কম্মর্স  অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমদি তেক্সতাইলগী কেন্দ্র মন্ত্রী, শ্রী পিয়ুশ গোয়লনা নই দিল্লীদা ঙরাং পাংথোকখিবা ‘DPIIT-CII নেস্নেল কনফরেন্স ওন ইজ ওফ দুইং বিজনেস’ হৌদোকপগী ৱারোলদা মিৎয়েং শানবা নহা ওইরিবা ভারতনা ভারতকী ফ্যুচর গ্রোথতা খোঙজেল হাপকনি হায়না ফোংদোকখ্রে।

সরকারনা পুরকখিবা ফাউন্দেস্নেল ইকোনোমিক রিফোর্মশিংনা ভারতপু মমাংগী চহি মঙা অসিদা ফ্রেজাইল 5তগী মকোক থোংবা শেন্মিৎলোন 5কী মনুংদা চলহনখিবনি হায়না শ্রী গোয়লনা হায়খি। মন্ত্রীনা ইন্দস্ত্রীশিংবু ইজ ওফ দুইং বিজনেস (EoDB) হায়রিবা লৈবাক্কী খোঙথাংবু শৌগৎপগীদমক্তা থাগৎখি অমসুং সরকারনা EoDBবু মথংগী থাক্তা পুখৎনবা হোৎনরি হায়নসু ফোংদোকখি।

‘নেস্নেল কনফরেন্স ওন ইজ ওফ দুইং বিজনেস’ অসি নবেম্বর 8, 2023দা নই দিল্লীদা পাংথোকখিবনি। ইজ ওফ দুইং বিজনেসকী নোদেল বিভাগ ওইরিবা দিপার্তমেন্ত ফোর প্রোমোসন ওফ ইন্দস্ত্রী অমসুং ইন্তর্নেল ত্রেদ (DPIIT)না কনফেদেরেসন ওফ ইন্দিয়ন ইন্দস্ত্রী (CII)গা খুৎশম্নদুনা কনফরেন্স অসি শীন লাঙবনি।

কনফরেন্স অসিনা ইজ ওফ দুইং বিজনেসকা মরী লৈনবা মরু ওইবা হীরম কয়াদা মিৎয়েং চঙখি। ইজ ওফ দুইং বিজনেস ৱে ফোরৱার্দ, নেস্নেল সিঙ্গল ৱিন্দো সীস্তেম, দিস্প্যুত রিজোল্যুসন মেকানিজম মপাঙ্গল হাপ্পা, তেক্স থীবা অমসুং কস্তমগী কাঙলোন কোম্থোকপগী সেসন কয়ানা কনফরেন্স অসিগী শরুক অমা ওইখি। সেসনশিং অসিদা রাজ্য, কেন্দ্র মন্ত্রালয় অমসুং ইন্দস্ত্রীগী মীহুৎশিংনা শরুক য়াখি।

EODB রিফোর্ম - হৌজিক ফাওবগী খোঙচৎ অমসুং তুংলমচৎকী লম্বী হায়রিবা সেসন 1 অসিবু DPIITগী সেক্রেতরী, শ্রী রাজেশ কুমার সিংহনা লুচিংখি। DPIITগী সেক্রেতরীনা মহাক্কী কিনোত এদ্রেস্তা DPIITগা মরী লৈনবা EODB (স্তেত রেঙ্কিং অমসুং রিফোর্ম), NSWS, কমপ্লাইএন্সকী পোৎলুম হন্থহনবা (জন বিশ্বাস বিল), জন বিশ্বাস বিল 2.0গীদমক্তা শেম শাবা, রেগ্যুলেসনগী অচঙবা শেনফমগী মতাংদা পনখি অমসুং লাক্কদৌরিবা ৱর্ল্দ বেঙ্ক B-রেদী ফ্রেমৱর্ককী মতাংদসু শম্লপ্পা ৱাফম থমখি। মহাক্না ইন্দস্ত্রীশিংনা খোঙথাং খুদিংদা নক্ননা থবক তৌমিন্ননবা অমসুং পাউতাক পীরক্নবা পুক্নীংসু থৌগৎখি। DCM শ্রীরাম লিমিতেদকী MD, শ্রী অজয় শ্রীরাম অমসুং হিরো ইন্তর্প্রাইসকী চেয়র্মেন, শ্রী সুনিল কান্ত মুঞ্জলনা ইন্দস্ত্রীগী ৱাখল্লোন কয়া পাউদমখি। MP সরকারগী MP ইন্দস্ত্রীএল দিভেলপমেন্ত কোর্পোরেসনগী MD, শ্রী নবনীত মোহন কোথারী অমসুং গুজরাত সরকারগী ইনদস্ত্রী অমসুং কম্মর্স বিভাগকী কম্মিস্নর, শ্রী সন্দীপ সাগ্লেনা রাজ্যসিগী বেস্ত প্রেক্তিস, মথৌ নীংথিনা পাংথোকপা অমসুং লাইথোকহল্লবা সিঙ্গল ৱিন্দো পোর্তেল অমসুং EODB রিফোর্মশিং পাংথোকপগী মতাংদা প্রেজেন্তেসন লান্থোকখি।

নেস্নেল সিঙ্গল ৱিন্দো সীস্তেম – এপ্রুবেল/রিন্যুএল খুদিংমক্কী ৱান স্তোপ সোল্যুসন হায়রিবা সেসন 2 অসিবু DPIITগী জোইন্ত সেক্রেতরী, শুকুমারী মনমীত নন্দানা লুচিংখি। কারবারগী তঙাই ফদবগী মখা পোন্না এপ্রুবেল লৌনবা চে থাবা অমসুং মশক খঙদোকপগী মপু ফাবা পাউতাক ফংনবগীদমক্তা ইন্দস্ত্রী মেম্বর অমসুং SMEশিংনা সীস্তেম অসিবু শিজিন্নবীয়ু হায়না মহাক্না হায়খি। প্লেতফোর্ম অসিবু তসেংবা নেস্নেল সিঙ্গল ৱিন্দো সীস্তেম অমা ওইহনবগী পান্দম ফংহন্নবা অমসুং য়ুজরশিংগী এক্সপেরিএন্স হেন্না নুংঙাইহন্নবগীদমক্তা মীয়াম্না ফিদবেক পীবিয়ু হায়না মহাক্না মখা তাখি। উত্তর প্রদেশ, নাগালেন্দ রাজ্য সরকার অমসুং কেন্দ্রগী মন্ত্রালয় (লেবর অমসুং ইমপ্লোয়মেন্ত/ইনভাইরনমেন্ত, ফোরেস্ত অমসুং ক্লাইমেত চেঞ্জ)গী সেনিয়র ওফিসিএলশিংনা মীয়ামদা ৱা ঙাঙখি অমসুং মখোয়গী বিভাগশিংনা লুচিংবা ইজ ওফ দুইং বিজনেস লাকহন্নবা পায়খৎপা খোঙথাং কয়াগী মতাংদা পাউদমখি অমসুং NSWSতা মরী লৈনবা সেবা কয়া হাপখ্রবা মতুংদা পোর্তেল অসিবু লাইনা শিজিন্নবগী মতাংদা ইন্দস্ত্রী য়ুজরশিংদগী ফংলকপা পোজিতিব ফিদবেক কয়াগী মতাংদসু পাউদমখি।  

দিস্প্যুত রিজোল্যুসন মেকানিজম মপাঙ্গল কনখৎহনবা হায়বা সেসন 3গী মনুংদা, কন্ত্রেক্ত মেকানিজম চৎনহন্নবগী থৌওংবু মওং মরিল তাহনবা, ব্যুজিনেস লোক কয়াবু দিক্রিমিনেলাইজ তৌবা, অলতর্নেত দিস্প্যুত রিজোল্যুসন (ADR) ইকোসীস্তেমগী থৌদাংবু মপাঙ্গল হাপ্পগী মতাংদা ৱাফম কয়া খন-নৈনখি। দিক্রিমিনেলাইজেসনগী ওইনদি, কোর্তশিংদা লৈরিবা অপনবা কয়া হন্থহনবদা মতেং ওইগদবা কাঙলোনশিং তুংগী মতমদা চৎহনগদবশিংগী মতাংদা খন্ন-নৈনখি। খন্ন-নৈনবশিং অসিনা থৌওং-থৌদাদা পথাপ নাইবা অহোংবা পুরক্তুনা সরকারগী লিতিগেসন হন্থহনবা, অমসুং ওফিসরশিংনা কেস থেংথহনবা, আর্গ্যুমেন্ত তৌবগী মতমদা অকক্নবা থম্বা অমসুং এদজর্মেন্ত তৌবগী মশিং অকক্নহনবা অমসুং কোর্ত, ত্রাইব্যুনেল অমসুং জজ মশিং হেনগৎহনবগী মতাংদা মিৎয়েং চঙখি।

তেক্স থীবা অমসুং কমপ্লাইএন্সকী থৌওংদা কোম্থোকপা হায়বা সেসন 4 অসিদা তেক্স লিতিগেসন হন্থহনবা, রিফন্দ/ক্রেদিত/রিতর্ন তৌবগী থৌওং ফগৎহনবা, GSTগী প্রোসিজরেল কমপ্লাইএন্স কাঙলোন চুমহনবা, কস্তমগী থবক থৌরমশিংবু মওং মরিল তাহনবা অমসুং পাকথোক চাউথোকহনবা হায়বা হীরমশিং খন্ন-নৈনখি।

***