وزیراعظم کا دفتر

بچاؤ کارروائیوں کی کامیابی ہر شخص کے لیے ایک جذباتی لمحہ ہے: وزیراعظم


وزیراعظم نے اُترکاشی سرنگ میں بچاؤ کارروائیوں سے جڑے ہوئے تمام لوگوں کے جذبے کو سلام کیا

بچاؤ کارروائیوں کی کامیابی ہر شخص کے اندر جذبات اُبھار رہی ہے:وزیراعظم

وزیراعظم نے بحفاظت نکالے گئے افراد کی ہمت اور قوت برداشت کااعتراف کیا

مزدور بھائیوں کے لیے اچھی صحت کی دعا کی

Posted On: 28 NOV 2023 11:50PM by PIB Delhi

وزیراعظم جناب نریندر مودی نے اُتر کاشی سرنگ کے حادثے سے جڑی بچاؤ کارروائیوں میں حصہ لینے والے تمام افراد کے جذبے کو سلام کیا ہے۔

جناب مودی نے کہاکہ  اُترکاشی سرنگ سے مزدوروں کو بحفاظت نکالنے کی کارروائی کی کامیابی کو ہر فرد کے لیے ایک جذباتی لمحہ ہے۔ سرنگ میں پھنس جانے والے مزدوروں کے حوصلے اور قوت برداشت کااعتراف کرتے ہوئے ، انہوں نے ان کے لئے اچھی صحت کی دعا کی۔ وزیراعظم نے مزید یہ بھی کہا کہ اس مشن سے وابستہ ہر ایک فرد نے انسانیت کے جذبے اور ٹیم ورک کی ایک حیرت انگیز مثال قائم کی ہے۔

وزیراعظم نے ایکس پر پوسٹ کیا:

اُترکاشی میں ہمارے مزدور بھائیوں کے لیے کی جانے والی بچاؤ کارروائیوں کی کامیابی ہر کسی کو جذباتی بنادینے والی ہے۔

سرنگ میں جو ساتھی پھنسے ہوئے تھے، ان سے میں کہنا چاہتا ہوں کہ آپ کاحوصلہ اور قوت برداشت ہر ایک کو متاثر کررہے ہیں۔ میں آپ سبھی کی خیروعافیت اور بہترین صحت کی دعا کرتا ہوں۔

یہ بڑے اطمینان کی بات ہے کہ طویل انتظار کے بعد اب ہمارے یہ ساتھی اپنے اعزاء واقرباء سے ملیں گے۔ ان سبھی کے کنبے کے افراد نے بھی اس چیلنج بھرے وقت میں جس صبرو تحمل اور حوصلے کااظہار کیا ہے ا س کی جتنی بھی تعریف کی جائے کم ہے۔

میں اس بچاؤ مہم سے جڑے سبھی لوگوں کے جذبے کو بھی سلام کرتا ہوں ۔ ان کی بہادری اور قوت ارادی نے ہمارے بھائیوں کو نئی زندگی عطا کی ہے۔ ا س مشن میں شامل ہر فرد نے  انسانیت اور ٹیم ورک کی ایک حیرت انگیز مثال قائم کی ہے۔

 

 

 

۔۔۔۔۔۔۔۔۔۔۔

 

ش ح۔س ب ۔ع ن

(U: 1525)

 



(Release ID: 1980625) Visitor Counter : 63


Read this release in: English , Hindi , Bengali , Manipuri , Punjabi , Gujarati , Odia , Tamil , Telugu , Kannada , Malayalam