Ka Tnat Kam Pohiing jong ka Sorkar Pdeng
Iasoi ka Sorkar India bad ka Sorkar Manipur ia ka Soskular iasuk bad ka United National Liberation Front (UNLF), ka kynhun kieng atiar kaba rim duh ha ki thain ri – thor jong ka Manipur ha New Delhi
Kane ka jingiakut kan iarap ia ka jingwanrah ia ka juk jong ka jingiasuk kaba thymmai ha ka thain shatei lammihngi bad khamtam ha Manipur
U Myntri Sorkar Pdeng ba dei khmih ia ki tnat Kam Pohiing bad Cooperation, u Amit Shah u la ong ba kane ka dei ka jingjop kaba khraw kaba pynurlong ia ka jingthmu jong u Myntri Rangbah Duh, u Narendra Modi ba kan don ka roi ka par kaba ryntih bad ruh ka lawei kaba kham bha ia ki samla jong ka thain shatei lammihngi
Pdiang u Myntri ka tnat Kam Pohiing ia ka UNLF sha ka synshar paidbah bad u la kitbok kitrwiang ia ki ha ka jingiaid lynti jong ki ha ka jingiasuk bad ka roi ka par
Katkum ka jingthmu jong u Myntri Rangbah Duh, u Narendra Modi bad hapoh ka jingialam jong u Myntri ka tnat Kam Pohiing u Amit Shah, ka Sorkar India ka la soi ia ki jingiateh soskular bad ki seng kieng atiar na ka thain shatei lammihngi naduh u snem 2014 ban pynkut ia ki kam lehnoh bad ban kyntiew ia ka roi ka par
Kane ka dei ka sien kaba nyngkong ba ka kynhun kie
Posted On:
29 NOV 2023 5:47PM by PIB Shillong
Ka Sorkar India bad ka Sorkar Manipur ka la soi ia ka Soskular iasuk bad ka United National Liberation Front (UNLF), ka kynhun kieng atiar kaba rim duh ha ki thain ri – thor jong ka Manipur ha New Delhi mynta ka sngi. Ia ka UNLF la sdang ha u snem 1964 bad ka la treikam hapoh bad shabar ka ri India. Kane ka jingiateh soskular kan iarap ia ka jingwanrah ia ka juk jong ka jingiasuk kaba thymmai ha ka thain shatei lammihngi bad khamtam ha Manipur.
U Myntri Sorkar Pdeng ba dei khmih ia ki tnat Kam Pohiing bad Cooperation, u Amit Shah u la ong ba kane ka long u mawmer ba kyrpang ha ka histori. Ha ki post jong u ha ka ‘X’, u Myntri ka tnat Kam PohiIing u la ong ba kane ka jingjop kaba khraw kaba pynurlong ia ka jingthmu jong u Myntri Rangbah Duh, u Narendra Modi ba kan don ka roi ka par kaba ryntih bad ruh ka lawei kaba kham bha ia ki samla jong ka thain shatei lammihngi. U Mynti u la ong ba u pdiang ia ka UNLF sha ka synshar paidbah bad u la kitbok kitrwiang ia ki ha ka jingiaid lynti jong ki ha ka jingiasuk bad ka roi ka par.
Katkum ka jingthmu jong u Myntri Rangbah Duh, u Narendra Modi bad hapoh ka jingialam jong u Myntri ka tnat Kam Pohiing u Amit Shah, ka Sorkar India ka la soi ia ki jingiateh soskular bad ki seng kieng atiar na ka thain shatei lammihngi naduh u snem 2014 ban pynkut ia ki kam lehnoh bad ban kyntiew ia ka roi ka par.
Katba ki la don ki jingpynbeit bad katto katne ki kynhun kieng atiar na ka tnain shatei lammihngi kum shi bynta ka jingwanrah ia ka jingiasuk da ka Sorkar India ha ki por ba la dep, kane ka dei ka sien kaba nyngkong ba ka kynhun kieng atiar na ka ri thor jong ka Manipur ka la rung biang ha ka imlang sahlang da kaba kyntait ia ka jingiaumsnam bad da kaba pdiang ban bat ia ka Riti Synshar jong ka India bad ki ain jong ka ri. Kane ka jingiateh soskular kan pynkut ia ki jingia umsnam hadpeng ka UNLF bad ki kynhun pahara ha kaba kiba bun ki la duh ia ka jingim ha palat sanphew snem bad ka plié lad ruh ban pynbeit ia ki jingkhuslai jong ka imlang sahlang. Yn sdang ia ka Peace Monitoring Committee (PMC) ka ban peit ia ka jingpyntreikam ia baroh ki kyndon ba la iakut. Kane kan long shisha ka sienjam kaba heh ha ka jingwanrah ia ka jingiasuk ha kane ka Jylla.
Ia kane ka jingiateh soskular la iasoi ha New Delhi da ki ophisar ka tnat Kam Pohiing jong ka Sorkar Pdeng bad ka Sorkar Manipur bad ruh ki nongmihkhmat na ka United National Liberation Front.
*****
(Release ID: 1980926)
Visitor Counter : 64