خواتین اور بچوں کی ترقی کی مرکزی وزیرمحترمہ اسمرتی زوبن ایرانی آکاشوانی کے لیے ایک شو کی میزبانی کریں گی، جس میں کاروباری شعبے، ہنر مندی کی ترقی، کھیل، صحت اور مالیات سمیت مختلف شعبوں میں خواتین کی کامیابی کا جشن منایا جائے گا۔ ہفتہ وار ایک گھنٹے کا شو’نئی سوچ نئی کہانی- اے ریڈیو جرنی وِد اسمرتی ایرانی‘ ہرایک  بدھ کو صبح 9 بجے سے صبح 10 بجے تک ہندوستان کے سب سے بڑے براڈکاسٹر آکاشوانی پر نشر کیا جائے گا۔ پہلا شو کل،یعنی15 نومبر کو دہلی میں آکاشوانی گولڈ 100.1 میگا ہرٹز پر نشر کیا جائے گا۔ اِسے ملک بھر کے آکاشوانی اسٹیشنوں سے بھی نشر کیا جائے گا۔یہ شو’نیوز آن اے آئی آر‘ایپ پر،آکاشوانی کی ویب سائٹ www.newsonair.gov.in پر،آکاشوانی یوٹیوب چینل @airnewsofficial اور اس کے مختلف سوشل میڈیا پلیٹ فارمز پر دستیاب ہوگا۔

یہ شو حکومت کے اقدامات کی مدد سے خواتین کو بااختیار بنانے اور ہندوستان میں خواتین کی زندگیوں کی تشکیل میں ان کے کردار کی حیرت انگیز کہانیوں کا جشن منائے گا۔ پہلے شو میں اسٹارٹ اَپ اور خود ساختہ کاروباری خواتین کو پیش کیا جائے گا، جو اپنی کامیابی کی کہانیاں بیان کریں گی کہ وہ اپنی کوششوں میں حکومت کے اقدامات سے کس طرح فائدہ اٹھا رہی ہیں۔ اِس شو میں مرکزی حکومت کی مختلف وزارتوں کے سینئر افسران کو بھی پیش کیا جائے گا، جو مختلف سرکاری اسکیموں کے فوائد تک رسائی کے طریقوں سے روشناس کرائیں گے۔

*************

ش ح۔ا گ۔ن ع

U. No.998