ভারত সরকারগী তুরিজম মিনিস্ত্রিনা শীন্দুনা মেঘালয়গী শিল্লোংদা নবেম্বর ২১ দগী নবেম্বর ২৩,২০২৩ ফাওবা ১১শুবা ইন্তরনেসনেল তুরিজম মার্ত পাংথোক্কনি। ইন্তরনেসনেল তুরিজম মার্ত  অসি অৱাং-নোংপোক লমদমগী তুরিজমগী খুদোংচাবশিং খঙহন্নবা অমসুং লমদম অসিগী অঙকপা তুরিজমগী পোৎথোকশিং, ইনাকখুল্লবা শা-উচেক, পাম্বীশিং, লমদম অসিগী চৎনবীশিং, জগোয় মখলশিং, কলাশিং, হেন্দিক্রাফশিং অমসুং হেন্দলুমশিং য়াওনা মুৎপা নাইদ্রবা হেরিতেচশিং লৈবাক মনুংগী মালেমগী মীয়ামদা খঙহন্নবা লোয়ননা অৱাং-নোংপোক্কী মরী লৈনবশিংগী লৈবাক মনুংগী অমসুং মপানগী কৈথেলশিং অনিমক্কী মখোয়গা শীনফম মান্নবশিংগা উন্নবা মফম অমা পীনবা পান্দম অমদা অৱাং-নোংপোক রাজ্যশিংদা ওন-ওন্দুনা চহি খুদিংগী মিনিস্ত্রিনা পাংথোকপা থৌরম অমনি।

ভারত সরকারগী ইনভাইরোনমেন্ত, ফোরেস্ত অমসুং ক্লাইমেত চেঞ্জনা মিসন লাইফ পায়খৎনবা অমসুং তুরিজমগা মরীলৈনবশিং ৱাখল তাহন্নবা অমসুং মসিগী পান্দমশিং খঙহন্নবা শেমখিবা এক্সন পোইন্তশিংগা চুন্নবা কার্বোন য়াম্না পুথোক্তা থবকশিং পাংথোক্তুনা ইন্তরনেসনেল তুরিজম মার্ত অসি গ্রিন ইভেন্ত অমা ওইহনগনি। থৌরম অসিদা শিঙ্গল য়ুজ প্লাস্তিক অমতা শীজিন্নরোই, দিজিতেল অমসুং চে শীজিন্নদবা পাম্বৈ অমা শীজিন্নগনি অমসুং উ থাবগী থবকশিং পাংথোক্কনি।

থৌরম অসি তুরিজম, কলচর অমসুং দোনরগী য়ুনিয়ন মিনিস্তর শ্রী জি.কিসন রেদ্দিনা হৌদোক্কনি অমসুং অৱাং-নোংপোক্কী তুরিজম মিনিস্তরশিং, অৱাং-নোংপোক রাজ্যশিংগী সেনিয়র ওফিসিএলশিং, তুরিজম অমসুং হোস্পিতেলিতি এসোসিএসনশিংগী লুচিংবশিং শরুক য়াগনি। মমাঙদা মার্ত অসিগী ইদিসনশিং গুৱাহাতি, তৱাং, শিল্লোং, গেঙতোক, অগরতালা, ইম্ফাল, কোহিমা অমসুং আইজোলদা পাংথোকখ্রে। থৌরম অসি হেক হৌদোরকপদগী শিল্লোংনা থৌরম অসি অনিরকশুবা ওইনা য়ু্‌ম্বু ওইবনি। লৈবাক মনুংগী অমসুং মালেমগী দেলিগেদশিং য়াওনা চাউরাক্না দেলিগেদ ১০০ থৌরম অসিদা শরুক য়ারবা য়াই।

থৌরম অদুদা অৱাং-নোংপোক্কী মরী লৈনবশিং অমসুং লৈবাক মনুংগী অমসুং মপান লৈবাকশিংগী বয়রশিংগী মরক্তা ললোন-ইতিক্কী অখন্নবা মীফমশিংগী অখন্নবা সেসন অমা লৈগনি। মখোয়গী অনৌবা মফমশিং অমসুং অনৌবা খুদোংচাবশিং অৱাং-নোংপোক্কী রাজ্যশিংনা অমুক হন্না উৎকনি। লমদম অসিদা খুমাংচাউশিল্লিবশিং অমসুং লম্বী-থোং চাউখৎলকপগী মতাংদা সরকার অনিমক অমসুং প্রাইভেদ সেক্তরশিংগী পেনেলিস্তশিংগা লোয়ননা খন্ন-নৈনবা পাংথোক্কনি। হৌখিবা চহি খর অসিদা অৱাং-নোংপোক্তা মথক্তা চৎথোক-চৎশিনগী থবক য়াম্না ফগৎলে। হৌজিক অৱাং-নোংপোক্তা এয়রপোর্ত ১৬ হন্না লমকোয়বশিংনা শীজিন্নরে। তুরিজম মিনিস্ত্রিনা সিবিল এভিএসন মিনিস্ত্রিগা খুৎশম্নদুনা আর.সি.এস-উরান স্কিম হৌদোক্লে। পুন্না থবক তৌমিন্নবা অসিগী শরুক অমা ওইনা, তুরিজম রুত ৫৩গী মনুংদা রুত ১০ অৱাং-নোংপোক্কী ওইনা থবক তৌরি। অৱাং-নোংপোক্তা চেল্লিবা ভিসাদোম ত্রেন ৩ অসিনা লমদম অসিদা চৎথোক-চৎশিন ফগৎহনবদা নত্তনা লমদম অসিগী তুরিজমগী পাম্নবা হেনগৎহল্লে।

মিসন লাইফগী মখাদা তুরিজম মিনিস্ত্রিনা হৌদোকপা লাইফকীদমক লমকোয়বগী থবক খুমাঙচাউশিন্নবা, রাজ্য সরকারশিং, ইন্দস্ত্রি, লমকোয়ফমশিং অমসুং লমকোয়বা মীওইশিং য়াওনা তুরিজমগা মরী লৈনবশিংগা লোয়ননা মিনিস্ত্রিনা থবক তৌরি।২০৩০দা স্তেনেবল গোলশিং ফংনবা তুরিজমনা পাম্বৈ অমা ওইনবা  অমসুং তুংকোইনা চৎনবা য়াবা তুরিজম অমসুং দাইত্ব লৈবা তুরিজমগী লমদা ভারতনা মাংজিল থানবা লাইফ প্রোগ্রামগীদমক লমকোয়বা হায়বা থৌরাং অসি হৌদোকপনি। লৈবাক মনুংগী অমসুং মালেমগী কনফরেন্সশিংগীদমক ইনভাইরোনমেন্ত মিনিস্ত্রিনা শেমখিবা থবক ওইনা পায়খৎনবা ৱাফমশিং মার্ত অসিদা উৎকনি।

অৱাং-নোংপোক লমদমদা তুরিজম ইনফ্রাস্ত্রকচর অমসুং তুরিজম য়োকখৎপা

অৱাং-নোংপোক লমদমদা তুরিজম ইনফ্রাস্ত্রকচর অমসুং তুরিজম য়োকখৎপা হায়বসি তুরিজম মিনিস্ত্রিগী মরুওইবা থবকশিংগী মনুংদা অমনি। শ্বাদেস দর্সন স্কিমগী মখাদা লুপা করোর ১৩০৯.০০গী অপুনবা শেনফম অমা চঙনা অৱাং-নোংপোক লমদমদা প্রোজেক ১৬ পায়খৎলে। শ্বাদেস দর্সন স্কিম ২.০গী মখাদা তুংকোইনা চৎনবা য়াবা অমসুং দাইত্ব লৈবা লমকোয়ফমশিং শেমগৎনবা পান্দমদা অৱাং-নোংপোক লমদমগী মফম ১৫ খনগৎলে।

মখা তানা, অৱাং-নোংপোক লমদমগী মশক খঙদোক্লবা লাইফমশিং শেমগৎনবা তুরিজম মিনিস্ত্রিগী প্রসাদ স্কিমগী মখাদা লুপা করোর ২৫৬.৪৫ কায়থোক্লে। অৱাং-নোংপোক লমদমদা মালেম থাক্কী ইনফ্রাস্ত্রকচর অমসুং হায়ৱে নেতৱার্ক্কা মরী লৈনবা থবকশিং হায়বদি ললোন-ইতিক্কী মফমশিং, লোজিস্তিক্স পার্কশিং, লমকোয়বশিংগী লম্বী নাকলগী খুদোংচাবশিং ফংহন্নবা লুপা করোর ৪৪.৪৪ গী শেনফম চঙনা ভিয়ুপোইন্ত ২২ শেমগৎনবা তুরিজম মিনিস্ত্রিনা অয়াবা পীরে। শ্বাদেস দর্সন ১.০ অমসুং প্রাসাদ স্কিমগী মখাদা হান্না অয়াবা পীখ্রবা প্রোজেকশিং লোইশিল্লে অমসুং মীয়ামদা কৎথোকখ্রে।

******