প্রধান মন্ত্রীনা নবেম্বর ১৫দা ঝার্খন্দগী খুন্তীদগী লৈবাক পুম্বদা কেন্দ্র সরকারগী স্কিমশিংগী কানবা ফংহন্নবগীদমক বিকসিত ভারত সঙ্কল্প য়াত্রা হৌদোকখি। বিকসিত ভারত সঙ্কল্প য়াত্রাগী মখাদা ওন-স্পোত সর্বিসেসকী শরুক অমা ওইনা গ্রাম পঞ্চায়তশিংদা আই.ই.সি. ভেন খাম্বা মফমশিংদা হেল্থ কেম্পশিং পাংথোকখি।

২০২৩গী নবেম্বর ২৬ ফাওবদা গ্রাম পঞ্চায়ত ৯৯৫দা হেল্থ কেম্প ৫,৪৭০ পাংথোকখি মদুদা মীওই ৭,৮২,০০০ হেন্না খোংদারকখি।

রুপনগর, পঞ্জাব

সুন্দরগর, ওরিশা

চম্বা, হিমাচল প্রদেশ

কৃষ্ণ, আন্ধ্র প্রদেশ

নাশিক, মহারাস্ত্র

তিন্সুকিয়া, অসাম

মখাগী অসি হেল্থ কেম্পশিংদা চত্থখিবা এক্তিবিতীশিংগী পরিংনি:

অয়ুশ্মান ভারত – প্রধান মন্ত্রী জন অরোগ্যা য়োজনা (AB-PMJAY): বিকসিত ভারত সঙ্কল্প য়াত্রাগীদমক MoHFWগী ফ্লেগশিপ স্কিমগী মখাদা অয়ুশ্মান এপ্প শিজিন্নদুনা অয়ুশ্মান কার্দশিং শেমখ্রে অমসুং বেনেফিসরীশিংদা ফিজিকেল কার্দশিং য়েন্থোকখ্রে। তরানিথোই শুবা নুমিৎকী অরোইবা ফাওবদা কেম্পশিংদা আয়ুশ্মান কার্দ ৯,৩৫,৯৭০ হেন্না শেমখি অমদি ফিজিকেল কার্দ ১,০৭,০০০ হেন্না য়েন্থোকখি।

ত্যুবরকুলোসিস (তি.বি.): তি.বি. নারবশিংগী লাইওংশিং, স্পুতম তেস্তিং অমসুং মফমদুদা ফংবা এন.এ.এ.তি. মেছিনশিং শিজিন্নদুনা স্ক্রীনিং তৌরি। তি.বি. ওইরমগনি চিংনবা কেসশিং হায়র ফেসিলিতীশিংদা রিফর তৌরি। তরানিথোইশুবা নুমিৎকী লোইরকপদা মীওই ১,৯৫,০০০ হেন্না স্ক্রীন তৌখি অমসুং মীওই ১৯,৫০০ হেন্না হায়র পব্লিক হেল্থ ফেসিলিতীশিংদা রিফর তৌখি।

প্রধান মন্ত্রী তি.বি. মুক্ত ভারত অভিয়ান (PMTBMA)গী মখাদা, তি.বি. নারবা মীওইশিংবু নিক্ষয় মিত্রশিংদগী মতেং ফংনবগীদমক খোংথাং পায়খৎলি। নিক্ষয় মিত্র ওইনিংবা শরুক য়ারিবশিংবু মফমদুমক্তদা রেজিস্ত্রেসন তৌবা য়াহল্লি। তরানিথোইশুবা নুমিৎকী লোইরকপদা অনাবা মীওই ১১,৫০০ হেন্না PMTBMBAগী মখাদা অয়াবা পীখ্রে অমসুং অনৌবা নিক্ষয় মিত্র ৫,৫০০ হেন্না রেজিস্তার তৌখ্রে।

নিক্ষয় পোশন য়োজনা (NPY)গী মখাদা তি.বি. নারবশিংদা দাইরেক্ত বেনেফিৎ ত্রান্সফরগী থোংদা শেলগী তেংবাং ফংহনখ্রে। মসিগীদমক পন্দুনা লৈরিবা বেনেফিসরীশিংগী বেঙ্ক একাউন্তগী অকুপ্পা ৱারোলশিং খোমজিল্লি অমসুং একাউন্তশিং আধারগা শম্নহল্লি। তরানিথোইশুবা নুমিৎকী লোইরকপদা অসিগুম্বা বেনেফিসরী ৩,৩৭১গী অকুপ্পা ৱারোলশিং খোমজিল্লে।

সিক্কল সেল দিজিজ: ত্রাইবেল পোপুলেসন্না মরুওইবা খুন্দাবা মফমশিংদা SCDগীদমক পোইন্ত ওফ কেয়র (PoC) তেস্তশিংগী নত্রগা সোলুবিলিতী তেস্তগী থোংদা সিক্কল সেল দিজিজ (SCD) খংদোক্নবগীদমক মতিক চারবা মীওই (চহি ৪০ ফাওবা) স্ক্রীনিং তৌরি। তেস্ত তৌবদা পোজিতিব ওইবা কেসশিং মেনেজমেন্তগীদমক হায়র সেন্তরশিংদা রিফর তৌরি। তরানিথোইশুবা নুমিৎকী লোইরকপদা মীওই ৫৪,৭৫০ হেন্না স্ক্রীন তৌখ্রে, মদুগী মনুংদা মীওই ২,৯৩০ পোজিতিব ওইবা থেংনখি অমসুং হায়র পব্লিক হেল্থ ফেসিলিতীশিংদা রিফর তৌখি।

নন কম্মুনিকেবল দিজিজেস (NCDs): হায়পরতেন্সন অমসুং দাইবেতসকীদমক মতিকচাবা মীওই (চহি ৩০ অমসুং মথক)গী স্ক্রীনিং তৌরি অমসুং পোজিতিব ওইগনি চিংনবা কেসশিং হায়র সেন্তরশিংদা রিফর তৌরি। তরানিথোইশুবা নুমিৎকী লোইরকপদা মীওই ৫,৫১,০০০ রোম হাইপরতেন্সন অমসুং দাইবেতসকীদমক স্ক্রীন তৌখি। মীওই ৩১,০০০ হেন্না হাইপরতেন্সন পোজিতিব ওইখি অমসুং ২৪,০০০ হেন্না দাইবেতস পোজিতিব ওইখি অমদি মীওই ৪৮,৫০০ হেন্না হায়র পব্লিক হেল্থ ফেসিলিতীশিংদা রিফর তৌখি

****