অসিনি খ্বাইদগী অহানবনি। য়ানবা পুরক্লিবা অসিনা UNLF অমসুং সেক্যুরিতী ফোর্সকী মরক্তা লৈনরিবা য়েংথীনবা লৈবদগী চহি য়াংখৈ মতমদা নাকল অনিমক্কী মমল য়াম্লবা পুন্সি কয়া মাঙদুনা লাক্লিবা অসিবু লোইহনবতা নত্তনা খুন্নাই অসিনা মতম শাংনা থেংনদুনা লাক্লিবা শিংনবা কয়াদা মিৎয়েং চঙবগী খুদোংচাবসু পীরগনি। UNLFনা মীচম মীয়ামগী পুন্সিদা হল্লকপা অসিনা তম্পাক্কী খুৎলায় পায়বা অতোপ্পা কঙলুপকী মফমদসু শান্তিগী থৌওংশিংদা শরুক য়াহন্নীংনবা পুক্নিং থৌগৎকনি হায়বগী থাজবসু থম্নরি। য়ানবা পুরকখ্রবা গ্রাউন্দ রুলশিংবু য়েংশিন্নবগীদমক্তা পীস মোনিতরিং কম্মিত্তী (PMC) অমসু শেমখ্রে। মসিগুম্বা চাউখৎ থৌরাংগী থৌওং অসিনা রাজ্যসিদা তংদু লৈতাবা মতম অমসুং শান্তি অমুক হন্না পুরক্নবা মশক থোকপা খোঙথাং অমা ওইবসু য়াই।

য়ানচে অসি কেন্দ্রগী হোম এফিয়র্স মন্ত্রালয়গী সেনিয়র ওফিসিএল অমসুং মনিওউর সরকার অমদি য়ুনাইতেদ নেস্নেল লিবরেসন ফ্রন্তকী মীহুতশিংদা নই দিল্লীদা খুৎয়েক পীনখিবনি।

***