প্রধান মন্ত্রী, শ্রী নরেন্দ্র মোদীনা ঙসি নই দিল্লীগী প্রগতি মৈদান্দা লৈবা ভারত মন্দপমদা মেগা ফুদ ইভেন্ত ‘ৱর্ল্দ ফুদ ইন্দিয়া 2023’গী অনিশুবা ইদিসন হৌদোকখ্রে। মহাক্না সেল্ফ হেল্প গ্রুপশিং মপাঙ্গল কনখৎহন্নবা SHG মেম্বর লাখ অমদা সীদ কেপিতেল এসিস্তেন্স য়েন্থোকখ্রে। শ্রী মোদীনা থৌরম অসিদা উৎখিবা একজিবিসনসু চৎতুনা য়েংখি। থৌরম অসিনা ভারতপু ‘মালেমগী ফুদ বাস্কেৎ’ ওইনা উৎনবা অমসুং 2023বু ইন্তর্নেস্নেল ইয়র ওফ মিল্লেৎস হায়না পালন তৌনবা পান্দম থম্মি।

থৌরম অসিদা ৱা ঙাংলদুনা প্রধান মন্ত্রীনা থৌরম অসিদা উৎখিবা তেক্নোলোজী অমসুং স্তার্তঅপ পেবিলিয়ন অমসুং ফুদ স্ত্রীতপু থাগৎখি অমসুং  তেক্নোলোজী অমসুং তেস্ত পুনশিনবনা তুংলমচৎকী ইকনোমীগীদমক লম্বী য়াৎলগনি হায়না ফোঙদোকখি। ঙসিগী হোংলক্লিবা মালেমদা প্রধান মন্ত্রীনা ফুদ সেক্যুরিতীগী খ্বাইদগী চাউবা শীংনবশিংগী মনুংদা অমা অমসুং ৱর্ল্দ ফুদ ইন্দিয়া 2023গী মরু ওইবা অদু থমখি।

প্রধান মন্ত্রীনা ৱর্ল্দ ফুদ ইন্দিয়াগী ফলশিং অসি ভারতকী ফুদ প্রোসেসিং সেক্তরবু ‘সনরাই সেক্তর’ ওইনা শকখঙবগী অচৌবা খুদম অমনি হায়খি। হৌখিবা চহি 9 অসিদা প্রধান মন্ত্রীনা সেক্তর অসিনা লুপা করোর 50,000 হেনবগী ফোরেন দাইরেক্ত ইনভেস্তমেন্ত লাকহনখি মসিগী মরম সরকারগী প্রো-ইন্দস্ত্রী অমসুং প্রো-ফার্মর পোলিসীশিংনা ওইরি। ফুদ প্রোসেসিং সেক্তরদা লৈরিবা PLI স্কিমগী মতাংদা পল্লদুনা প্রধান মন্ত্রীনা হায়খি মদুদি ইন্দস্ত্রী  অইদা অনৌবা প্লেয়রশিংদা চাউনা তেংবাং পীরি। মহাক্না হায়খি লুপা করোর 50,000 হেনবগী চাউরাকপা ইনভেস্তমেন্তগা লোয়ননা পোস্ত-হর্বেস্ত ইনফ্রাস্ত্রকচরগীদমক এগ্রি-ফন্দ ফন্দগী মখাদা প্রোজেক্ত লিশিং কয়া পাইখৎলি অমরোমদা ফিশরীজ অমসুং এনিমেল হসবেন্দ্রী সেক্তরদা প্রোসেসিং ইনফ্রাস্ত্রকচর অসিদা লুপা করোর লিশিং কয়াগী ইনভেস্তমেন্ত তৌরি।

“সরকারগী ইনভেস্তর-ফ্রেন্দলী পোলিসীশিংনা ফুদ সেক্তরবু অনৌবা পনখৈ তম্না পুখৎলি” হায়না শ্রী মোদীনা ফোঙদোকখ্রে। হৌখিবা চহি 9দা প্রধান মন্ত্রীনা হায়খি ভারতকী এগ্রিকলচরেল এক্সপোর্তশিংদা প্রোসেস ফুদশিংগী শিয়র অসি চাদা  13দগী চাদা 23 হেনগৎলক্তুনা প্রোসেস ফুদ এক্সপোর্ত তৌবদা পুন্না চাদা 150 হেনগৎলকখি। “ঙসি ভারতনা লৌউ-শিংউগী পোত্থোক পুথোকপদা USD 50,000 মিলিয়ন হেন্না পুন্না এক্সপোর্ত তৌবগা লোয়ননা 7শুবা পোজিসন্দা লৈখি”, হায়না মহাক্না ফোঙদোকখি। মহাক্না হায়খি মদুদি ভারতনা অমুক্তা উখিদ্রিবা গ্রোথ লৈতবা ফুদ প্রোসেসিং ইন্দস্ত্রীদা সেক্তর অমত্তা লৈতে অমসুং হায় মদুদি মসি ফুদ প্রোসেসিং ইন্দস্ত্রীগা মরী লৈনবা কম্পনী অমসুং স্তার্তঅপ খুদিংমক্কীদমক অচৌবা খুদোংচাবা অমনি।

প্রধান মন্ত্রী মোদীনা ভারতকী ফুদ প্রোসেসিং ইন্দস্ত্রীদা খোঙজেল য়াংনা চাউখৎলক্লিবা অসিগীদমক সরকারগী লেপ্পা লৈতনা অমসুং থৱায় য়াওনা খোঙথাংশিং পাইখৎখিববু থাগৎখি। ভারত্তা অহানবা ওইনা এগ্রি-এক্সপোর্ত পোলিসী শেমখিবা, লৈবাক শিনবা থুংবদা লোজিস্তিক্স অমসুং ইনফ্রাস্ত্রকচর শেমগৎপা, গ্লোবেল মার্কেৎশিংগা জিলাশিংগা শম্নহল্লিবা জিলা থাক্কী হব 100 হেন্না শেমখিবা, মেগা ফুদ পার্কশিংগী মশিং 2দগী 200দা হেনগৎহনবা অমসুং ভারতকী ফুদ প্রোসেসিং কেপাসিতী অসিবু মেত্রিক তন লাখ 12দগী মেত্রিক তন লাখ 200দা হেনগৎহন্দুনা হৌখিবা চহি 9 অসিদা শরুক 15 হেনগৎলকখি হায়না মহাক্না পনখি। প্রধান মন্ত্রীনা অহানবা ওইনা ভারত্তগী এক্সপোর্ত তৌরিবা লৌউ-শিংউগী পোত্থোকশিংগী খুদমশিং পীখি অমসুং হিমাচল প্রদেশতগী শীং অমুবা, জম্মু অমসুং কাশ্মিরদগী দ্রেগন ফ্রুত, মধ্য প্রদেশতগী সোয়া মিল্ক পাউদর, লদাখতগী কর্কিতচু শেম, পঞ্জাবতগী কেবেন্দিশ লফোই, জম্মুদগী গুচ্চি শেংগুম, অমসুং  কর্নতকাদগী খোহী অহিংবা অসি পনখি।

ভারত্তা খোঙজেল য়াংনা অর্বনাইজেসন তৌরক্লিবা অসিগী মতাংদা প্রধান মন্ত্রীনা লৌমীশিং, স্তার্তঅপশিং অমসুং অপীকপা ওন্তপ্রিনোরশিংগীদমক অনৌবা খুদোংচাবশিং পীরিবা পেকেজ ফুদকী দিমান্দ হেনগৎলক্লিবা অসিদা পুক্নিং চীংশিনখি। শ্রী মোদীনা ওইথোকপা য়াবশিং অসি মপুং ফানা শীজিন্ননবা অচৌবা থৌরাংগী মথৌ তাই হায়না ফোঙদোকখি।

প্রধান মন্ত্রীনা ফুদ প্রোসেসিং সেক্তরদা ভারতকী গ্রোথ স্তোরীগী য়ুম্বী অহুম অসি অপীকপা লৌমীশিং, অপীকপা ইন্দস্ত্রীশিং অমসুং নুপীশিংনা ওইরি হায়না ফোঙদোকখি। মহাক্না অপীকপা লৌমীশিংনা য়াওশিনবা অমসুং শেন্দোং হেনগৎহন্নবা ফম্পাক অমা ওইনা ফার্মর প্রদ্যুসর ওর্গনাইজেসনশিং নত্ত্রগা FPOশিং নীংথিনা শীজিন্নখি হায়না ফোঙদোকখি। “ঐখোয়না ভারত্তা অনৌবা FPO লিশিং 10 শেম্মি, মসিগী মনুংদা লিশিং 7দি হান্নদগী শেমখ্রে”, হায়না মহাক্না ফোঙদোকখি। মহাক্না লৌমীশিংগীদমক মার্কেৎ এক্সেস অমসুং প্রোসেসিং ফেসিলিতীশিং লৈহনবা হেনগৎহনখি হায়খি অমসুং স্মোল স্কেল ইন্দস্ত্রীশিংনা শরুক য়াবা হেনগৎনবগীদমক ফুদ প্রোসেসিং ইন্দস্ত্রীদা মাইক্রো এন্তর্প্রাইস লাখ 2 রোম শেম্মি হায়নসু ফোঙদোকখি। “‘ৱান দিস্ত্রিক্ত ৱান প্রদক্ত’ – ODOPগুম্বা স্কিমশিংনা অপীকপা লৌমীশিং অমসুং অপীকপা ইন্দস্ত্রীশিংদা অনৌবা শক্তাক অমসু পীরি” হায়না মহাক্না মখা তাখি।

ভারত্তা লৈরিবা নুপীনা লমজিংবা চাউখৎ-থৌরাংগী লম্বেল অসিগী মতাংদা প্রধান মন্ত্রীনা ফুদ প্রোসেসিং ইন্দস্ত্রীদা কান্নবা পীদুনা ইকনোমীদা নুপীশিংনা শরুক তম্বা হেনগৎলক্লি হায়খি। মহাক্না হায় ভারত্তা নুপী করোর 9 হেনবনা ঙসি সেল্ফ হেল্প গ্রুপশিংগা লোয়ননা থবক তৌরি। চহি লিশিং কয়াদগী ফুদ সাইন্সতা মাংজিল থারকখিবা নুপীশিংগী মতাংদা পল্লদুনা প্রধান মন্ত্রীনা হায় ভারত্তা লৈরিবা চীঞ্জাক মখলশিং অমসুং ফুদ দাইভর্সিতী অসি ভারতকী নুপীশিংগী হৈশিংবা অমসুং লৌশিংগী ফলনি। মহাক্না হায় নুপীশিংনা আচার, পাফোর, চিপ্স, মুরব্বা অসিনাচিংবা প্রদক্ত কয়াগী কৈথেল চল্লাইরি। “ভারতকী নুপীশিংদা ফুদ প্রোসেসিং ইন্দস্ত্রী লমজিংনবগী মহৌশানা মতিক-ময়াই চেল্লি”, হায়না শ্রী মোদীনা ফোঙদোক্লদুনা হায় মহাক্না নুপীশিংগীদমক থাক খুদিংমক্তা কোতেজ ইন্দস্ত্রীশিং অমসুং সেল্ফ-হেল্প গ্রুপশিং থৌগৎলি। পি.এম. মোদীনা ঙসিগী থৌরম অসিদা নুপী লাখ  1 হেনবদা লুপা করোর কয়ারোম ওইবা সীদ কেপিতেল য়েন্থোকখি হায়না পনখি।

“ভারত্তা কলচরেল দাইভর্সিতী লৈবা অদুগুম্না ফুদ দাইভর্সিতী লৈ। ভারতকী ফুদ দাইভর্সিতীনা মালেমগী ইনভেস্তর খুদিংমক্কী দিবিদেন্ত অমা ওইরি”, হায়না প্রধান মন্ত্রীনা ফোঙদোকখি। ভারতকী মরমদা খঙনীংবা হেনগৎলক্লিবা অসিগী মতাংদা প্রধান মন্ত্রীনা হায় মালেমদা লৈরিবা ফুদ ইন্দস্ত্রীনা ভারতকী ফুদ ত্রেদিসনশিংদগী তমশিনবা য়াবা য়াম্না লৈ। মহাক্না হায়খি মদুদি ভারতকী সস্তেনেবল ফুদ কলচর অসি মাগী চাউখৎ-থৌরাংগী খোঙচৎকী চহি লিশিং কয়াগী ফলনি। চহি লিশিং কয়াগী মমাংদগী হৌরকখিবা ভারতকী সস্তেনেবল ফুদ কলচরগী মতাংদা পল্লদুনা প্রধান মন্ত্রীনা হায় ভারতকী ইপা-ইপুশিংনা আয়ুর্বেদকা লোয়ননা চাবগী হৈনবীশিং অসি মরী লৈনহনখি। “আয়ুর্বেদতা ‘রিতা-ভুক’ হায়বদি পন্থাগী মতুং ইন্না চাউ, ‘মিত ভুক’ হায়বদি বেলেন্স দাইৎ, অমসুং ‘হিত ভুক’ হায়বদি অফবা চীঞ্জাক হায়রিবা অসি ভারতকী সাইন্তিফিক অন্দরস্তেন্দিংগী মরু ওইবা শরুকশিংনি” হায়না মহাক্না ফোঙদোকখি। মহাক্না হায় চেং হরাই ললোন-ইতিক তৌবা মরু ওইনা ভারতকী মরু মরাং অসি মালেমদা তুং কোইনা ইম্পেক্ত পীরি। গ্লোবেল ফুদ সেক্যুরিতীগী মরমদা প্রধান মন্ত্রীনা ফুদ প্রোসেসিং ইন্দস্ত্রীনা তুং কোইগদবা অমসুং অফবা চাবগী হৈনবীশিংগী অরিবা লৌশিং অদু খঙবা অমসুং থবক ওইনা পাঙথোকপা মথৌ তাই হায়খি। শ্রী মোদীনা মালেমনা ইন্তর্নেস্নেল ইয়র ওফ মিল্লেৎস হায়না 2023বু পালন তৌববু থাগৎখি। “মিল্লেৎসনা ভারতকী ‘সুপরফুদ বক্কেৎ’কী শরুক অমা ওইরি অমসুং সরকারনা মসিবু শ্রী অন্না হায়না শকখঙখি”, হায়না শ্রী মোদীনা ফোঙদোকখি। মিল্লেৎস অসি চহিচা কয়াদগী অয়াম্বা সভ্যতাশিংদা মরু ওইনা লৌরবসু হৌখিবা দিকেদ খরদা ভারত য়াওনা লৈবাক কয়াগী চীঞ্জাক্তগী লৌথোকখি মসিনা মরম ওইদুনা গ্লোবেল হেল্থ, সস্তেনেবল ফার্মিং লোয়ননা সস্তেনেবল ইকনোমীদা চাউনা অকাইবা থোকহল্লি। “ভারতকী থৌশিলদগী মালেমদা মিল্লেৎসকী মতাংদা এৱের্নেস কেম্পেন অমা হৌখি”, হায়না প্রধান মন্ত্রীনা ফোঙদোক্লদুনা ইন্তর্নেস্নেল য়োগ দেগী কান্নবা অদুগুম্না মালেমগী শরুক খুদিংমক্তা মিল্লেৎশিং য়ৌরগনি হায়বগী থাজবা থমখি। মহাক্না G-20 সম্মিৎ মনুংদা ভারত্তা লাকখিবা দিগনিতরীশিংগীদমক মিল্লেৎসনা শেম্বা মথেলশিংগী মতাংদা লোয়ননা মার্কেৎতা মিল্লেৎসনা শাবা প্রোসেস ফুদ আইতেমশিং ফংলি হায়না ফোঙদোকখি। প্রধান মন্ত্রী মোদীনা থৌরম অসিগী দিগনিতরীশিংনা শ্রী অন্নাগী শিয়র হেনগৎহন্নবা লম্বীশিংগী মরক্তা খন্ননবা অমসুং ইন্দস্ত্রী অমসুং লৌমীশিংগী কান্ননবা অপুনবা রোদমেপ শেম্নবা হায়খি।

শ্রী মোদীনা হায়খি মদুদু G-20 গ্রুপনা দিল্লী দেক্লেরেসনদা সস্তেনেবল এগ্রিকলচর, ফুদ সেক্যুরিতী অমসুং ন্যুত্রিসন সেক্যুরিতীগী মতমদা মীৎয়েং চংখি অমসুং ফুদ প্রোসেসিংগা মরী লৈনবা পার্তনর পুম্নমক্কী থৌদাং অদুসু ফোঙদোকখি। মহাক্না ফুদ দিস্ত্রিব্যুসন প্রোগ্রাম অসিবু দাইভর্সিফাইদ ফুদ বাস্কেৎ অমগী মাইকৈদা পুদুনা অমসুং পোস্ত-হর্বেস্তকী অমাংবশিং হন্থহন্নবা হায়খি। মহাক্না তেক্নোলোজী শীজিন্নদুনা আমাংবা হন্থহন্নবসু হায়খি। মহাক্না পত্থ-পুমথগনবা প্রদক্তশিংগী প্রোসেসিং তৌবা হেনগৎতুনা মাংবা হন্থহন্নবা হায়খি মসিনা লৌমিশিংদা কান্নবা পীগনি অমসুং মমলগী অকা-অকুম তৌবা ঙাকথোকপা ঙমগনি। ৱারোল পীবা লোইশিনবদা প্রধান মন্ত্রীনা লৌমীশিংগী অপাম্বা অমসুং কঞ্জুমরশিংগী অপেনবা অসিগী মরক্তা খল অমা কাইদনা থম্বা মথৌ তাও হায়খি। মহাক্না মসিদগী ফংলকপা ফলশিংনা মালেমগীদমক সস্তেনেবল অমসুং ফুদ-সেক্যুর ফ্যুচর অমগী য়ুম্ফম থোনগী হায়না থাজবা থমখি।

কেন্দ্রগী কঞ্জুমর এফিয়র্স, ফুদ এন্দ পব্লিক দিস্ত্রিব্যুসন মন্ত্রী, শ্রী পিয়ুশ গোয়ল, কেন্দ্রগী ফুদ প্রোসেসিং ইন্দস্ত্রীজকী মন্ত্রী, শ্রী পশুপতি কুমার পরাস, কেন্দ্রগী খুঙ্গং চাউখৎ-থৌরাংগী মন্ত্রী, শ্রী গিরিরাজ সিংহ, এনিমেল হসবেন্দ্রী, দাইরিয়িং অমসুং ফিশরীজকী কেন্দ্রগী রাজ্য মন্ত্রী, শ্রী পরশোত্তম রুপালা অমসুং ফুদ প্রোসেসিং ইন্দস্ত্রীজকী কেন্দ্রগী রাজ্য মন্ত্রী, শ্রী প্রহলাদ সিংহ পতেলনা থৌরম অসিদা শরুক য়াখি।

বেকগ্রাউন্দ

সেল্ফ হেল্প গ্রুপশিং মপাঙ্গল কনখৎহন্নবা প্রধান মন্ত্রীনা SHG মেম্বর লাখ অমা হেনবদা সীদ কেপিতেল এসিস্তেন্স পীথখ্রে। মসিনা SHGশিংনা ফগৎহল্লবা পেকেজিং অমসুং ক্বালিতী লৈবা মেন্যুফেকচরিংগী খুত্থাংদা মার্কেৎতা হেন্না ফবা মমল ফংনবা হোৎনবদ মতেং ওইরগনি। প্রধান মন্ত্রীনা ৱর্ল্দ ফুদ ইন্দিয়া 2023গী শরুক ওইনা ফুদ স্ত্রীত হৌদোকখি। মসিদা রিজনেল ক্যুজিনশিং অমসুং রোরেল কলিনরী হেরিতেজ উৎকনি, মসিনা চেফ 200 হেনবনা শরুক য়াগনি অমসুং ত্রেদিস্নেল ইন্দিয়ন ক্যুজিন খুদোল তমদুনা অখন্নবা কুলিনরী এক্সপরিয়েন্স ফংহনগনি।

থৌরম অসিদা ভারতপু ‘মালেমগী ফুদ বাস্কেৎ’ ওইনা উৎনবা অমসুং 2023বু ইন্তরনেস্নেল ইয়র ওফ মিল্লেৎস ওইনা পালন তৌনবা পান্দম থম্মি। মসিনা সরকারগী বোদীশিং, ইন্দস্ত্রী প্রোফেস্নেলশিং, লৌমীশিং, ওন্তপ্রিনোরশিং অমসুং অতোপ্পা স্তেকহোল্দরশিংগীদমক এগ্রি-ফুদ সেক্তরগী মতাংদা খন্ননবা, পার্তনরশিপশিং তৌনবা অমসুং ইনভেস্তমেন্তগী খুদোংচাবশিং খঙদোক্নবা নেৎৱার্কিং অমসুং বিজিনেস প্লেৎফোর্ম অমা পীরগনি। CEOশিংগী রাউন্দতেবলশিংনা ইনভেস্তমেন্ত অমসুং ইজ ওফ দুইং বিজিনেস্তা মীৎয়েং চংগনি।

ভারতকী ফুদ প্রোসেসিং ইন্দস্ত্রীগী ইন্নোবেসন অমসুং শক্তি উৎনবা তোঙান-তোঙানবা পেবিলিয়নশিং হাংগনি। থৌরম অসিদা ফুদ প্রোসেসিং ইন্দস্ত্রীগী তোঙান-তোঙানবা হীরমশিংদা মীৎয়েং চংলিবা সেসন 48 য়াওগনি মসিনা ফাইনান্সিএল এম্পাৱরমেন্ত, ক্বালিতী এস্যুরেন্স অমসুং মেচিনরী অমসুং তেক্নোলোজীদা তৌরিবা ইন্নোবেসনশিংদা মীৎয়েং চংগনি।

থৌরম অসিদা মমিং লৈবা ফুদ প্রোসেসিং কম্পনীশিংগী CEOশিং য়াওনা লৈবাক 80 হেনবদগী পার্তিসিপেন্তশিংনা শরুক য়াগনি। মসিদা লৈবাক 80 হেনবদগী ওভরসীস বায়র 1200 হেবগা লোয়ননা রিভর্স বায়র সেল্লর মীতসু য়াওগনি। নেদরলেন্দসনা পার্নর কন্ত্রী ওইগনি অমরোমদা জাপান্না ইভেন্ত ফোকস কন্ত্রী ওইগনি।

Addressing the World Food India programme. https://t.co/B9waEvVAsi

— Narendra Modi (@narendramodi) November 3, 2023

Today, India's investor friendly policies are taking the country's food sector to new heights. pic.twitter.com/lGXIwW094b

— PMO India (@PMOIndia) November 3, 2023

India has achieved remarkable growth in every sector of the food processing industry. pic.twitter.com/NY0stNwCD9

— PMO India (@PMOIndia) November 3, 2023

The demand for packaged food has increased significantly. This is creating opportunities for our farmers, start-ups and entrepreneurs. pic.twitter.com/LesKNz5Pjj

— PMO India (@PMOIndia) November 3, 2023

Women in India have the natural ability to lead the food processing industry. pic.twitter.com/si2Wcj337e

— PMO India (@PMOIndia) November 3, 2023

India's food diversity is a dividend for global investors. pic.twitter.com/K3K1302nQt

— PMO India (@PMOIndia) November 3, 2023

India's sustainable food culture has evolved over thousands of years. Our ancestors linked food habits to Ayurveda. pic.twitter.com/G0ZsAVYIdG

— PMO India (@PMOIndia) November 3, 2023

This year we are marking the International Year of Millets.

Millets are a key component of our 'superfood bucket.' pic.twitter.com/HBc1oNPz0o

— PMO India (@PMOIndia) November 3, 2023

Mitigating food wastage is a significant endeavour in realising the objective of sustainable lifestyle. Our products should be designed to minimize wastage. pic.twitter.com/1CoVgmPGzr

— PMO India (@PMOIndia) November 3, 2023

*****