কেন্দ্র সরকারগী পেন্সনরশিং ‘ইজ ওফ লিবিং’ হেনগৎহন্নবা দিপার্তমেন্ত ওফ পেন্সন এন্দ পেন্সনর্স ৱেল্ফিয়রনা দিজিতেল লাইফ সর্তিফিকেৎ (DLC) হায়বদি জীবন প্রমান পাকশন্না প্রমোৎ তৌখি। 2014দা বাইওমেত্রিক্স দিভাইসশিং শীজিন্নদুনা DLCশিং পীশিনবা অসি হৌখি। মতুং তারকপা ওইনা বিভাগ অসিনা এন্দ্রোইদ বেজ স্মার্ত ফোন অমা হেক্তদগী LC পীশিনবা য়াহন্দুনা আধার দেতাবেসতা য়ুম্ফম ওইবা ফেস ওথেন্তিকেসন তেক্নোলোজী সিস্তেম অমা দিবেলপ তৌনবা MeitY অমসুং UIDAIগা খুৎশম্নখি। ফেসিলিতী অসিগী মতুং ইন্না মীওই অমগী আইদেন্তিতী অসি ফেস ওথেন্তিকেসন তেক্নিক্কী খুত্থাংদা এস্তাব্লিশ তৌখি অমসুং DLCশিং জেনরেত তৌখি। নবেম্বর 2021দা হৌদোকখিবা অনৌবা তেক্নোলোজী অসিনা পেন্সনরশিংনা এক্সতর্নেল বাইও-মেত্রিক দিভাইসশিংগী মীপাল তাংলম্বা অদু হন্থহনখি অমসুং প্রোসেস অসিবু স্মার্তফোন-বেজ তেক্নোলোজী শীজিন্নদুনা মীয়ামগীদমক হেন্না লাইহনখি।

কেন্দ্র সরকারগী পেন্সনরশিং লোয়ননা পেন্সন দিসবর্জিং ওথোরিতীশিংদা দিজিতেল লাইফ সর্তিফিকেৎ পীশিন্নবা DLC/ফেস ওথেন্তিকেসন তেক্নোলোজী শীজিন্নবগী মতাংদা এৱের্নেস পীনবা ৱাখল্লোনগা লোয়ননা DoPPWনা লৈবাক শিনবা থুংবদা সহর 37দা 2022দা নবেম্বর থাদা লৈবাক শিনবা থুংবদা কেম্পেন অমা হৌদোকখি। কেম্পেন অসিদা কেন্দ্র সরকারগী পেন্সনরশিংদা DLC লাখ 35 হেন্না মাইপাক্না ইস্যু তৌখি। লৈবাক শিনবা থুংবদা কেম্পেন অসি পেন্সন দিসবর্জিং বেঙ্ক 17, মন্ত্রালয়শিং/বিভাগশিং, পেন্সনর্স ৱেল্ফিয়র এসোসিএসন, UIDAI, MeiTYগা খুৎশম্নদুনা পেন্সনর লাখ 50 তার্গেৎ তৌদুনা লৈবাক শিনবা থুংবদা লৈবা সহর 100গী মফম 500দা নবেম্বর 1 – 30, 2023দা পাঙথোক্লি।

হীরম অসিদা স্তেৎ বেঙ্ক ওফ ইন্দিয়াগা খুৎশম্নদুনা বেঙ্গলুরুদা DLC কেম্পশিং পাঙথোক্কনি। কেম্পশিং অসি সহরগী তোঙান-তোঙানবা মফমশিংদা পাঙথোক্কনি মখোয় অদুদা I.S.R.O., নাল বেঙ্গলুরু, য়েলহনকা ন্যু তাউন, এয়র ফোর্স স্তেসন য়েলহনকানি অমসুং SBIনা হেসরঘত্তাদা অমসুং কনারা বেঙ্কনা বিজয়নগর-II, বাসাবেশ্বরা, হনুমান্থনগর, মাল্লেশ্বরম অমসুং রাজাজীনগর-II ব্লোক DPCDদা পাঙথোক্কনি। UIDAIদগী তীম অমনা কেম্প অসিদা শরুক য়াদুনা মখোয়গী আধার রেকোর্দশিং অপদেৎ তৌবদা পেন্সনরশিংগী মতেং পংগনি, অমসুং তেক্নিকেল ইস্যুশিংসু য়েংশিনগনি।

হৌরম অসিদা DoPPWদগী তীম অমনা বেঙ্ক ওফিসিএলশিং, পেন্সনরশিং, অমসুং রেজিস্তর তৌরবা পেন্সনর্স এসোসিএসন অহুম মখোয় অদুদি কর্নাতকা সেন্ত্রেল গভর্নমেন্ত পেন্সনর্স এসোসিএসন, কর্নাতকা পোস্তস এন্দ তেলিকম্ম্যুনিকেসন্স পেন্সনর্স এসোসিএসন অমসুং ওল ইন্দিয়া BSNL পেন্সনর্স ৱেল্ফিয়র এসোসিএসন হায়বরিবা অসিগী মীহুৎশিংগা লোয়ননা কেম্পেনগী প্রোগ্রেস য়েংশিন্নবা নবেম্বর 4দা শ্রী ভি. শ্রীনিবাস, সেক্রেতরী (পেন্সনস)গী চিয়রমেনশিপ মখাদা বেঙ্গলুরুদা চৎকনি।

দিপার্তমেন্ত ওফ পেন্সন এন্দ পেন্সনর্স ৱেল্ফিয়রনা কেম্পেন অসি লৈবাক শিনবা থুংবদা চাউনা মাইপাকপা ওইনবা খোঙথাং পুম্নমক লৌখৎকনি।

*****