ৱার্ল্দ ফুদ ইনদিয়া হৌদোকপগী থৌরমদা প্রধান মন্ত্রী শ্রী নরেন্দ্র মোদীনা হায়খি, “ভারতকী সস্তেনেবল ফুদ কলচর অসি চহি লিশিং কয়াগী খোংচৎকী মহৈনি। ঐখোয়গী ইপা ইপুশিংনা আয়ুরবেদপু মীচম মীয়ামগী ফুদ স্তাইলগা শম্নহনখি। ভারতকী ইনিসিয়েতিবতা ইন্তরনেস্নেল ফুদ কলচরবু দিবেলপ তৌখিবগুম, য়োগা দিবসনা য়োগাবু মালেমগী কাচিন কোয়া খুদিংদা য়ৌহনখি, মতৌ অদুম্না হৌজিক মিল্লেতশিংসু মালেমগী কাচিন কোয়া খুদিংদা য়ৌরগনি।”

প্রধান মন্ত্রী শ্রী নরেন্দ্র মোদীনা 2023গী নবেম্বর 3 দগী নবেম্বর 5 ফাওবা নই দিল্লীগী প্রগতি মৈদানদা পাংথোকপা ৱার্ল্দ ফুদ ইন্দিয়া হৌদোকপগী থৌরমদা আয়ুর্বেদ অমসুং য়োগাগী মরুওইবা ফোংদোকখ্রে। প্রধান মন্ত্রীনা য়োগাবু মালেমদা শন্দোকপগী মরুওইবদা অকনবা ৱাফম থমখি। হৌদোকপগী থৌরম লোইরবা মতুং আয়ুশ মন্ত্রালয়না পাংথোকপা নোলেজ সেসনদা নেস্নেল ইন্সতিত্যুৎ ওফ আয়ুর্বেদ, জয়পুরদগী প্রোফেসর অনুপম শ্রিবাস্তবনা মেদিকেল ভেল্যু তুরিজমদা ৱা ঙাংলদুনা হায়খি মদুদি আয়ুশ ভিজাগী সিস্তেম অসি মালেম পুম্বদা হেল্থ সর্বিসকী মথৌতাবা মীওইশিংগীদমক য়াম্না মতেং ওইরি।

ওমনি এক্তিব হেল্থ তেক্নোলোজীসকী মেনেজিং দাইরেক্তর সঞ্জয় মরিৱালানা হায়খি মদুদি হৌজিক্কী ওইনা আয়ুশ পোত্থোকশিংগী ইন্দিয়ন মার্কেৎ অসি চাউরাক্না য়ু.এস. দোলর বিলিয়ন 3.5নি, মদু বিলিয়ন 100 ফাওবা য়ৌবগী পোতেন্সিয়েল লৈ। ওল ইন্দিয়া ইন্সতিত্যুৎ ওফ আয়ুর্বেদকী এসোসিয়েৎ প্রোফেসর দা. শিব কুমার হারতিগী মতুং ইন্না চিঞ্জাক, তুম্বা, অমসুং পুন্সি মহিং অসি হ্যুমেন হেল্থকী মরুওইবা শরুক অহুমনি অমদি আয়ুশ পোত্থোকশিং অসি ইন্তরনেস্নেল ফুদ স্তাইলগী শরুক অমা ওইরক্লি। FITT-IIT দিল্লীদগী লেংবীরকপা দা. সকেত চাত্তোপাধ্যাইনা অনৌবা আয়ুশ পোত্থোকশিং দিবলপ তৌবদা মতৌ করম্না আর্তিফিসিয়েল ইন্তিলিজেন্সনগী মতেং লৌবা য়াবগে হায়বগী মতাংদা শন্দোক্না তাকখি।

হিমালায়া ৱেলনেস কম্পেনীগী রেগুলেতরী হেদ বিজেন্দ্র প্রকাশনা হায়খি মদুদি আয়ুশ ইন্দস্ত্রীগী দিপলপমেন্তদা কোওপরেসন অমসুং পার্তিসিপেসনগা লোয়ননা অশেংবা দিবলপমেন্তগী মংলান শাগৎপা য়াই। আয়ুশ মন্ত্রালয়গী মিদীয়া এদভাইজর শ্রী সঞ্জয় দেবনা আয়ুশ নোলেজ সেসনগী কোওর্দিনেতরগী থৌদাং লৌখি অমসুং প্রধান মন্ত্রী মোদীগী ৱারোলবু নৌহৌনা ফোংদোক্লদুনা মহাক্না হায়খি মদুদি আয়ুর্বেদ চহি লিশিং কয়াদগী ঐখোয়গী লৈবাক্তা লৈরিবা সংস্কৃতিগী শরুক ওইরি অমসুং আয়ুশ সিস্তেম অসিবু মাংলোমদা পুখৎপদা থবক তৌরি।

ৱার্ল্দ ফুদ ইন্দিয়াগী থৌরম অসিদা আয়ুশ মন্ত্রালয়না পার্তনর অমগী থৌদাং লৌরি। ৱার্ল্দ ফুদ ইন্দিয়াদা আয়ুশ মন্ত্রালয়না আয়ুশ পেভিলিয়ন শেমরি, মদুদা আয়ুর্বেদ দাইতকা লোয়ননা হৌজিক্কী পুন্সিদা আয়ুশ দাইতকী য়ুতিলিতী, আয়ুশ দাইতকী মরুওইবা, মসি ফংনবগী মেথদশিং অসিনচিংবগী মতাংদা মপুংফাবা ইনফোর্মেসন পীরি। মসিগা লোয়ননা ত্রেদিস্নেল মেদিকেল প্রেক্তিসেসকী মতুং ইন্না মতিকচাবা চিঞ্জাক অমসুং চিঞ্জাক্কী প্লেৎশিং অসিনচিংবা শন্দোক্না তাক্লি। ঙসি আয়ুশ পেভিলিয়নদা আয়ুশ সেক্রেতরী বৈদ্ধ রাজেশ কোতেচাশু লাকখি। আয়ুশ মন্ত্রালয়গী মকোকথোংবা ওফিসিয়েল কয়া, আয়ুশ মন্ত্রালয়গী মখাদা লৈবা ইন্সতিত্যুসনশিংগী ওফিসিয়েলশিং অমসুং অতোপ্পশিংসু শরুক য়াখি।

*******