नवी दिल्ली, 16 नोव्हेंबर 2023

मच्छीमार आणि मत्स्यपालक आणि इतर भागधारकांचे  योगदान अधोरेखित करण्यासाठी आणि मत्स्यव्यवसाय क्षेत्राच्या शाश्वत व  समान विकासासाठीच्या  वचनबद्धतेला बळकटी देण्यासाठी  मत्स्यव्यवसाय विभाग, जागतिक मत्स्यव्यवसाय दिनानिमित्त जागतिक मत्स्यव्यवसाय परिषद,भारत: 2023 चे आयोजन करून जागतिक मत्स्य व्यवसाय दिवस  साजरा करत आहे. ही दोन दिवसांची  21 आणि 22 नोव्हेंबर 2023 रोजी अहमदाबादमधील गुजरात सायन्स सिटी येथे होणार असून 'सेलिब्रेट द फिशरीज अँड एक्वाकल्चर वेल्थ' या संकल्पने वर ती आधारित असेल.  केंद्रीय मत्स्यपालन, पशुसंवर्धन आणि दुग्धविकास मंत्री परशोत्तम रुपाला यांनी आज नवी दिल्ली येथे पत्रकार परिषदेत ही माहिती दिली. पत्रकार परिषदेत मत्स्यव्यवसाय, पशुसंवर्धन आणि दुग्धव्यवसाय राज्यमंत्री आणि माहिती व प्रसारण मंत्री डॉ. एल. मुरुगन  उपस्थित होते.

या  परिषदेसाठी परदेशी प्रतिनिधीमंडळे, तज्ज्ञ , शासकीय अधिकारी, अभ्यासक,  शैक्षणिक संस्था, आंतरराष्ट्रीय संस्था, उद्योग संघटना आणि इतर प्रमुख भागधारकांना आमंत्रित केले असल्याचे रुपाला यांनी सांगितले.

डॉ.एल मुरुगन यांनी सांगितले की मंत्रालय या क्षेत्राच्या शाश्वत  वाढीवर लक्ष केंद्रित करत आहे. जागतिक मत्स्यव्यवसाय परिषद,भारत: 2023 द्वारे मच्छीमार, शेतकरी, उद्योग, किनारी समुदाय, निर्यातदार, संशोधन संस्था, गुंतवणूकदार, प्रदर्शक यासारख्या सर्व भागधारकांना एकत्रित येऊन कल्पनांची देवाणघेवाण करण्यासाठी, संबंधित तंत्रज्ञानावरील माहिती आणि बाजारपेठेशी जोडले जाण्याच्या संधींसाठी एक व्यासपीठ मिळेल, असे त्यांनी सांगितले.  

S.Kakade/G.Deoda/P.Malandkar

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai