ত্রাইবেলশিংগী ফিদম্নীংঙাই ওইরবা মীওই ওইরিবা ভগ্বান বির্সা মুন্দাগী মপোক কুমওন ওইনা পাংথোক্লিবা জঞ্জাতিয় গৌরব দিবসকী থৌরমদা, প্রধান মন্ত্রী, শ্রী নরেন্দ্র মোদীনা ঝার্খন্দগী খুন্তীদগী বিকশিৎ ভারত সঙ্কল্প য়াত্রা লমথাখ্রে। সরকারগী ফ্লেগশিপ প্রোগ্রামশিংগী পাউজেল পুদুনা চৎলিবা অখন্ননা শেম্লবা IEC (ইনফোর্মেসন, এজুকেসন অমসুং কম্ম্যুনিকেসন) ভেন 5না খুন্তী জিলা অমসুং মনাক নকপদা লৈবা গ্রাম পঞ্চায়তশিংদা মশিং য়াম্লবা ত্রাইবেল মীয়াম পুদুনা চৎলি।

লৈবাক শিনবা থুংবগী জিলা 28তসু মশিং য়াম্লবা ত্রাইবেল মীয়ামগা লোয়ননা, মসিগা চপ মান্নবা IEC ভেন কয়াসু রাজ্যপাল, মুখ্য মন্ত্রী, কেন্দ্রগী অমসুং রাজ্যগী মন্ত্রীশিংনসু লম্থানখি।

জম্মু অমসুং কশ্মিরদা সঙ্কল্প য়াত্রা অসি রাজোরী অমসুং বন্দিপোরা জিলাদগী বুধাল অমসুং গুরেজতগী মথংশিৎনা লম্থাখি। মীন সি লেভেলদগী ফীত 8000 ৱাংনা শিৎলিবা অইংবা নুংশিৎ মাইয়োক্নরদুনা, লোকেল মীয়াম, নহা, পঞ্চায়তী রাজ ইন্সতিত্যুসন অমসুং সরকারগী ওফিসিএলশিংনা থৌরম হৌদোকপগী থৌরমদা শরুক য়াখি। লেফতেনেন্ত গবর্নর মনোজ সিনহানা থৌরম অসিদা ভিদিও কনফরেন্সিংগী খুত্থাংদা শরুক য়াখি।

অরুনাচল প্রদেশকী রাজ্যপাল, লেফতেনেন্ত জেনেরেল, KT পত্নাইক (থবক্তগী পোত্থারবা)না লাৱর সুবন্সারী জিলাগী জিরোদগী IEC ভেনশিং লম্থাখি। PM স্বনিধী য়োজনাগী বেনিফিশরীশিংনা থৌরম হৌদোকপদা শরুক য়ানখি। IEC ভেনশিংনা লাৱর সুবন্সারী, তৱাং অমসুং নোংপোক কামেং জিলা ফাওদুনা চৎকনি অমসুং সরকারগী য়াইফ য়ুম্বালগী স্কিমশিংবু গ্রাস-রুত লেবেলদা খঙহনগনি। নাগালেন্দগী ওইনসু, কেম্পেন অসি দিমাপুর জিলাগী ইন্দিসেন খুঙ্গংদা হৌদোকখি। থংনবা অসমগী অইনসু, বিকশিৎ ভারত সঙ্কল্প য়াত্রা অসি বাক্সা, কোক্রাঝার অমসুং কার্বী আংলোংদা হৌদোকখি।

মহারাস্ত্রগী রাজ্যপাল, শ্রী রমেশ বেন্স অমসুং মুখ্য মন্ত্রী, শ্রী একনাথ শিন্দেনা নান্দুর্বারগী ত্রাইবেল জিলাদগী থৌরম অসি হৌদোকখি। কেন্দ্র মন্ত্রী, শ্রী পর্শোত্তম রুপালানা গুজরাতকী দাহোরদা, অদুগা মুখ্য মন্ত্রী, শ্রী ভুপেন্দ্র পতেলনা ভেনশিংবু অম্বাজীদগী লম্থাখি। কেন্দ্র মন্ত্রী, বিশ্বেশ্বর তুরুনা ওরিশাগী ময়ুর্ভঞ্জ জিলাদগী বিকশিৎ ভারত কেম্পেনগী ভেনশিং লম্থাখি।

আন্ধ্র প্রদেশকী ওইনদি, য়াত্রা অসিবু রাজ্যপাল, এস. অবদুল নজীরনা অল্লুরী সিতারাম রাজু জিলাদগী লম্থাখি। অদুগা তমিল নাদুদনা, ইনফোর্মেসন অমসুং ব্রোদকাস্তিং, এনিমেল হসবেন্দরী অমসুং ফিশরীগী রাজ্য মন্ত্রী, দাঃ এল. মুরুগন্না কেম্পেন অসিবু নিলগীরী জিলাদগী লম্থাখি। কেরালাগী রাজ্যপাল শ্রী আরিফ মোহম্মদ খান্না কেম্পেন অসিবু পাল্লক্কর জিলাদগী লম্থাখি। লক্ষদ্বীপ য়ুনিয়ন তেরিতোরীগী করাবতি ইথত্তগীসু কেম্পেন অসি হৌদোকখি।

মনুং চনবা থীমশিং

য়াত্রা অসিনা মিৎয়েং চঙগদৌরিবশিংদি মীয়ামদা ই-পাউ য়ৌহনবা অমসুং এৱিয়র্নেস লৈহনবা, অমসুং সেনিতেসনগী খুদোংচাবা, শেল থুমগী তঙাই ফদবা সেবা, মৈ কন্নেক্সন, LPG সিলিন্দর ফংবা, লাইরবশিংগী ময়ুম, ফুদ সেক্যুরিতী, প্রোপর ন্যুত্রিসন, রিলাইএবল হেল্থকেয়র, থক্নবা অশেংবা ঈশিংগুম্বগী মরী লৈনবা নুংঙাই য়াইফবগী স্কিমশিংগী কান্নবশিং পীবনি।

থৌরম অসিগা মরী লৈননা মীয়ামদা খঙহল্লিবা স্কিমশিংগী মনুং চনবশিংদি – আয়ূশমান ভারত; PMJAY PM গরীব কলয়ান অন্না য়োজনা; দীন্দয়াল অন্ত্যোদয়া য়োজনা – নেস্নেল রুরেল লাইবলিহুদ মিসন; PM অৱাস য়োজনা (রুরেল); PM উজ্বালা য়োজনা; PM বিশ্বকর্মা; PM কিসান সম্মান; কিসান ক্রেদিত কার্দ (KCC); PM পোশন অভিয়ান; হর ঘর জল – জল জীবন মিসন; খুঙ্গংশিং সর্ভে তৌবা অমসুং খুঙ্গংগী মফমশিংদা ইম্প্রোভাইজ তেক্নোলোজী শিজিন্নদুনা মেপ্পিং তৌবা (SVAMITVA); জন ধন য়োজনা; জীবন জ্যোতী বিমা য়োজনা; সুরক্ষা বিমা য়োজনা; অতল পেন্সন য়োজনা; PM PRANAM; নেনো ফর্তিলাইজরনচিংবনি।

সিক্কল সেল এনেমিয়া ইলিমিনেসন মিসন; এক্লাব্যা মোদেল রেসিদেন্সিএল স্কুলদা মিং চনবা; স্কোলার্শিপ স্কিম; ফোরেস্ত রাইত তাইতলঃ মীওই মশাগী অমসুং খুন্নাইগী লমগী; বন ধন বিকাস কেন্দ্রঃ সেল্ফ হেল্প শীন লাঙবগী ত্রাইবেল লমদমগী অখন্নবা ৱাফম কয়াগী মতাংদসু খন্ন-নৈনরি।

IEC ভেনশিং অসিবু ব্রান্দিং তৌদুনা অমসুং মরু ওইবা স্কিমগী ৱারোল অমসুং মখোয়না লৈবাক, রাজ্য অমসুং জিলাগী থাক্তা ফংখিবা মায় পাকপশিংবু হিন্দি অমসুং রাজ্যশিংগী লোলশিংদা তাকপা  ভিজুএল, ব্রোচর, পেমফ্লেত, বুকেলত অমসুং ফ্লেগশিপ স্তেন্দী কয়াগী খুত্থাংদা ই-পাউ পীনবা শেম্লি।

স্কিমশিংগী বেনিফিশরীশিংনা মখোয়গী এক্সপেরিএন্স শেয়র তৌনবা, প্রোগ্রেসিব লৌমীশিংগা ৱারি শাবা, গ্রাম পঞ্চায়তশিংনা আয়ুশমান কার্দ, জল জীবন মিসন, জন ধন য়োজনা, PM কিসান সম্মান নিধী য়োজনা, ODF প্লস স্তেতস, মফম মফমদা পাংথোকপা ক্বিজ কম্পিতিসন, দ্রোন উৎপা, হেল্থ কেম্প, মেরা য়ূবা ভারত ভলন্তিয়র ইনরোলমেন্তনচিংবা স্কিমশিংবু 100% সেচ্যুরেসন তৌবগীদমক্তা নুংঙাইবা ফোংদোকপগুম্বা তোঙান-তোঙানবা জন ভাগীদারী থৌরমশিংনা গ্রাউন্দ এক্তিবিতীগী শরুক ওইগনি।

হৌজিক ফাওবদা চত্থরকপদা খ্বাইদগী চাউবা অমা ওইরিবা বিকশিৎ ভারত কেম্পেন অসিনা লৈবাক্কী জিলা খুদিংদা য়ৌদুনা জনুৱারী 25, 2024 ফাওবগী মনুংদা গ্রাম পঞ্চায়ত লাখ 2.55 হেনবা অমসুং অর্বান লোকেল বোদী 3,600 হেন্না কোন্নবা পান্দম থম্লিবনি।

অপুনবা কেম্পেন অসি ‘হোল ওফ গবর্নমেন্ত এপ্রোচ’কা লোয়ননা রাজ্য সরকার, জিলাগী মীওই, অর্বান লোকেল বোদী অমসুং গ্রাম পঞ্চায়তশিংনা থৱাই য়াওনা শরুক য়াদুনা থৌরাং য়াৎল্বা মতুংদা পাংথোকপনি।

ঝার্খন্দগী খুন্তীদা পি.এম. মোদী

IEC ভেনশিং ঝার্খন্দগী খুন্তীদা খাম্বা

বিকশিৎ ভারত সঙ্কল্প য়াত্রা IEC ভেন

জম্মু অমসুং কশ্মিরগী গুরেজতা পাংথোকপা বিকশিৎ ভারত সঙ্কল্প য়াত্রাদা শরুক য়ারিবশিং

নাগালেন্দগী তুএন্সাংদা কেম্পেন হৌদোকপা

শিল্লোং, মেঘালয়

******