চৰকাৰৰ উদ্যোগত সম্ভৱ ঘটা মহিলাসকলৰ সৱলীকৰণৰ অবিশ্বাস্য কাহিনী আৰু ভাৰতত মহিলাৰ জীৱন গঢ়াত চৰকাৰৰ ভূমিকা উদযাপন কৰি কেন্দ্ৰীয় মহিলা আৰু শিশু বিকাশ মন্ত্ৰী স্মৃতি জুবিন ইৰাণীয়ে আকাশবাণীৰ বাবে এক অনুষ্ঠানৰ আয়োজন কৰিব। কাহিনীবোৰে উদ্যোগ, দক্ষতা বিকাশ, ক্ৰীড়া, স্বাস্থ্য আৰু বিত্তকে ধৰি বিভিন্ন ক্ষেত্ৰত মহিলাসকলৰ সফলতাসমূহত আলোকপাত কৰিব। সাপ্তাহিক এক ঘণ্টাৰ অনুষ্ঠান 'নঈ সোচ নঈ কহানী- স্মৃতি ইৰাণীৰ সৈতে এটা ৰেডিঅ' যাত্ৰা' প্ৰতি বুধবাৰে পুৱা ৯ বজাৰ পৰা ৰাতিপুৱা ১০ বজালৈ ভাৰতৰ সৰ্ববৃহৎ সম্প্ৰচাৰক আকাশবাণীত সম্প্ৰচাৰিত হ'ব। প্ৰথম অনুষ্ঠানটো কাইলৈ অৰ্থাৎ ১৫ নৱেম্বৰত দিল্লীৰ আকাশবাণী গোল্ড ১০০.১ মেগাহাৰ্জত সম্প্ৰচাৰিত হ'ব। এইটো সমগ্ৰ দেশৰ আকাশবাণী কেন্দ্ৰসমূহৰ দ্বাৰাও সম্প্ৰচাৰিত হ'ব। অনুষ্ঠানটো নিউজঅ'নএআইআৰ এপত, আকাশবাণীৰ ৱেবছাইট www.newsonair.gov.in, আকাশবাণী ইউটিউব চেনেল @airnewsofficial আৰু ইয়াৰ বিভিন্ন ছ'চিয়েল মিডিয়া প্লেটফৰ্মত উপলব্ধ হ'ব।

অনুষ্ঠানটোত ষ্টাৰ্ট-আপ আৰম্ভ কৰোতা আৰু স্ব-প্ৰতিষ্ঠিত ব্যৱসায়ী মহিলাসকলক দেখুওৱা হ'ব যিয়ে তেওঁলোকৰ সফলতাৰ কাহিনী ভাগ বতৰা কৰিব আৰু তেওঁলোকে তেওঁলোকৰ প্ৰচেষ্টাত চৰকাৰী পদক্ষেপসমূহৰ কিদৰে সুবিধা লাভ কৰিছিল তাৰ বিৱৰণ দিব। অনুষ্ঠানটিত কেন্দ্ৰীয় চৰকাৰৰ মন্ত্ৰণালয়ৰ জ্যেষ্ঠ বিষয়াসকলো উপস্থিত থাকিব যি সকলে বিভিন্ন চৰকাৰী আঁচনিৰ লাভালাভ কেনেদৰে প্ৰাপ্ত কৰিব লাগে সেই বিষয়ে বৰ্ণনা কৰিব।

***

SS