اُترکاشی میں سلک یارا سُرنگ میں پھنسے مزدوروں کی زندگیوں کو بچانے کے اپنے پختہ عزم کو جاری رکھتے ہوئے حکومت سُرنگ میں راحت اور بچاؤ کارروائیوں میں سرگرمی سے مصروف عمل ہے،اس سُرنگ میں41 مزدور پھنسے ہوئے ہیں۔

مزدوروں کو بحفاظت نکالنے کو یقینی بنانے کے لئے مکمل کئے گئے ٹھوس کام کے ساتھ سُرنگ کا2کلو میٹر کا سیکشن راحتی کوششوں کی توجہ کا مرکز بنا ہوا ہے۔ سُرنگ کے محفوظ حصے میں ایک چار انچ کمپریسر پائپ لائن کے ذریعے بجلی اور پانی کی سپلائی کی فراہمی سمیت کھانا اور دوائیں پہنچائی جارہی ہیں۔

حکومت کی مختلف ایجنسیوں کو بروئے کار لایا گیا ہے اور مزدوروں کو بحفاظت نکالنے کو یقینی بنانے کے لئے ہر ایک کو مخصوص کام سونپا گیا ہے۔ حکومت  ان پھنسے ہوئے مزدوروں کے حوصلوں کو تقویت دینے کے لئے لگاتار رابطہ بنائے ہوئے ہے۔

راحتی کارروائیوں سے متعلق اہم اور تازہ معلومات:

1. این ایچ آئی ڈی سی ایل، زندگی برقرار رکھنے کی کوششیں:

• کل ایک اہم کامیابی اس وقت  حاصل ہوئی ، جب این ایچ آئی ڈی سی ایل نے لازمی اشیاء کی سپلائی کے لئے ایک انچ ڈائی میٹر کی پائپ لائن کو اندر پہنچانے کا کام مکمل کیا۔
• پھنسے ہوئے مزدوروں کے ساتھ ویڈیو مواصلات قائم کیا گیا ہے اور کمپریسڈ ہوا اور پانی کے دباؤ کا استعمال کرتے ہوئے پائپ لائن کے اندر ملبے کو صاف کرنے کے لئے کوششیں کی گئی تھیں۔

2. این ایچ آئی ڈی سی ایل کی جانب اُوپر کی سمت میں بورنگ:

• این ایچ آئی ڈی سی ایل نے سلک یارا سُرنگ سے اُوپر کی سمت میں بورنگ پھر سے شروع کردی ہے، تاکہ ایک آگور بورنگ مشین کا استعمال کرتے ہوئے مزدوروں کا بچایا جاسکے۔
• ڈرلنگ مشین کے لیے ایک حفاظتی چھتری کی تعمیر کا کام جاری ہے۔ اس کے ساتھ ساتھ آگور کے قطر میں ترمیمات اور پائپ لائن کی ویلڈنگ کا کام بھی جاری ہے۔

3. کارکنوں کو بچانے کے لیے ایس جے وی این ایل کے ذریعے عمودی ڈرلنگ:

• مزدوروں کو بحفاظت  نکالنے کے لیے ایک عمودی سرنگ بنائی جانی ہے، جس کے لیے ایس جے وی این ایل کی کھودنے والی مشین حادثے کے مقام پر پہنچ چکی ہے، جس کی تنصیب کا کام فی الحال جاری ہے۔ اس مقصد کے لیے مشینیں گجرات اور اڈیشہ سے  اس مقام پر پہنچائی جا رہی ہیں۔

4. ٹی ایچ ڈی سی ایل کے ذریعے بارکوٹ کی جانب سے افقی ڈرلنگ:

• ٹی ایچ ڈی سی نے بارکوٹ سے ایک بچاؤ سرنگ کی تعمیر شروع کر دی ہے، جس میں دو دھماکے پہلے ہی مکمل کیے چکے ہیں، جس کے نتیجے میں 6.4 میٹر تک کہ جگہ بن گئی ہے۔ روزانہ تین دھماکے کئے جانے  کا منصوبہ ہے۔

5. آر وی این ایل کے ذریعے عمودی-افقی ڈرلنگ:

• مزدوروں کو بچانے کے لیے آر وی این ایل نے افقی ڈرلنگ کے ذریعے ایک بہت چھوٹی سرنگ کے لئے مشینری  بھیج رہا ہے اور اُڈیشہ سے اضافی بیک اَپ مشینیں لائی جارہی ہیں۔

6. او این جی سی کی طرف سے بارکوٹ کی طرف عمودی ڈرلنگ:

• او این جی سی عمودی ڈرلنگ کے لیے امریکہ، ممبئی اور غازی آباد سے مشینوں کو بروئے کار لا رہا ہے۔

7. ٹی ایچ ڈی سی ایل /فوج/کول انڈیا اور این ایچ آئی ڈی سی ایل کی مشترکہ ٹیم کی جانب سے انسانی-نیم میکنیکل طریقہ کار کے ذریعے سُرنگ  کے لئے جگہ بنانا:

• 180 میٹر سے 150 میٹر تک قائم کئے گئے ایک محفوظ چینل کے ساتھ سُرنگ کے اندر جگہ بنانے کے لئے کام جاری ہے۔ فوج اس مقصد کے لئے باکس پلیوں کو بروئے کار لارہی ہیں۔

8. بی آر او کے ذریعے سڑک کو کاٹنے اور دیگر امدادی کام :

• بی آر او نے48 گھنٹے کے اندر ایس جے وی این ایل کے ذریعے عموی ڈرلنگ کےلئے ایک قابل رسائی سڑک کو تیزی سے تعمیر کیا ہے۔ او این جی سی کے ذریعے کئے گئے جغرافیائی سروے کے ساتھ او این جی سی کے لئے ایک سڑک  بنانے کا کام جاری ہے۔

پس منظر:

****

ش ح۔ح ا ۔ن ع

U. No.1231