য়ুমলৈ-কৈরৈ মন্ত্রালয়

গৃহ অমসুং কোওপরেসনগী কেন্দ্র মন্ত্রী, শ্রী অমিত শাহনা ঙসি উত্তরাখন্দগী দেহরাদুনদা অথোইবা মীথুংলেন ওইনা ITBPগী 62শুবা রাইজিং দেগী থৌরমদা ৱা ঙাংখ্রে


শ্রী অমিত শাহনা ভর্চুএল ওইনা লান্মীশিংগী সেল্ফ সস্তেনেবল ইনর্জী বিল্দিং (SSEB) অমসুং তোঙান-তোঙানবা মফমশিংদা লৈরিবা BOPশিংদা মনা-মশিং, হীদাক-লাংথক অমসুং অতোপ্পা তঙাই ফদবা পোৎলমশিং সপ্লাই তৌনবা দ্রোনশিং শঙ্গাখ্রে, গৃহ মন্ত্রীনা ITBPগী থৱায়না পোন্থা ওইখ্রবা অথৌবা 147গী ফ্লিপ বুক অমসু লোঞ্চ তৌখ্রে

ভারতকী মীওই করোর 130না মথৌনা লৈবা লান্মীশিংগী কত্থোকপা, মথৌনা অমসুং মরিংজেলবু থমোয় শেংনা ইকাই খুম্নবা উৎলি

ITBPগী হিমবীরশিংনা সৌর্য়, দৃধতা অমসুং কর্মনিস্থাগী মোত্তোগা লোয়ননা ভারতকী লানশিনবা ঙমদ্রবা ঙমখৈশিং অসি ঙাক্তুনা লাকখি

ঐখোয়গী জৱানশিং ঙমখৈদা দিপ্লোই তৌরিবা মখৈদি কনাগুম্বা অমত্তনা ভারতকী লম ইঞ্চ অমা ফাওবা লৌশিনবা ঙমলোই

মোদী সরকারনা আর্মীগা মান্ননা এয়র অমসুং রেলদা CAPFশিংগীদমক্তা কোতাসু ফিক্স তৌখি

মোদী সরকারনা ঙমখৈদা লৈরিবা লম্বীশিং শেম্নবা, BOPশিং শানবা, জৱানশিংগীদমক ফেসিলিতীশিং ফংহন্নবা অমসুং খুঙ্গংশিংদা তঙাই ফদবশিং ফংহন্নবগীদমক চাদিং তৌবা শরুক অহুম হেনগৎহনখি

মোদী সরকারনা ঙমখৈদা লৈবা খুঙ্গংশিংদা ফেসিলিতীশিং য়ারিবা মখৈ ফংহন্দুনা লৈবাক্কী অহানবা খুঙ্গংশিং ওইহন্নবা শেমগৎ-শা

Posted On: 10 NOV 2023 5:47PM by PIB Imphal

গৃহ অমসুং কোওপরেসনগী কেন্দ্র মন্ত্রী, শ্রী অমিত শাহনা ঙসি উত্তরাখন্দগী দেহরাদুনদা অথোইবা মীথুংলেন ওইনা ইন্দো তিবেতন বোর্দর পুলিস (ITBP)গী 62শুবা রাইজিং দেগী থৌরমদা ৱা ঙাংখ্রে। শ্রী অমিত শাহনা ভর্চুএল ওইনা লান্মীশিংগী সেল্ফ সস্তেনেবল ইনর্জী বিল্দিং (SSEB) অমসুং তোঙান-তোঙানবা মফমশিংদা  লৈরিবা BOPশিংদা (বোর্দর ওবজর্বেসন পোস্ত) মনা-মশিং, হীদাক-লাংথক অমসুং অতোপ্পা তঙাই ফদবা পোৎলমশিং সপ্লাই তৌনবা দ্রোনশিং শঙ্গাখ্রে। শ্রী শাহনা ITBPগী থৱায়না পোন্থা ওইখ্রবা অথৌবা 147গী ফ্লিপ বুক অমসু লোঞ্চ তৌখ্রে। থৌরম অসিদা উত্তরাখন্দগী মুখ্য মন্ত্রী, শ্রী পুশকর সিংহ ধামি অমসুং ITBPগী দিরেক্তর জেনরেল য়াওনা দিগনিতরী কয়ানা শরুক য়াখ্রে।

মহাক্কী ৱারোলদা শ্রী অমিত শাহনা হায়খি লৈবাক্কী মীয়াম্না দিৱালীদা মখোয়গী ময়ুমদা দিয়া থানবা মতমদা মখোয়না ঙমখৈদা মথৌ তৌরিবা ঐখোয়গী অথৌবা লান্মীশিংগীদমক্তা দিৱা অমা থাল্লি। মহাক্না হায় ভারতকী মীওই করোর 130না মথৌনা লৈবা লান্মীশিংগী কত্থোকপা, মথৌনা অমসুং মরিংজেলবু থমোয় শেংনা ইকাই খুম্নবা উৎলি। মহাক্না হায়খি ঙমখৈশিংদা লৈবাক্কী ঙাকশেলগীদমক মখোয়গী নহা ওইরিঙৈগী মতম অদুবু কত্থোকখিবা মথৌনা লৈবা লান্মীশিংনা মরম ওইরগা চহি চুপ্পা লৈবাক্কী মীয়াম্না শান্তি ওইনা তুম্বা ফংলি। শ্রী শাহনা হায়খি হিমবীরশিংগী কত্থোকপা অমসুং শেবা অসি মমল নাইদে অমসুং লৈবাক পুম্বনা মখোয়দা ইকাই খুম্নবা উৎলি।

কেন্দ্রগী গৃহ মন্ত্রীনা হায়খি ঙসি অসি ITBPগী রাইজিং দেনি অমসুং ঐখোয়গী হিমবীরশিংনা সৌর্য়, দৃধতা অমসুং কর্মনিস্থাগী মোত্তোগা লোয়ননা ভারতকী লানশিনবা ঙমদ্রবা ঙমখৈশিং অসি হৌখিবা চহি 62 অসি ঙাক্তুনা লাকখি। মহাক্না হায়খি মদুদি মাইনস 45 দিগ্রী তেম্পরেচরদা লৈবাক্কী ঙমখৈশিংদা মীৎনা শীংনা অমসুং ঙাকশেনদুনা লৈবা অসি ITBPগী চৎনবী ওইদুনা লাকখি অমসুং মতম চুপ্পদা থৱায়না পোন্থা পীনবা শেম শাদুনা লৈরি। শ্রী শাহনা হায়খি মদুদি চহি 62গী মমাংদা দিবিজন 7গা লোয়ননা হৌদোকখিবা ITBPনা হিমবীর লাখ অমা, বত্তালিয়ন 60, ত্রেনিং সেন্তর 17, সেক্তর 16, ফ্রন্তিয়র 5 অমসুং কম্মান্দ হেদ ক্বাতর্স 2গা লোয়ননা শক্তি লৈরবা ফোর্স অমা ওইরকখি। মহাক্না মখা তারদুনা হায়খি প্রধান মন্ত্রী শ্রী নরেন্দ্র মোদীগী লুচিং মখাদা হিমবীরশিংগী দিমান্দ অদু খঙনা কেন্দ্র সরকারনা আর্মীগা মান্ননা সেন্ত্রেল আর্মদ পুলিস ফোর্সেস (CAPFs)কীদমক্তা কোতাসু ফিক্স তৌখি।

শ্রী অমিত শাহনা হায়খি মদুদি ঙসি পাইখৎলিবা অনৌবা থৌশিল কয়ামরুম অসিদা সেল্ফ সস্তেনেবল ইনর্জী বিল্দিং (SSEB) অসি য়াম্না অখন্নৈ মরমদি মসি কোল্দ দেজর্ত্তা ফীত 17,000 ৱাংবা মফমদা শাখি, বিল্দিং অসিনা আত্মনির্ভর ভারতকী খুদম অমা ওইরগনি। মহাক্না হায়খি বিল্দিং অসি লৈবাক্কী প্রধান মন্ত্রী, শ্রী নরেন্দ্র মোদী অমসুং গৃহ মন্ত্রালয়না হিমবীরশিংদা পীবা দিৱালীগী অখন্নবা খুদোলনি। শ্রী শাহনা হায়খি মদুদি মপানগী তেম্পরেচর অসি জিরোদগী দিগ্রী 40-45 তাখিবা মতমদা অমসুং পেত্রোল নত্ত্রগা দিজল শীজিন্নবা য়ারক্তবা মতমদা বিল্দিং অসিনা লান্মীশিংবু দিগ্রী 18-19দা শাফনা থম্বা ঙমগনি। মহাক্না হায়খি সেল্ফ সস্তেনেবল ইনর্জী বিল্দিং অসি শুপ্নগী থা 2দা শাবা লোইশিনখি।

গৃহ অমসুং কোওপরেসনগী কেন্দ্র মন্ত্রীনা হায়খি মদুদি অৱাংবা অলতিচুদ অমসুং চংবদা খুদোংচাদবা মফমশিংদা লৈরিবা BOPদা মনা-মশিং, হীদাক-লাংথক অমসুং অতোপ্পা তঙাই ফদবা লোজিস্তিক্স আইতেমশিং সপ্লাই তৌনবগীদমক দ্রোনশিং শীজিন্নবগী ৱাখল্লোন অসি ঐখোয়দা প্রধান মন্ত্রী মোদীনা পীবিরকখি। মহাক্না হায়খি বিজন অসি থবক ওইনা ওন্থোক্তনা অহানবা দ্রোন্না মনুং চংশিনবা মফম অমদা হীদাক-লাংথক অমসুং মনা-মশিংগী কেজি 15 পুদুনা য়ৌবা ঙমখিবা অসি অচৌবা খোঙথাং অমনি। মহাক্না হায়খি মদুদি ঙসি হৌখিবা দ্রোন সর্ভিস অসিনা ঐখোয়গী হিমবীরশিংদা নত্তনা ঙমখৈগী খুঙ্গংশিংদা লৈরিবা মীয়ামগীদমক চাউনা কান্নবা ওইরগনি। শ্রী শাহনা হায়খি মদুদি মনুং হঞ্জিনবা মফমশিংদা সেক্যুরিতী থম্নবা মসিগী গেপ অসি মেনশিনবা য়াম্না মরু ওই অমসুং গেপশিং অসিনা মরম ওইদুনা সমস্যা কয়া মায়োক্নখিবনি। মহাক্না হায়খি হন্দক্তা গৃহ মন্ত্রালয়গী থৌশিলদা প্রধান মন্ত্রী শ্রী নরেন্দ্র মোদীন ITBPগী বত্তালিয়ন 7 অয়াবা পীখি অমসুং মসি ITBP লিংখৎখিবগী মতুংদা বত্তালিয়ন 7 পুন্না অয়াবা পীখিবা অহানবা ওইরি অমসুং বত্তালিয়ন 7 অসিগী মনুংদা 4দি অথুবদা দিপ্লোই তৌরগনি। শ্রী শাহনা হায়খি বত্তালিয়ন 7 অমসুং সেক্তর হেদক্বাতর্স 1 লুপা করোর 3000রোম চংনা শারগনি।

শ্রী শাহনা হায়খি মদুদি ITBP অসি সৌর্য়, দৃধতা অমসুং কর্মনিস্থাগীদমক্তা খঙনৈ। মহাক্না হায়খি ভারতকী কোস্তলাইন কিমি 7516 শাংই অমসুং কংফলগী ঙমখৈনা কিমি 15,000 হেল্লি। মহাক্না হায়খি মদুদি ভারতনা মাগী কংফলগী ঙমখৈ অসি লৈবাক 7কা লোন্নরি অমসুং হিমালায়ন রিজনদা লৈরিবা ঙমখৈশিং অসি ঙাকশেনবগী থৌদাং ITBPনা লৌরি। মহাক্না হায়খি মদুদি ঐখোয়গী থৌনা লৈবা হিমবীরশিংনা ঙমখৈশিং অসিবু খ্বাইদগী খুদোংচাদবা মফমশিংদা অঙম্বা মওংদা ঙাকশেনখি। শ্রী শাহনা হায়খি মদুদি ITBPনা দিকেদ 6 লেপ্পা লৈতনা শেবা তৌরকপা অসিদা পদ্ম শ্রী 7 , কৃতি চক্র 2, সৌর্য় চক্র 6, প্রসিদেন্তস পুলিস মেদল 19, তেঞ্জিং নোর্গে এদভেঞ্চর মেদল 14 অমসুং অতোপ্পা মেদল কয়া ফংদুনা ফোর্স অসিগী থৌনা অমসুং কত্থোকপা অদু তাকখি। -----মহাক্না হায়খি মদুদি ঐখোয়গী ITBP অমসুং আর্মী পর্সনেলনা ঙমখৈদা দিপ্লোই তৌরিবা মখৈদি কনাগুম্বা অমতনা ভারতকী লম ইঞ্চ অমা ফাওবা লৌশিনবা ঙমলোই। মহাক্না হায়খি হৌজিক হিম বীরঙ্গানাসনা লৈবাক্কী ঙমখৈশিং ঙাকশেন্নবা খুৎশম্নদুনা থবকসু পাইখৎলি। গৃহগী কেন্দ্র মন্ত্রীনা অসিগুম্বা মনুং হঞ্জিনবা মফমশিংদা লৈবাক্কী ঙমখৈশিং ঙাকশেন্নবা দিপ্লোই তৌরিবা হিম বীরশিংদা অখন্ননা থাগৎখি অমসুং য়াইফ পাউজেল পীখি।

কেন্দ্রগী গৃহ মন্ত্রীনা হায়খি মদুদি ITBPনা স্পোর্তসকী লমদা শরুক য়াবা অসিসু য়াম্না হেনগৎলকখি, মসি য়াম্না শীংথানীংঙাই ওই। মসিগী মথক্তা অকোইবগী ফীভম ঙাকশেন্নবগী মখোয়গী খোঙথাংশিংদা ITBPনা মনুং হঞ্জিনবা মফমশিংদা উ চারা লাখ 36 হেন্না থাখি। মহাক্না লান্মী পুম্নমক্তা উ থাবদা মখোয়সু য়াওশিন্নবা হায়খি মসিনা মখোয়গী ৱাখল্লোনদা অচৌবা অহোংবা অমা লাকহনবা অমসুং সেন্সিতিবিতী লৈহনবা খক্তা নত্তনা মসিনা উশিং থাবগী থবক তৌবনা মখোয়দসু অচৌবা অহোংবা অমা পুরক্কনি। শ্রী শাহনা হায়খি মদুদি উ চারা লাখ 36 অসিনা চহি 5দা অচৌবা উ ওইরক্লগনি অমসুং লৈবাক্কী লোয়ননা মালেম পুম্বগী অকোইববু প্যুরিফাই তৌরগনি। শ্রী শাহনা হায়খি মদুদি হন্দক্তা প্রধান মন্ত্রী নরেন্দ্র মোদীনা বাইব্রেন্ত ভিলেজ প্রোগ্রামগী খুত্থাংদা অনৌবা কনসেল্প অমা পুথোকখি। মমাংদা ঙমখৈদা লৈরিবা খুঙ্গংশিং অসি লৈবাক্কী অরোইবা খুঙ্গং ওইনা খঙনরমখি অদুবু প্রধান মন্ত্রী মোদীনা মফম অদুদা চৎতুনা মসি লৈবাক্কী অরোইবা খুঙ্গং নত্তে অহানবা খুঙ্গংনি হায়না ফোঙদোকখি। শ্রী শাহনা হায়খি মদুদি প্রধান মন্ত্রী মোদীজীনা ঙমখৈদা লৈরিবা খুঙহগংশিংগী পোপুলেসন অসি লেংদনা লৈহন্নবা খক্তা নত্তনা মসিবু হেনগৎহন্নবা অঞসুং  লৈবাক্কী অতোপ্পা শরুকশিংদা ফংলিবা অদুগুম্না ফেসিলিতীশিং ফংহন্নবা এপ্রোচকা লোয়ননা বাইব্রেন্ত ভিলেজ প্রোগ্রাম হৌদোকখি। শ্রী শাহনা হায়খি মদুদি প্রোগ্রাম অসিগী অহানবা তাঙ্কক্তা মোদী সরকারনা লুপা করোর 4800 গী বজেৎকা লোয়ননা জিলা 19গী ব্লোক 46তা লৈরিবা খুঙ্গং 662গী  ইলেক্ত্রিসিতী, লম্বী, এমপ্লোইমেন্ত, স্কিল দিবেলপমেন্ত, এজুকেসন অমসুং হেল্থ স্ত্রীমলাইন তৌনবা থবক পাইখৎখি।

অমিত শাহনা হায়খি মদুদি লৈবাক্কী ঙমখৈশিংগী ঙাকশেল অসি হিমবীরশিংগী থৌদাংনি অদুবু করিগুম্বা ঙমখৈগী খুঙ্গংশিং অসি হাংদুনা লৈরবদি মসিগী থবক অসিদা চাউনা খুদোংচাদবা মায়োক্নগনি। মহাক্না হায়খি ঐখোয়গী CAPFশিং দিপ্লোই তৌরিবা মফম অমা হেক্তদা ঐখোয়না মখোয়বু চাউখৎ থৌরাংগী থবকশিংগী নোদেল এজেন্সী ওইনা লৌই অমসুং খুঙ্গংশিংদা ফেসিলিতীশিং অসি য়ৌহনবা ঙম্নবা থবক পাইখৎকদবনি। শ্রী শাহনা হায়খি লাক্কদৌরিবা চহিশিংদা শম্নবা ঙমদ্রিবা খুঙ্গং 168বু লম্বী-থোং, ইলেক্ত্রিসিতী, তেলিকম্ম্যুনিকেন অমসুং হেল্থ সর্ভিসেসনা কন্নেক্ত তৌগনি। গৃহগী কেন্দ্র মন্ত্রীনা হায়খি মদুদি লৈবাক অসিনা ঙমখৈশিংদা ফেসিলিতীশিং শেমগৎত্তিবা ফাওবা শাফনা লৈবা য়ারোই। মহাক্না হায় ইন্দো-চিনা বোর্দর ফেসিলিতীশিং শেমগৎনব চাংচৎ ওইনা 2014গী মমাংদা চহিদা লুপা করোর 4000 চাদিং তৌরমখি অদুবু প্রধান মন্ত্রী মোদীগী লুচিং মখাদা হৌখিবা চহি 9 অসিদা চহিদা লুপা করোর 12,340 দা হেনগৎহনখি।.মহাক্না হায় ভারত সরকারনা ঙমখৈদা লৈরিবা লম্বীশিং শেম্নবা, BOPশিং শানবা, জৱানশিংগীদমক ফেসিলিতীশিং ফংহন্নবা অমসুং খুঙ্গংশিংদা তঙাই ফদবশিং ফংহন্নবগীদমক চাদিং তৌবা শরুক অহুম হেনগৎহনখি। শ্রী শাহনা হায়খি মোদী সরকারনা খুদোংচাদ্রবা মফমডিংদা থোং অমসুং কলবর্ত 350 হেন্না শাখি। মহাক্না হায়খি সরকার অসিনা লান্মীশিংগী য়াইফনবা হৌখিবা চহি 9 অসিদা স্কিম কয়ামরুম হৌদোকখি।

শ্রী অমিত শাহনা হায়খি শ্রী মোদীগী লুচিং মখাদা হৌখিবা চহি 9 অসিদা লৈবাক্কী ইন্তর্নেল সেক্যুরিতীগী ফীভমদা চাউনা অহোংবা লাকখি। কাশ্মিরদগী আর্তিকল 370 লৌথোকখ্রবা মতুংদা ঐখোয়না তেরোরিজম মপুং ফানা লাকশিনবা ঙমখি। মী শীবদা 72% হন্থহনবা ঙমখি। লেফ-ৱিং এক্ত্রিমিজমদা 80% হন্থহনবা ঙমখি। শ্রী শাহনা হায়খি শ্রী মোদীগী লুচিং মখাদা লৈবাক্কী ইন্তর্নেল সেক্যুরিতীগী ফীভম অসি য়াম্না মপাঙ্গল কনখৎলক্লি অমসুং ঐখোয়গী হিমবীরশিংনা ঙমখৈশিংগী ঙাকশেনবগী থৌদাং লৌরি। মহাক্না হায়খি আজাদী কা অমৃত বর্শ অসি লোইবতা ঙাইরি অমসুং আজাদী কা অমৃত কাল মনুংদা ঐখোয়না ভারতপু মালেমগী লম খুদিংমক্তা 2047 ফাওবদা অহানবা ওইহন্নবা ৱাশক লৌরগনি। শ্রী শাহনা হায়খি 2047 ফাওবদা ঐখোয়না ভারতপু লম খুদিংমক্তা মালেমবু লমজিবা ঙম্বা ওইহনগদবনি।

 

****



(Release ID: 1976327) Visitor Counter : 61