প্রধান মন্ত্রী, শ্রী নরেন্দ্র মোদীনা নবেম্বর 30গী অয়ুক্কী পুং 10.00 তাবা মতমদা বিকশিৎ ভারত সঙ্কল্প য়াত্রাগী বেনিফিশরীশিংগা ভিদিও কনফরেন্সিংগী খুত্থাংদা ৱারী শাগনি। বিকশিৎ ভারত সঙ্কল্প য়াত্রা অসিদি সরকারগী স্কিম খুদিংগী কান্নবশিংবু পান্দম ওইরিবা বেনিফিশরীশিংগী মফমদা অকক্নবা মতমগী মনুংদা শোইদনা য়ৌহন্নবা হোৎনদুনা সরকারগী গ্লেগশিপ স্কিম খুদিংবু চাদা চাম্মা সেচ্যুরেসন তৌহন্নবগীদমক্তা লৈবাক শিনবা থুংনা পায়খৎপা খোঙথাং অমনি।

নুপীশিংনা লমজিংদুনা চাউখৎ থৌরাং পুরকহন্নবা প্রধান মন্ত্রীনা লেপ্তনা হোৎনদুনা লাক্লি। মাইকৈ অসিদা থাংজিনবা অতোপ্পা খোঙথাং অমা ওইনা, প্রধান মন্ত্রীনা প্রধান মন্ত্রী মহিলা কিসান দ্রোন কেন্দ্র হৌদোকখ্রে। মসিনা নুপী সেল্ফ হেল্প গ্রুপ (SHG)শিংদা দ্রোন পীদুনা তেক্নোলোজী অসিনা মখোয়গী নোংমগী পুন্সি মহিং তানবদা তেংবাংহনগনি। মথংগী চহি অহুমগী মনুংদা, নুপী সেল্ফ হেল্প গ্রুপ (SHG)শিংদা দ্রোন 15,000 পীগনি। দ্রোনশিংবু করম্না পায়গনি অমসুং শিজিন্নগনি হায়বগী মতাংদা নুপীশিং অসিদা তঙাই ফদবা ত্রেনিংসু পীগনি। খোঙথাং অসিনা লৌউ-শিংউবদা দ্রোন শিজিন্নবগী থৌওংবু পুক্নিং থৌগৎকনি।

হেল্থকেয়রগী মমল হোংথহন্দুনা মীপুম খুদিংদা লাইনা য়ৌহন্নবা হোৎনবসিনা প্রধান মন্ত্রীগী হকশেল ফবা ভারত অমগী মঙলানগী মরু ওইবা য়ুম্বী ওইদুনা লাক্লি। মাইকৈ অসিদা পায়খৎপা মরু ওইবা খোঙথাং অমদি হিদাক-লাংথকশিংবু অহোঙবা মমলদা ফংহন্নবগীদমক্তা জন ঔশধী কেন্দ্র লিংখৎখিবনা ওইরি। প্রধান মন্ত্রীনা থৌরম অসিগী মনুংদা 10,000শুবা জন ঔশধী কেন্দ্র অসিবু দেওঘরগী এমসতা লৈবাক মীয়ামদা খুৎশিন্নগনি। মখা তারকপদা, প্রধান মন্ত্রীনা লৈবাক্কী জন ঔশধী কেন্দ্র মশিংবু 10,000দগী 25,000দা হেনগৎহন্নবা প্রোগ্রাম অমসু হৌদোক্কনি।

নুপী SHGশিংদা দ্রোন পীথবা অমসুং জন ঔশধী কেন্দ্র মশিংবু 10,000দগী 25,000 ফাওবা হেনগৎহনবগী খোঙথাং অনিমক প্রধান মন্ত্রীনা চহিসিগী মতম খরগী মমাংদা, মহাক্কী নিংতম্বা নুমিৎকী লৈবাক মীয়ামদা থম্বা ৱারোলদা লাউথোকখিবনি। থৌরম অসিনা মহাক্কী ৱাশক মপুং ফাহল্লে হায়না পাউদম্লি।

***